لمبة srs منوره في الانسر !!!!

**theking_med** · 30-04-2011 05:44 AM

[center]السلام عليكم ورحمه الله وبركاته[/cente

لمبة srs على طول منوره وسعات تطفي مع المطبات او التلكسات او لما الف الدريكسيون .......!؟

ناس قالتلي حساسس الايرباج فيه مشكله او جيه عليه ميه بيلمس

وكهربائي قلي تحت الدريكسيون فيه كي باده لازم تتفك عشان فيها سلكين بيلمسوا ينوروا اللمبه

وناس بتقولي اني الكمبيوتر محتاج يتعملوا ريستارت

المشكله التانيه اني لمبة البنزين بتنور والعربيه نص تنكها مليان تقريبا ولما امشي بيها شويه الاقي اللمبه طفت والمؤشر طلع .....؟

لو حد واجهتوا اي مشكله ياريت يقلي الحل وشكرا

**ahmed_h_g** · 04-05-2011 01:16 AM

بالنسبه للمبة الsrs دى لمبة عطل فى الأيرباج
كذا لانسر كان فيها نفس المشكله بس الأيرباج شغال طبيعى متقلقش
أى مركز متخصص أعطال عنده جهاز هيحل المشكله بسهوله

بالنسبه للمشكله التانيه أكشف على فيشة عوامة التانك هتلاقيها مهزوزه

**fouaa** · 18-05-2011 12:24 AM

متابع باهتمام

**abo_kanze** · 18-05-2011 02:46 AM

السلام عليكم ورحمة الله...

هو في سؤال هو حضرتك عملت شغل عفشه في العربيه قدام, بعدين ظهرت مشكلة اللمبه؟؟

المشكلة التانيه حصلت معايا في لانوس وكان الحل فكيت العوامه بره التانك ونظفت البورده اللي بتطلع وتنزل عليها العوامه ,وظيفة البورده هي المسؤوله عن تحريك مؤشر البنزين.
وممكن الاحتمال التاني العوامه ذات نفسها دخل فيها شوية بنزين بالتالي العداد بيقرا غلط,
والله اعلمـ تحياتي لك.

**ah77ed** · 24-06-2011 10:26 AM

الايرباج مش من الكماليات عشان تهملها - لا قدر الله - لا تقدر بثمن عند الحاجة لها
غالبا طالما لم تتعرض لحادث فالحساسات سليمة وغالبا العطل من الكابل اللى تحت الكلاكس (spiral cable ) تتاكد لو كشفت بالكمبيوتر على السيارة فى اى ورشة
تغييرة سهل جدا بس اشترية اصلى