الأحسن ان حضرتك تروح اللي في قليوب عشان فاهمين اكتر
و كشفهم على العربية تمام :tumb:
عرض للطباعة
الشكر لله
معلش انا اسف نسيت اكتب لحضرتك الشرح للمكان
حضرتك في مدينة نصر
حضرتك لو تعرف تاخد الدائري من مدينة نصر اتجاه المعادي و المريوطية
يبقى تمام,,حتأخد الدائري ده للاخر
حضرتك ساعتها حتلاقي علامة للمريوطية و الطريق الصحراوي
حتأخد الوصلة الجديدة اللي معمول عليها علامة للطريق الصحراوي
و تفضل مكمل علطول لحد ما حتلاقي الطريق بينقسم اتجاهين
حضرتك حتأخد الاتجاه الشمال,,حينزل حضرتك على الدائري القديم
حتمسك حضرتك اليمين لحد ما تقابل اول فتحة يمين,,تنزل منها,,يبقى كده حضرتك بقيت على الطريق الصحراوي من بدايته
تفضل ماشي حضرتك علطول اكنك رايح اسكندرية لحد قبل ما تحصل بنزينة امارات مصر
التوكيل قبلها بالضبط
ده بالنسبة للمكان,,يا رب يكون الوصف واضح لحضرتك
بالنسبة للاسعار,,في التقرير كان فيه اسعار كويسة و اسعار عالية
بس مقابل السعر العالي خدمة كويسة و مكان نضيف و استراحة نضيفة و استقبال كويس :tumb:
بالنسبة للحيرة,,حضرتك التوكيل القديم برده كانت اسعاره عالية بش قليلة
و كانت قطع الغيار سعرها عالي
حضرتك روح التوكيل الجديد و توكل على الله
بالنسبة لاخر نقطة,,زيت توتال احسن من موبيل وان
موبيل وان مبقاش زي الاول و درجة لزوجته مبقتش قد كده
توتال كويس و انا حاطه في العربية و محستش بفرق
شكرا ليك يا استاذ باسم ...........................معلش يا باسم باشا انا كان عندى سؤال الموديل 2011 التوكيل نزلها ولا لسه انا عارف انو فتح ونزلها بس انا بسأل لان انا مشفتهاش عند اى تاجر خالص لحد دلوقتى معلش سؤال كمان اناعارف انا تقلت عليك والله انا أسف ....................فيه فى الطاره فى الشمال زر مكتوب عليه MODE و زر تحت الطاره بشويه ع الشمال برضه مكتوب عليه INFO ...................معلش برضه انا اسف فى حاجة برضه فى الفتيس ال 2 و 3 بيعملوا ايه معلش اصل انا من يوم ما جبتها مجربتش اى حاجة فيها ...................انا عارف انها اسئله سخيفه بس الحاجات دى محيرانى والله مش عارف اعمل ايه فيهم وبعدين انا مش عايز اجرب حاجة انا معرفهاش................................. معلش يا باسم بيه انا عارف انا طولت عليك............................ وشكرا ليك مره تانيه:tumb:
انا هرد على حضرتك بالنيابة عن باسم بعد اذنك واذن باسم
الشارك 2011 موجودة في التوكيل وبتتباع عادي جدا
زرار mode اللي في المالتي فنكشن ده بيتحكم في السي دي انه يغير من سي دي بلاير للراديو
زرار info ده خاص بالتبديل في كمبيوتر العربية الوظائف اللي في الشاشة اللي في وسط العداد والشاشة دي فيها مؤشر حرارة الموتور وفيها البنزين اللي في العربية يمشيك قد ايه وكمان فيها متوسط البنزين اللي بتستعمله على اسلوب سواقتك وفيها عداد a ده للزيت وعداد b ده للرحلات يعني بيحسبلك الكيلو متر اللي مشيته في الرحلة ولو عايز تصفر عداد a او b بتضغط على زرار info لمدة 3 ثواني يتصفرو
بالنسبة ل l و2 و3 دي نقلات في الفتيس زي المانيوال بالضبط وممكن تستخدمها اوفر درايف يعني لو بتتسارع مع حد وعايز اقوي سحب بتستخد النقلات دي كأن الفتيس مانيوال بالضبط بس لازم تنقل قبل التفصيلة على طول لو عايز اعلى اداء وكمان تخلي بالك انك تدخل و تطول في الريد زون وتخلى بالك ان اي نقلة من دول بتخلى الفتيس close يعني لو الفتيس على نقلة 2 مينقلش على 3 الا لما انت تحرك عصاية الفتيس على 3
لو حضرتك محتاج تعرف اي حاجة في العربية انا تحت امرك وارجو اني اكون افدتك
الشكر لله
حضرتك مفيش تقل ولا حاجة ولا الكلام ده خالص
حضرتك اسأل براحتك خااااالص
بش عيب ان الواحد ما يبقاش عارف حاجة,,ادينا في الدنيا دي بنتعلم و بنكتسب خبرات يوم عن يوم :tumb:
طبعا خالد ربنا يباركله جاوب على الاسئلة
و خالد ما شاء الله عليه في الشارك,,هو الأصل و على الأصل دور :grin21:
حاجة بس حزودها على رد خالد الجميل
بالنسبة للنقلات L , 2 ,دي تستخدم برده في حالة المطالع الصعبة اللي محتاجة عزم اكتر
فيه حاجة كمان سمعتها بس بش متأكد منها اوي
و هي ان غلط انك تنقل من الكبير للصغير
بمعنى مينفعش تنقل من 3 الى 2 ,,او من 2 الى L
عشان الفتيس ميحصلش فيه حاجة
و ده راجع ان مثلا لو ماشي على 120 او اكتر بالنقلة 3 و اروح منزل ل 2
دي كده غلط على الفتيس
المعلومة دي بش عارف هل هي صح ولا لا
بس الاحتياط واجب برده
----------------------------------------------------------------------------------------------
يا خالد انت ترد زي ما انت عاوز يا جميل من غير اذن :tumb:
ربنا يخليك يا باسم يا حبيب قلبي
بالنسبة للفتيس انت تقدر تنزل من 2 ال 1 شرط ان سرعتك لاتتعدي النقلة الاولى يعني فرضا ماشي على 30 على النقلة التانية وحبيت تنزل للنفلة الاولى عادي لكن لو ماشي مثلا 60 تاني وجيت تنزل على الاول الفتيس مش هيرضى ينزل للنقلة الاولى وهيفضل ماشي على النقلة التانية لغاية لما ترجع بعصاية الفتيس للتالتة فينقل
بالنسبة للفتيس فيه نظام حماية مينقلش لنقلة اقل الا لو السرعة تسمح بس وده كلام عن تجربة