لا دى اكببببببر ميزة ياباسم فى العربية الناس تحسدنا عليها الاىام دى انذارها ونظام الحماية بتاعها حلو جدا وعلى الكلكس وحاجة بتاعت مصنعها ومحترمة بجد
عرض للطباعة
لا دى اكببببببر ميزة ياباسم فى العربية الناس تحسدنا عليها الاىام دى انذارها ونظام الحماية بتاعها حلو جدا وعلى الكلكس وحاجة بتاعت مصنعها ومحترمة بجد
مفيش الكلام ده عندنا الموتور ميدورش نهائى وحتى هى مفتوحة طالما مفتاحها مش فىها ....طبعا فيها امبولايزر و جرب انت كده تقرب منها من غىر مفتاح طبعا شوف هتعمل ايه فضيييييييييييحة ههههههه
طب تمام,الحمد لله
طمنتيني,ربنا يكرمك
اسعار الشارك 2011 حتبدأ من 135 الف الى 155 الف
الكلام ده من ال fan page بتاعنهم على الفيس بوك,,واحد اتصل بيهم و كتب الاسعار دي على ال fan page بتاعتهم
العفو وده لانوا فكرت التوبيك حلو تسلم ايدك عليه بجداقتباس:
متشكر جدااا لذوقك
والله انا سألتلك قبل كده ملقتش
بس انا وصيت تاجر لو وقع في ايديه حاجة يقولي ان شاء الله
وتسلم لاني بتعبك معايه والله
وبجد بجد متشكر ليك واسف اني بتعبك معايه
السلام عليكم
بما انه اول مشاركة ليا في المنتدي كان عندي استفسار صغير
خالي معاه لانسر شارك 2009 هاي لاين
لاحظت فيها 3 زراير اتنين في الابواب الامامية في المقابض ووناحد في الشنطة ورا لونهم اسود صغيرين جنب فتحت المفتاح
سؤالي بقي دول لازمتهم ايه او ايه استخدماتهم
شكرا
و عليكم السلام و رحمة الله و بركاته
اهلا بحضرتك معانا و شرف لينا ان اول مشاركة لحضرتك تكون عندنا هنا
الزراير اللي في الابواب الامامية دي,,دي بتاعة قفل الباب بالبصمة
يعني المفتاح مع حضرتك في جيبك مثلا و لما تدوس عليه بعد ما تخرج من العربية يقفل الابواب كلها
اما الزرار الاسود اللي عند الشنطة ده,,فحضرتك الشنطة فتح كهرباء,,ممكن تتفتح من الريموت
و ممكن تتفتح من الزرار الاسود اللي حضرتك شوفته ده,,بس لازم المفتاخ يكون في جيبك او معاك يعني عشان لما تدوس على الزرار الاسود ده الشنطة تفتح معاك
و اي حاجة حضرتك عاوز تسأل عليها انا تحت امرك
و يا رب اكون قدرت افيد حضرتك
بجد موضوع اكثر من رائع..وان شاء الله نلاقى الاستفاده المطلوبه هنا..
بس كنا عايزين نتناقش فى ايه انسب زيت موتور حد فينا جربه؟؟
يعنى بالنسبالى جربت موبيل و فيسكو 5000 ولقيت فيسكو انسب بكتييير...هل حد يتفق او يختلف معايا؟
بالنسبة لا موضوع الزيت في ناس كتير بتشكر في كاسترول . وكنت بفكر أجرب كاسترول ماجنتيك. في حد جربو ممكن يشارك?
انا شاركاوي برضه واللي بيسال على شارك مستعمله ... النهارده شوفت معرض حاطط واحده والمعرض في المعادي الجديده امام بنزينه موبيل اللي بعد مدخل المعادي من ناحية الاوتوستراد ... اعتقد كامله ولونها اسود شكلها نضيف
شكرا لذوقك
ان شاء الله حضرتك تلاقي الاستفادة المطلوبة هنا,,بس عشان تتم الاستفادة
لازم الكل يشارك سواء في مشاكل قابلته و ازاي حلها,,او اذا كان عمل حاجة في العربية سواء كماليات
او ميكانيكية زي مناقشة الزيت اللي حضرتك عارضها,,لازم الكل يتناقش عشان كلنا نستفاد
بالنسبة للزيت,,انا كنت سألت واحد صاحبي على اني اول ما اكمل ال 1000 كيلو,,احط زيت فيسكو او كاسترول
بس جه قالي الزيت اللي العربية نازلة بيه ايه؟؟
قولتله معرفش,,المهم فتح الكابوت و بص عليه,,لقى مكتوب زيت موبيل,,قالي كده العربية نازلة بزيت موبيل
يبقى الاحسن تحط نفس الزيت اللي هو موبيل
انا سمعت عن زيت كاسترول و فيسكو,,و الحقيقة الناس بتشكر فيهم
بس بعد اذنك يا استاذ عمر,,تقولنا ايه الفرق اللي لحظته لما جربت زيت فيسكو في الشارك؟؟؟
لان لو طلع بيفرق في حاجات,,حروح احطه في صيانة الالف ان شاء الله
شكرا لذوقك
ان شاء الله حضرتك تلاقي الاستفادة المطلوبة هنا,,بس عشان تتم الاستفادة
لازم الكل يشارك سواء في مشاكل قابلته و ازاي حلها,,او اذا كان عمل حاجة في العربية سواء كماليات
او ميكانيكية زي مناقشة الزيت اللي حضرتك عارضها,,لازم الكل يتناقش عشان كلنا نستفاد
بالنسبة للزيت,,انا كنت سألت واحد صاحبي على اني اول ما اكمل ال 1000 كيلو,,احط زيت فيسكو او كاسترول
بس جه قالي الزيت اللي العربية نازلة بيه ايه؟؟
قولتله معرفش,,المهم فتح الكابوت و بص عليه,,لقى مكتوب زيت موبيل,,قالي كده العربية نازلة بزيت موبيل
يبقى الاحسن تحط نفس الزيت اللي هو موبيل
انا سمعت عن زيت كاسترول و فيسكو,,و الحقيقة الناس بتشكر فيهم
بس بعد اذنك يا استاذ عمر,,تقولنا ايه الفرق اللي لحظته لما جربت زيت فيسكو في الشارك؟؟؟
لان لو طلع بيفرق في حاجات,,حروح احطه في صيانة الالف ان شاء الله
ان شاء الله ربنا يكنب اللى فيه الخير..
هو حضرتك يمكن لظروفى وبسافر كتير و كده..فبحتاج زيت مسافات طويله..زى فيسكو..فى الاول مكنتش اعرفه...واول صيانه ليا بعد الالف حطيت موبيل وكمان بعد 10000 حطيت موبيل ..بس وانا اخر مرة والراجل فى البنزينه بيغيرة..لقيته بيقولى الزيت ده محرووق ذياده عن اللزوم..وكنت ملاحظ شويه ان صوت المكنه كان عالى..فقلتله ده زيت موبيل وان..قالى حضرتك فى الفترة دى بقى الزيت بيتغش او كده...بس معرفش اذا كان كلامه صح او لا..وكنت ساعتها هغير ب زيت فيسكو...وهو بيحط الزيت قالى الزيت ده تخليقى كويس..وبعد التجربه...لقيت صوت المكنه بقى اهدى...وارتحت نفسيا جدا لنوع الزيت ده...فقولت انقل تجربتى..علشان اشوف اذا كان حد جرب نفس اللى قولته ده او لا...واتمنى اكون افدت حضرتك
هو كان فيه حاجه تانيه معرفهاش..هل واحنا بنغير الزيت بيبقى فيه منظفات من الزيت القديم فى المحرك..علشان الزيت الجديد يكون محطوط بنضافه وكده..
ان شاء الله ربنا يكنب اللى فيه الخير..
هو حضرتك يمكن لظروفى وبسافر كتير و كده..فبحتاج زيت مسافات طويله..زى فيسكو..فى الاول مكنتش اعرفه...واول صيانه ليا بعد الالف حطيت موبيل وكمان بعد 10000 حطيت موبيل ..بس وانا اخر مرة والراجل فى البنزينه بيغيرة..لقيته بيقولى الزيت ده محرووق ذياده عن اللزوم..وكنت ملاحظ شويه ان صوت المكنه كان عالى..فقلتله ده زيت موبيل وان..قالى حضرتك فى الفترة دى بقى الزيت بيتغش او كده...بس معرفش اذا كان كلامه صح او لا..وكنت ساعتها هغير ب زيت فيسكو...وهو بيحط الزيت قالى الزيت ده تخليقى كويس..وبعد التجربه...لقيت صوت المكنه بقى اهدى...وارتحت نفسيا جدا لنوع الزيت ده...فقولت انقل تجربتى..علشان اشوف اذا كان حد جرب نفس اللى قولته ده او لا...واتمنى اكون افدت حضرتك
هو كان فيه حاجه تانيه معرفهاش..هل واحنا بنغير الزيت بيبقى فيه منظفات من الزيت القديم فى المحرك..علشان الزيت الجديد يكون محطوط بنضافه وكده..[/quote]
طبعا حضرتك افدني,,جزاك الله كل خير
حضرتك لقيت صوت الماتور الحمد لله بقى اهدى,,طب هل حضرتك لاحظت فيه فرق في السحب او التسارع؟؟؟
بالنسبة للنقطة التانية الصراحة معرفش هل فيه منظفات من الزيت القديم ولا لا
بس حبقى اسأل لحضرتك واحد صاحبي شغال في شركة بترول و ان شاء الله ارد على حضرتك في السؤال ده
انا شاركاوى جديد معاكو اسمى احمد حسين 23 سنه من الفيوم وغيرت زيوت وفلاتر وتيل فرامل والاسعار تقريبا مش بالظبط
تيل فرامل 430
فلتر هوا 220
فلتر زيت مش فاكر والله خالص
زيت ماتور وفتيس 730 دفعت الاتنين مع بعض الفتيس بياخد 8 كيلو والماتور بالفلتر 4.5 موبيل طبعا بما انى فى بنزينة موبيل
فلتر تكييف 350
سير المجموعه 300
طبة زيت 7
المهم ياجماعه كنت فاكر اغير السير ده بس نسيت خااااااالص بس بيعمل صوت صفاره بسيط اوى اول مادور الصبح وبيروح بسرعه ده كده من ايه
طلب اخير ياريت نكتب اسمائنا مش اسم الدخول عايزين الاسماء الحقيقيه شكرا ليكم
اهلا بيك يا احمد معانا,,و اتشرفنا بانضمامك لينا
و بجد متشكر جداا لاستجابتك السريعة,,و ده و ان دل,يدل على انك انسان محترم
بالنسبة للاسامي,,انا اسمي باسم سعيد زي ما مكتوب في اسم الدخول
اولا ربنا يباركلك في عربيتك و يكفيك شرها
هو عربيتك يا احمد عاملة كام كيلو,,,عشان اعرف بس الحاجات دي بتتغير امتى
هو طبعا فيه اسعار عالية شوية و فيه اسعار زي اسعار باقية العربيات
كنت عاوز اعرف ايه هو سير المجموعة ده؟؟؟
و ايه السير اللي بيعمل معاك صوت صفارة في الاول؟؟؟
و شكرا للمعلومات الجميلة دي
انا لسه جي من الرواس في المهندسين كنت بسال على صيانه ال 100 الف وعرفت اسعار لقطع الغيار للشارك من مهندس الاستقبال
زيت فتيس 240 ... يتغير كل 40 الف
فلتر هواء 300
بوجيهات 460 ... تتغير كل 100 الف
تيل فرامل 450 ... حسب الحاله
فلتر تكييف 215
سير مجمع (السير الوحيد اللي في العربيه بيشغل الدينامو وحاجه تانيه مش فاكرها لان الباور كهربا والكتينه جنزير) 235 ... يتغير كل 100 الف
من فتره كنت غيرت فلتر بنزين وافتكر سعره كان 600 وشويه ... كل 60 الف
يضاف 10 % + المصنعيه
ان شاء الله اروح اعمل الصيانه الاسبوع القادم
طبعا زيت موتور وفلتر كنت غيرته بره في موبيل بحوالي 420 جنيه وكنت حطيت سائل تنضيف قبل التغيير
اهلا بيك ياباسم شكلك انسان زوق جدا من كلامك انا عربيتى الماشيه36 الف المفروض الحاجات دى بتتغير على 40 الف والسير الحمد لله غسلت الماتور امبارح والنهارده مافيش اى صوت حصل واضح انه كان وسخ او حاجه لانى اخدت العربيه من واحد والله ياباسم ماكانت بتتغسل السير ده بيشغل الدينامو والتكييف لو فتحت الكبوت هاتلاقيه هو مافيش غيره
بالنسبه لزيت الفتيس ممكن يكون قاللك على سعر خمسه لتر مش 8 لان الرواس بيغيرو 5 بس انما مصريه بيغيرو 8 وده الصح وانا اشتريته بنفسى من البنزينه 8 كيلو يارب اكون افدت
اولا متشكر جدااا للمعلومات الجميلة دي
ربنا يباركلك في عربيتك و يكفيك شرها
بس انا شايف ان فيه فرق اسعار بين اللي حضرتك جيبتها من الرواس و اللي احمد جابها من محطو موبيل المعادي زي فلتر التكييف و فلتر الهواء و سير المجموعة او المجمع و كمان فلتر البنزين فرق 200 جنيه يا احمد
يا ترى ليه الفرق ده بين الاسعار؟؟
عموما حضرتك طمنتني جدااا لما عرفت ان الحمد لله ان الكاتينة جنزير
و شكل البوجيهات كده بلاتنيوم,,صح؟؟؟
ياريت بعد اذنك تقولنا ايه نوع سائل التنظيف اللي بيتحط قبل تغيير الزيت و بكام و منين؟؟؟
معلش اسئلة كتيير
ان شاء الله كده حضرتك حتروح تعمل صيانة ال100 الف,صح؟؟على ما فهمت من كلامك
و ياريت تقولنا ايه اللي حصل في الصيانة ان شاء الله
و اسف للاطالة
تقبل مروري
متشكر لذوقك يا احمد
بالنسبة للسير ممكن يكون فعلا كان عليه تراب ولا حاجة عشان كده كان بيعمل الصوت اللي كنت بتسمعه ده
و خصوصا انك واخد العربية من واحد بش بيغسلها اصلا :grin54:
تمام انا كده عرفت ايه هو سير المجموعة ده
على فكرة كلام احمد صح بخصوص زيت الفتيس,,لاني قريتها في موضوع كان عضو عامله بخصوص تغيير 5 كيلو
و الاستاذ طارق زويل رد عليه ان الصح لازم الزيت كله يتغير اللي هو ال8 كيلو
عشان تنزل كل الرايش اللي بيبقى موجود او عالق في الفتيس
و شكرا للافادة يا احمد
- اشكرك على ردك ... طبعا فرق الاسعار مش عارف ايه سببها ... بالنسبه لفلتر البنزين ماسألتش عليه النهارده بس ده السعر اللي انا فاكره من فتره ويمكن اكون غلطان او نسيت هابقى اتاكد من السعر
- البوجيهات فعلا بلاتينيوم
- سائل التنظيف الخاص بزيت الموتور ده موجود في موبيل عادي بيحط عبوتين على الزيت القديم ويشغل العربيه شويه وبعدين يغير الفلتر والزيت واعذرني مش فاكر اسمه
- ان شاء الله ناوي اعمل الصيانه الاسبوع اللي جاي بس بفكر اخد جوله الاول اشوف اسعار قطع الغيار خارج التوكيل ممكن شارع دمشق او وسط البلد ... واشوف الفروق ايه لان عندي تجربه في فورد فوكاس كان سعر المساعدين في التوكيل 1700 جنيه وجبتهم من بره بـ 1000 جنيه والراجل بتاع العفشه قالي اللي جبتهم احسن من اللي اللي فيها اصلا
نحاول نوفر شويه لان كده الموضوع داخل في 2500 3000 جنيه
الشكر لله
يعني اروح موبيل عادي و اقولهم عاوز سائل التنظيف الخاص بزيت الماتور قبل ما اغير الزيت بجديد؟؟؟
بالنسبة لحكاية قطع الغيار دي,,الصراحة اذا مكنش واحد متأكد منه انو بيبيع حاجة اصلي ما اشتريش
لان الاصلي معروف انو معمر و حيقعد معاك ان شاء الله و حتركبه و تنساه
لكن واضح من كلام حضرتك انك اشتريت للفورد نوع مساعدين غير اللي كان متركبين فيها او غير الاصلي بتاعها
على فكرة الصنيعية تاخد منهم احلى كلام و بس
على العموم هو فيه فرق في الفلوس كويس جدا,,بس الاهم ان الحاجة تبقى كويسة و تقعد معاك و تبقى مضمونة
متشكر جداا للافادة
- اي موبيل عادي سائل التنضيف ده معروف لان كان في عربيتين كمان بيحطوه قبل التغيير ...
- بالنسبه لقطع الغيار انا مش هاجيب الا الاصلي طبعا بس برضه بره الاسعار ارخص في حاله توفرها ... ومش هاجيب الا المضمون والاصلي ان شاء الله
- بالنسبه لمساعدين الفورد الفوكاس اللي جبتهم من بره التوكيل كانوا الماني والاهم انهم عايشين اكتر من اللي كانوا فيها من الاصل لان المساعدين الاصليين ضربوا بسرعه جدا ...
ححكيلكو على مشكله حصلت معايا فى الشارك عشان الكل يستفيد
أنا دايما كنت بفك فلتر الهوا أنضفه بالبلاور وبعدين أركبه تانى
فى يوم نازل أدور العربيه لقيت لمبه التشيك منوره وطلعت بالعربيه لقيت مفيش سحب خالص !!!!
أنا تفكيرى راح على البنزين خصوصا أنى غيرت ال 92 وبقيت أستعمل 95 على طول
المهم أنا عربيتى خليجى ومعايا ضمان الرواس
أخدت الضمان وطلعت على الرواس فى المهندسين حكيتلو على أيلى حصل ولقيته عارف المشكله من قبل كده
المهم فتح الكبوت و بص على الفلتر لقى العلبه بتاعته مش راكبه كويس
راح فنح بوابه injection ونضفها بأسبراى صناعه أمريكى ونظف فلتر الهوا وبعدين فك كابل البطاريه وركبوا تانى (عشان
لمبه التشك ) والعربيه بقت زى الفل :16:
نصيحه محدش يلعب أو يفك فلتر الهوا هما فى التوكيل بينضفوا فى ميعاد الصيانه وطبعا يتغير فى معاده
موتور العربيه حساس جدا جدا وأوعى حد يستذكى ويركب فلتر هوا مش أصلى :oops1:
يا رب أكون قدرت أفيدكم بحاجه
اولا متشكرين جدا يا مروان على سردك لمشكلة حصلتلك و ازاي تم حلها كمان
و كمان اضفتلنا معلومات قيمة
ربنا يجازيك كل خير
بالنسبة يا مروان لحكاية البنزين دي
انا الصراحة اول ما اشتريت العربية مكنتش اعرف ان موصي ب 95:angry06:
و كمان انا بش عارف نسبة انضغاط الماتور ايه عشان اقدر احدد منه الاكتان المطلوب
بس الصراحة انا بستعمل 92,,نظرا لتكلفة ال95
هل ده فيه مشكلة او حيسبب مشكلة,,بالذات ان الفرق بينهم بش كبير؟؟؟؟
و شكرا للافادة يا جميل
لا شكر على واجب يا باسم
بصراحه أنا بحب عربيتى أوى ومحسوك حبيتين فى مصاريفها والحمد لله الأمكانيات مساعده
المهم تانك الشارك مكتوب عليه 95 أو أكثر
يعنى تخيل ال 95 أيلى أنا بستعمله ده el minimum :oops1:
يعنى لو كان فيه 98 كنت حستعمله بصراحه وبدون تردد
المهم صوت الموتور هادى شويه والسحب أتحسن الحمد لله
بالنسبه لل 92 مفيش مشكله أن شاء الله وكل الناس بتستعمله عادى
و انا برده بحب عربيتي جداا,,و بحب احافظ عليها جداا
بس نظرا للظروف الحالية و الامكانيات بش مساعدة,,هي اللي خلت الواحد يهتم بحاجات اكتر من حاجات و يدي اوليات لحاجات
يالا الحمد لله
و ده بش عيب يا مروان انك تبقى بتحب عربيتك و بتحافظ عليها و تستخدم معاها احسن حاجة
و ربنا يباركلك فيها و يكفيك شرها
السلام عليكم يا رجاله
مره كنت ماشى على الأوتوستراد المهم واحد كسر عليا روحت دايس كلاكس جامد
المهم وانا دايس الكلاكس مره واحده لقيت صوته وطى والنغمه بتاعته بقت مايعه كده ورفيعه
ولسه زى ما هوا
يا ترى أيه أيلى حصل ؟؟؟
ممكن تكون فرده من الكلاكس علقت او اتحرقت ومحتاجة تتغير
اناا نفس المشكله عندي الكلكس بتاع الشااارك بايظ . . . .
ايه ده ده واضح انها مشكلة متكررة فعلا وده عيب فى الكلاكس طيب منشوف نوع كلاكس كويس نركبه