و انت بألف صحة و سلامة يا جميل
و ربنا يجعله سعيد عليك و على الجميع ان شاء الله
عرض للطباعة
السلام عليكم وعيد سعيد على كل المسلمين
لو سمحتو انا معروض عليا شارك 2008 اوتوماتيك فتحة سقف لون اسود عاملة 27000 كيلو ب 96 الف جنيه ايه رأيكم فى السعر ده؟
ألله يبارك فيك ياخالد باشا
الحمد لله فبريكة بالكامل
السعر على الخاص بناء على طلب صاحبها
إن شاء الله بعد أيام هاروح التوكيل الجديد بناء على إقتراح باسم باشا
بس هما هناك بيحطوا زيت توتال - إيه رأيك ؟؟؟
وألا أحط شل زيك ؟؟
اشمعنا اخترت شل ؟؟؟؟؟؟؟؟؟؟؟؟؟؟؟
هو أحسن من كل الأنواع الأخرى المعروفة ؟؟؟ زى موبيل وان
كل سنة وانتم طيبين و بخير , ممكن اعرف رينج الشارك 2008 الهاف و الفول اوبشن بيبقي حوالي كام ؟ و ايه اخبار ثبات العربية معاكوا ؟ انا سمعت عن حاجة اسمها الميزان بتتركب ورا ايه الكلام ؟
ألف شكر ياخالد باشا
انت طلبت منى تعليق على السيارة - وإن شاء الله هاعمل مشاركة عن هذا الموضوع
لكن كرد سريع هاقول فقط على حاجتين هما مش عيب فى السيارة على الاطلاق - لكن بقى بحكم السن
وانت عارف ان انا عجوز شوية
العربية رياضية من ناحية العفشة
العربية رياضية من ناحية صوتها
لكن بحب برده أضيف حاجة للى مايعرفش الشارك
سحب واستجابة سريعة جدا - يعنى ممكن تطلع بيها حته صغيرة قوى أمريكانى زى المانوال(انطلاق)
ثبات على السرعات العالية مع عدم الاحساس بالسرعة (على 150كم ماكنتش أنا اللى سايق ومش عارف احنا ماشيين على كام غير لما بصيت على العداد)
مفيش احساس نهائى بالنقلات بتعرفها بس من ترييحة صوت الموتور
ان شاء الله فى مشاركة قادمة هاذكر تعليقى بشيىء أكثر تفصيلا عن العربية الشارك
كل سنة وانت بخير وسعادة
طبعا بالنسبةلأى عربية مستعملة فيه حاجات كثير جدا جدا بيتوقف عليها سعر العربية
لكن بحكم انى أنا قعدت يمكن شهرين أدور على شارك
استعنت بالله ثم أخذت رأى الاستاذ شريف وهبة عدة مرات وأفادنى كثير فى هذا الموضوع
فلو قدامك عربية معينة اكتب له موصفاتها بالتفصيل الممل وهايفيدك ان شاء الله
عموما برضة علشان أكون أفدت - لو 2008 هاى لاين فابريكة بالكامل وحالة الدهان مثلا 80 أو 90 % يعنى كام خربوش - حكات سطحية جدا (مش كتير)
سعرها ممكن يبدأ معاك من 92000جم وانت طالع على حسب الكيلو مترات وما يترتب عليه من استهلاك لمكونات السيارة بشكل عام
أرجو انى ماكنش طولت
شكرا