الموضوع: يلا بينا نشترك ارض مشاركة و نبني عليها في التحمع الخامس

انا قصدي 550000 الف يعني نص ارنب

هو المبلغ كبير قوي كدا حتي لو اتقسم علي اربعة

هوا الفكرة أن المكان عاوز لفة علشان تلاقى حاجة كويسة بسعر كويس علشان الأراضى ديه كلها كانت بتتباع تبع الجهاز و هما يسقعوها....فا إنت ممكن تلاقى حاجة قريبة من السعر ده و فيها بدروم و أول مثلا

عموما هى عاوزة لفة محترمة و حسبة علشان أسعار مواد البناء فى اليومين دول زادت فا عاوزة حساب محترم

المشاركة الأصلية كتبت بواسطة hamdy

تقليدا للمشاركة بتارعة المشاركة ففي ارض لقيت من الواجب اني اعمل توبيك منفصل للسكن في التجمع لهواة التجمع الخماس
احنا طبعا هنا التوبيك مش انقلاب علي التوبيك الاصلي بس عشان كل جماعة م نالناس اللي بديور علي مكان معين يلافوا بعض

ربنا يوفقكم انا معنديش مانع فى التجمع الخامس بس المبلغ بصراحه كبير عليا و فكرتك حلوه و بالتوفيق

المشاركة الأصلية كتبت بواسطة yobaaa

هوا الفكرة أن المكان عاوز لفة علشان تلاقى حاجة كويسة بسعر كويس علشان الأراضى ديه كلها كانت بتتباع تبع الجهاز و هما يسقعوها....فا إنت ممكن تلاقى حاجة قريبة من السعر ده و فيها بدروم و أول مثلا

عموما هى عاوزة لفة محترمة و حسبة علشان أسعار مواد البناء فى اليومين دول زادت فا عاوزة حساب محترم

طيب يلا نتجمع منا بقول كدا لما كلنا ناخد راي بعض و نخدها بجدية وندور مع بعض هنلاقي حاجة كويسة ان شاء الله

شكرا لصاحب الموضوع على المبادرة الجميلة دي..
أنا شايف معظم المشاركات في حدود 100 ألف
بعد اذنكم نستطلع الرأي لو حد عنده استعداد للمشاركة بمبلغ اكبر مثلا 250 أو 300 ألف؟ ولا الافضل نعمل موضوع جديد..

هو الواحد مش بيبني كل يوم ولما يقرر يبني مش هايسكن قبل سنتين على الاقل اللي هما مدة البناء.. علشان كدا انا شايف ان الموضوع لازم يكون يستاهل حتى لو الواحد هايزنق نفسه شوية..

مثلا انا لسه شايف اعلان عن قطعة ارض في القرنفل فيلات مساحة 704 متر ب مليون و200 ألف ج .. الفيلات دي بتتبني على 50% من الارض وبتتبني أرضي ودورين (6 شقق) غير أرضي منخفض (بيزمنت) ورووف ..
يعني الموضوع ممكن يتم ب 6 أفراد يدفع كل واحد منهم 200 ألف من سعر الأرض بالإضافة إلى مبلغ في حدود 80 ألف تكلفة بناء. (أهل الخبرة في البناء يفيدونا لو تكرموا)

كدا كل واحد يكون حصل على شقة مساحتها 170 متر بتكلفة 280 ألف ج علما بإن الشقة دي كدا لو عايز تبيع هاتتباع على إنها 210 متر أو اكثر بمبلغ 400 إلى 500 ألف ج ...
وغير كدا كمان لسه فيه شقة أرضي منخفض معاها حديقة ومدخل خاص وبتكون مساحتها اكبر من أي شقة لان البدروم بيتعمل منه جزء اقل من النصف جراج والباقي بيكون الشقة.. وفيه كمان رووف

ممكن الاثنين يتباعوا بمبلغ 500 أو 600 ألف ويكون نصيب كل واحد منهم حوالي 80 ل 100 ألف .. وتبقى صافي التكلفة للشقة 200 ألف فقط لمساحة كويسة ومكان كويس
القرنفل بجوار الرحاب جدا ومستقبلها كويس زي البنفسج والياسمين اللي سعر متر الارض فيهم وصل ل 4000 و 5000 ج وسعر متر الشقة في حدود 2800- 3700 ج
Wikimapia - Let's describe the whole world!


شوية أشكال للفيلات

انا بس حابب ققزل حاجة لو افترضان ان تكلفة الارض زي بتاعة ابو الهول دي ب 550000 هتتقسم علي اربعة هيبقا كل واحد هيدفع 137 الف و متنسوش ان المهلة دي في الارض خمس سنين ودي كويسة عشان نقدر نجمع مبلغ البناء فلو كل واحد حط بعد سنتين مثلا 100000 جنيه هتبقا تكلفة الشقة 237000 جنيه ولو افترضنا ان مساحة الشقة 155 متر 237000 علي 150 هيقبا المتر واقف بحوالي 1500 جنيه طبعا لو حد خبير في البناء ممكن يفيدنا اكتر بدراسة