حد يا جماعة مركب سينسور بارك في الشارك؟؟
و ياريت لو مركب يقولنا نوعه ايه و ركبه فين و بكام؟؟؟
و هل التوكيل عنده ولا لا؟؟؟
عرض للطباعة
حد يا جماعة مركب سينسور بارك في الشارك؟؟
و ياريت لو مركب يقولنا نوعه ايه و ركبه فين و بكام؟؟؟
و هل التوكيل عنده ولا لا؟؟؟
و ياريت برده لو حد ركب وحدات رفع مع ريموت العربية يقولنا برده,,بكام و منين و نوعها ايه؟؟؟
و هل التوكيل عنده برده ولا لا؟؟؟
مستني ردودكم ضروري لاني عايز اركب الحاجات دي
انا مركب سينسور بارك - ووحدات رفع مع ريموت العربيه بس للاسف من 3 سنين ومش فاكر السعر بالظبط
بس ممكن يكون سينسور بارك في حدود 250 (مش متاكد اوي واكيد السعر اتغير) ... ومش فاكر خالص وحدات الرفع .. بس مش كتير
والمكان عارفه طبعا بس مش عارف ممكن اقول الاسم ولا يعتبر اعلان
--------------------------------------------------------------------------
انا النهارده غيرت بوجيهات عشان ماشي 100 الف كم ... في التوكيل قالولي البوجيه الواحد 115 جنيه يعني الاربعه 460 جنيه ... انا جبتهم من بره وركبتهم نوعهم بوش الماني الاربعه عملوا 220 جنيه ... لو حد يعرف اسعار تانيه يقولنا عشان الكل يستفيد
شكرا لردك
هو اكيد طبعا السعر اتغير
بس حضرتك ممكن تقولي المكان على الخاص,,لان الاسم حيعتبر اعلان ليه و مخالف لقواعد المنتدى
الف مبروك و عقبال ال200 الف ان شاء الله على خير
حضرتك اشتريت البوجيهات نفس النوع اللي بيبيعه التوكيل ولا نوع تاني مع الاخذ في الاعتبار انهم بلاتينيوم
ياريت حضرتك تقولي بوجيهات التوكيل نوعها ايه لو مكنتش نفس النوع اللي حضرتك اشتريته
بس كسعر حضرتك اشتريت بيه و بوش الالماني كمان,,حاجة كويسة جدااا ما شاء الله
يا ريت يا باسم تبعتلى على الخاص أسم المكان أيلى حتركب فيه الحاجات ديه
أنا كمان عاوز أركب جهاز أنذار بس خايف أوى أنت عارف بقى الكمبيوتر ومشاكله لو حد مش فاهم لعب فيه
ياريت ياباسم تبعتلى انا كمان على الخاص اسم المكان وعنوانه لانى عاوز اركب وحدة رفع
ايه ده؟؟؟
يالا كل واحد يطلع 5 جنيه و انا اقوله :)):10D5C8w1107:
يا مروان بش انت معاك الهاي لاين,,ما هي فيها انذار كويس,انما بقية الحاجات بش موجودة اصلا في العربية
حاضر حبعتلك اسم المكان على الخاص
من عنيا يا ماحو,حاضر حبعتلك اسم المكان و عنوانه
مفيهاش انذار؟؟؟!!!!!
حاجة غريبة
حقولك على حاجة اسأل التوكيل عنده ولا لا و بيركبه بكام؟؟
و الاحسن انك تركبه في التوكيل حتى لو جبت الانذار من بره عشان محدش يقولك حاجة
و انا احتمال كبير اعمل كده,,اشتري الحاجات دي ماركة نضيفة و اركبها في التوكيل عشان ما يتلككوش
و اذا كان عندهم حاجات كويسة حشتري منهم و اركب عندهم
بس احتمال اشتري من بره عشان اكيد حيبالغوا في اسعار الحاجات دي
و انت لو بش عاوز تركب في التوكيل حسألك على واحد بيركب الحاجات اللي انت عاوز تركبها من غير مشاكل ان شاء الله,,حسألك و اقولك ان شاء الله
رجالة الشارك اخباركم ايه استفسار بسيط عالماشى انا عايز اشغل الكاست عشوائى بدوس على الزرار بتاعه بيكتب على الشاشه rdm بس مش بيشتغل عشوائى اشغله ازاى ؟؟؟؟؟؟؟؟
سألت قبل كده أستاذنا طارق زويل وقالى أن التوكيل مبيركبش أجهزه أنذار وأى لعب فى الضفيره حتخرج بره الضمان
للأسف يا خالد أن روحت التوكيل وحط رقم الشاسيه عنده على الكمبيوتر وقالى مفيهاش جهاز أنذار :crying2:
قولتلوا تركبلى واحد قالى معرفكش :angry06:
اليابانيين دول بيعملو حاجات غريبه والله يعنى حاططلى جنط أستبن ومش قادر يركبلى أنذار ؟؟
أنا فى حيره أشترى واحد محترم و أنا نازل من السعوديه وأركبه عند أدريان الهرم ولا أعمل أيه ؟؟
ازاى ياجماعة مفيهاش انذار انتو متاكديييييييين؟؟
مروان انت عربيتك خليجي و مواصفات الخليجي غير المصري في حاجات بسيطة
كمان في الخليج موضوع السرقة نادر لما تلاقيه,,انما هنا عارفين ان فيه لصوص,فعشان كده بيحطوا اجهزة انذار
الفكرة بش في اليابانين ولا حاجة,,,العربية بتنزل حسب مواصفات البلد اللي مطلوبة
عموما انا سألتلك واحد صاحبي حيرد عليا بكرة في حكاية واحد محترف و نضيف يركبلك جهاز الانذار من غير غلطة ان شاء الله و حبقى اقولك اول ما يقولي بكرة ان شاء الله
ههههههههههههه ازيك ياباسم والله ضحكتنى انت المفروض تكون عارف كل حاجه عن عربيتك
[QUOTE=M_Marwan;3873509956]بص يا عم ميدو عشان يشتغل السى دى Random
شيلو وحطوا تانى هيا الفكره أنه You have to press Random before inserting CD
شكرا ليك يامروان على اهتمامك انا جربت شيلت السى دى ودوست على 2 بس الراديو هو اللى بيشتغل فالبتالى لازم ادوس على 2 بس بعد مااحط السى دى وبرضو مش بيشتغل عشوائى
الشكر لله
بقولك صاحبي رد عليا و قالي على كهربائي كويس جدااا,,و على فكرة ركب لصاحبي تكييف كامل و بجد ما شاء الله عليه شغله ممتاز:16:
و سألت الكهربائي على تركيب الانذار و علاقته بالضفيرة
قالي متخفش بش حنقرب من الضفيرة خالص
و قالي الجهاز حيتركب تمام من غير مشاكل ان شاء الله
يوم ما ترجع بالسلامة ان شاء الله لو حبيت تروحله قولي و انا اروح معاك باذن الله
[QUOTE=mido353235;3873511421]ههههههههههههه ازيك ياباسم والله ضحكتنى انت المفروض تكون عارف كل حاجه عن عربيتك
الحمد لله يا احمد,,انت عامل ايه؟؟؟
بتضحك عليا يا احمد,,ماشي يا احمد
بهزر معاك طبعا
والله يا احمد اساسا الكاسيت بشغل يدوب سي دي و خلاص
لسه ما دوستش فيه اوي,,لاني بش بستخدم العربية كتير فعشان كده الواحد لسه ما اكتشفش بقية الحاجات
باسم باشا كده تروح جبنز كار وانا مسافر فى شغل ههههههههه
عملت ايه هناك؟؟؟
انا غيرت سير مجمع (الخاص بالدينامو والتكييف) في صيانة الـ 100 الف ... السعر في التوكيل 230 جنيه + 10% ... بس انا جبته من بره بـ 75 جنيه والميكانيكي ركبه تمام في 10 دقايق ... طبعا انا قلقان منه مع ان الميكانيكي قالي نوعه كويس وما يفرقش عن اللي راكب ... ربنا يستر
ياجماعه الريموت عندى مش شغال لا بيفتح ولا بيقفل ولا حتى الشنطه غيرت البطاريه وبردو مفيش فايده بس اللمبه اللى فالريموت بتنور اما بدوس على اى زرار مع ان الريموت التانى شغال بيفتح وبيقفل وكل حاجه ده ممكن يكون من ايه؟؟؟؟
علما بان العربيه بصمه مش ريموت بمفتاح هاتعبكم معايا ياجماعه استحملونى بقى لسه جديد
انا جربت شلت البطاريه من الريموت التانى وحطيتها فيه بس بردو مشتغلتش كده يبقى العيب منين
الريموت ده وقع منك او اتخبط خبطة جامده؟؟؟؟ لان ممكن تكون شريحته اللى جواه حصل فيها حاجة
انت في المعادي!!
طب كويس ده انت كده قريب
تمام اوي
معلش بعتذر ليك اني مقدرتش اروحله نظرا لظروف معينة
و حروحله بكرة باذن الله و ارد عليك علطول
بس هو كان كلامه ليا,,ان هو بش حيقرب اصلا للضفيرة و هو كان بيتكلم على جهاز الانذار عامة
عموما حسأله برده زيادة تأكيد ليك
ماحو ,,,انت زعلت يا جميل؟؟؟
انا كتبتلك هنا اني رايح و قولتلك ابعتلي نمرتك عشان اتصل بيك و نتفق نروح مع بعض
مع اني شوفت متواجد في المنتدى و عشان كده كتبت عشان تشوف و تبعتلي علطول
و فتحت الصبح برده على اساس انك تكون بعتلي,,لكن محصلش
عموما متزعلش مني يا ماحو و يبقى ابعتلي نمرتك بقى عشان ابقى اتصل عليك و نشوف انت حتعمل ايه و كده
و حمد لله على السلامة
انا اتفقت هناك على الفرش و نوعه و خامته و كده و الحاجات اللي حتتعمل و ان شاء الله حروح يوم الجمعة عشان اركب باذن الله
بص لو عاوز نركب مع بعض حاول تروحله الايام دي و انا ممكن اروح معاك مفيش مشكلة بس تقولي امتى
و اخليه يحجزلك معايا في نفس اليوم و نركب مع بعض
ايه رأيك؟؟؟