رابطة مالكي الشارك- لانسر 2008 : 2012

**sherif_taher** · 03-06-2013 08:29 PM

السلام عليكم ..
كنت عايز اسأل حضراتكم عن قطع غيار الشارك اللي بتتغير علطول (سير...فلاتر و خلافه ) و قطع غيار العفشة (مقص ...كوبلن و خلافه )...هل هي متوفرة في بسهولة لواحد زي مثلا من طنطا ...و بالذات الاصلية مش البدائل زي الكوري و التايواني ...و يا ريت برضه فكرة عن اسعارها عشان بسمع فتي كتير و مش عارف ده صح و لا لاء ...و اسعار الصيانة في التوكيل كويسة و لا مبالغ فيها اوي ...انا استهلاكي قليل و نضيف بطبعي ...عشان بفكر اجيب واحدة مستعملة تكون نضيفة ان امكن

**abcdefghi** · 04-06-2013 11:33 PM

35000

**MIVEC.A92** · 06-06-2013 05:12 AM

السلام عليكم

عندي يا جماعة الطارة و الفتيس قشرو من الشمس العربية بقالها سنة و نص. هل اطنش ولا اصر علي تغيير الطارة في الصيانة اللي جاية (كمان 500 كيلو)؟

**Shark74** · 20-06-2013 01:04 AM

السلام عليكم يا إخواني
أخوكم مقيم بالكويت وعندي شارك 2010 gls فول أوبشن أعل فئة 1500 سي سي . الأن الظروف اضطرتني اعود إلى مصر محتاج أقرر إنزل السيارة معي ولا لاء انا مالكها الأول في سنة الموديل

والسؤال الأن كم يبلغ سعر هذا الموديل بهذه المواصفات في مصر؟؟ وإن أمكن كم يبلغ جمركها تقريباً

والله السيارة صعبانه عليا لأني سنتين ونصف ماشي فيها 20 ألف فقط ومفيهاش أي مشكلة. ولو بعتها في الكويت تجيب حوالي 60إلى 70 ألف مصري

ابيعها ولا أنزلها رأيكم أيه

**MITSUKERO** · 20-06-2013 10:11 AM

المشاركة الأصلية كتبت بواسطة mivec.a92

السلام عليكم

عندي يا جماعة الطارة و الفتيس قشرو من الشمس العربية بقالها سنة و نص. هل اطنش ولا اصر علي تغيير الطارة في الصيانة اللي جاية (كمان 500 كيلو)؟

لو انت في الضمان اتخانق و غيرها و هدد بالشكوي لحماية المستهلك

**semsem5144** · 21-06-2013 03:27 PM

المشاركة الأصلية كتبت بواسطة shark74

السلام عليكم يا إخواني
أخوكم مقيم بالكويت وعندي شارك 2010 gls فول أوبشن أعل فئة 1500 سي سي . الأن الظروف اضطرتني اعود إلى مصر محتاج أقرر إنزل السيارة معي ولا لاء انا مالكها الأول في سنة الموديل

والسؤال الأن كم يبلغ سعر هذا الموديل بهذه المواصفات في مصر؟؟ وإن أمكن كم يبلغ جمركها تقريباً

والله السيارة صعبانه عليا لأني سنتين ونصف ماشي فيها 20 ألف فقط ومفيهاش أي مشكلة. ولو بعتها في الكويت تجيب حوالي 60إلى 70 ألف مصري

ابيعها ولا أنزلها رأيكم أيه

اسعار العربيات الجديدة فى مصر حاليا غالية جدا واكيد ده اثر على سعر المستعمل يعنى عشان تركب عربية محترمه حاليا مش اقل من 160 الف عربيتك ممكن تعمل 110 الف فى مصر تقريبا
جمركها من 50 ل 60 الف يعنى لو حسبتها تمنها فى الكويت 65 + 55 جمرك 120 ماتعرفش تركب بيهم النترا 2013 مستعمله اول فئة
في رأيي انت ضامن عربيتك نزلها واستفيد بيها

**Shark74** · 21-06-2013 09:10 PM

شكراً يا أخي العزيز ... العربية فعلاً حالتها زيرو تقريباً والجديد 168 ألف في مصر... انزلها واتكل على الله

**salah_86** · 21-06-2013 10:48 PM

المشاركة الأصلية كتبت بواسطة shark74

شكراً يا أخي العزيز ... العربية فعلاً حالتها زيرو تقريباً والجديد 168 ألف في مصر... انزلها واتكل على الله

ربنا يباركلك فيها وخد بالك ان فى ناس هتقولك دى 1500 وهيا دلوقتى بتنزل 1600
طالما عربيتك من الزيرو وممتازة معاك والتكلفة هتبقى عالية انك تبيعها وتيجى تشترى هنا ال 1600
نزلها وتوكل على الله ربنا يباركلك فيها
بس حاول تجيبلك كام قطعة غيار وانت جاى يعنى فانوسين قدام وفانوسين ورا وشوية قطع غيار للمكنة فلاتر زيت على قد ما تعرف تجيب وانت جاى حاجة الشارك هنا مولعة وتيل فرامل كمان

**Shark74** · 22-06-2013 12:50 PM

بإذن الله ...شكراً جزيلاً على النصيحة الغالية

**samehfox** · 24-06-2013 09:52 PM

السلام عليكم لو سمحتوا يا جماعة انى عندى استفسار غريب شوية انا لسة شاري عربية شارك 2013 وملاحظ حاجة غريبة جدا الجانب الشمال للعربية كلها اوطي بحوالى 2 سم من الجانب اليمين كلة برضة مع العلم ان الكاوتش مضبوط كموبيوتر تمام دى بيخلى قفلة الفرملة علي الطريق تجيب التارة معايا شمال . حد عندة فكرة عن اذا كان الانخفاض دة طبيعى ولا لاءة في الشارك وشكرا