صوت خروشة ميه فى فتحة التكييف الشمال عند ضغط دواسة البنزين

**ahmedsmg** · 30-04-2011 02:14 AM

لانسر بومة 2008 اتوماتيك من اسبوع غسلت دورة الرايداتير وحطيت مية خضراء وغيرت الزيت وبعدين غسلوا غرفة المحرك (جاز+مياة) وجففوه بمسدس الهواء ... تانى يوم أسمع صوت حركة مياة أو سوائل فى فتحة التكييف الشمال عندما أزود بنزين ولا يسمع هذا الصوت عند رفع الكبوت والتزويد ولكن يسمع فقط داخل الصالون
ياترى دة ممكن يكون أية ؟ وعلاجه يكون أزاى؟
وجزاكم الله خيرا

**ahmedsmg** · 01-05-2011 02:52 AM

ايه ممكن يكون سبب صوت المياه داخل فتحة التكييف الشمال ؟

**dr_rimon** · 03-05-2011 04:41 PM

انا كمان بسمع الصوت ده في فتحة التكييف اللي على شمالي
بس بيبقى اول ما ادور العربيه و يقعد ثواني و يسكت و برده مش فاهمه
عربيتي لانسر 2008 اتوماتيك زيك !!!

**M.Al-Hefnawy** · 03-05-2011 05:27 PM

جرب تخلي زرار تدوير الهوا داخل الصالون مقفول (مش منور) شوية وأنت مشغل التكييف وماشي بالعربية لمدة يوم ممكن الميه تتبخر.

**nice_bird** · 03-05-2011 06:54 PM

انا عايز اعرف ايه نظام عسيل غرفة المحرك لاني اول مرة اسمع بية

**ahmedsmg** · 06-05-2011 08:14 PM

المشاركة الأصلية كتبت بواسطة dr_rimon

انا كمان بسمع الصوت ده في فتحة التكييف اللي على شمالي
بس بيبقى اول ما ادور العربيه و يقعد ثواني و يسكت و برده مش فاهمه
عربيتي لانسر 2008 اتوماتيك زيك !!!

هو صوته مش بيروح ولكن أحنا اللى لما بنمشى بالعربية بنشغل الراديو أو الكاسيت أو بتكلم اللى راكب معانا

ولكن لو ركزتى فى الصوت بعد انتهاء المشوار وقبل غلق الكونتاكت مباشرة هتلاقى الصوت موجود ولكن ضعيف

برجاء التجربة واخبارنا ولكم خالص الدعاء بالسلامة

**ahmedsmg** · 06-05-2011 08:16 PM

المشاركة الأصلية كتبت بواسطة egy77

جرب تخلي زرار تدوير الهوا داخل الصالون مقفول (مش منور) شوية وأنت مشغل التكييف وماشي بالعربية لمدة يوم ممكن الميه تتبخر.

علم ياريس وجارى التنفيذ

**ahmedsmg** · 06-05-2011 08:24 PM

المشاركة الأصلية كتبت بواسطة nice_bird

انا عايز اعرف ايه نظام عسيل غرفة المحرك لاني اول مرة اسمع بية

أهلا بك

دى عملتها وأنا بأغير الزيت وفلتر الزيت وبتتعمل عادى عند غسيل السيارة سواء فى أى محطة أو أى مركز كار كير حيث يتم غسل المحرك (محتويات غرفة الماتور تحت الكبوت) بمسدس الجاز ثم بالصابون ثم بالماء لازالة أثار الجاز ( بقاء الجاز على الاجزاء المطاطية يؤدى إلى تشققها ) ثم أخيرا تجفيف بالهواء والغسيل هنا يؤدى لازالة الاتربة والاوساخ من على جسم المحرك والتى تعمل كعازل يمنع المحرك من التخلص من الحرارة للهواء المحيط به ( عملية التبادل الحرارى ) دة غير النظافة والمظهر العام

متعكم الله بالصحة و العافية

**masrawy_online** · 31-05-2011 08:46 PM

السلام عليكم
اعتقد ان دة دورة التبريد الخاصة بالفتيس الاتوماتيك

**M.Elwan** · 31-05-2011 10:12 PM

المشاركة الأصلية كتبت بواسطة ahmedsmg

ايه ممكن يكون سبب صوت المياه داخل فتحة التكييف الشمال ؟

اكشف على دورة التكييف
احتمال يكون صوت فريون فى حالة سائلة لم يتبخر والمفروض ان فى dryer بيعدى عليه قبل دخولة الكمبرسور تانى

واحتمال اكون انا بفتى :)))))