10000000 مبروك ليكم
انا شايف ان ال m11 بدات تاخد نصيبها من الانتشار
الف مبروك... عاوز اقولك علي حاجة
العربيات الزيرو لسه بتليين...وارد ان تسمع شويه اصوات في الاول.....ممكن تختفي و ممكن لأا....
متقلقش .... وسوق عربيتك باستمتاع و متشيلش هم.... اهم حاجة تابع بودنك بس اي صوت غريب و سجله في ورقه
موضوع الطك طك اللي في الجنب اليمين عند العجل دة ممكن من وجهه نظري حاجة بسيطه جدا زي سوسته التيل
و موضوع الصوصوه اللي من عند الكبوت امامك و بتروح مع زيادة السرعه .ممكن في الصيانه يبولك في المنطقه دي علي السيور ااو لو كان حاجة فيها رولمان بلي ..... و ممكن تبقي حاجة بسيطه جدا زي مثلا مفصلات الكبوت الشمال عاوزة تتععاد عليها رباط
المهم متقلقش و استمتع و سيب العربيه تلين ....و سوقها عادي سواقتك الطبيعيه ....
و اخيرا الف مبروك و ربنا يكفيك شرها و شر الطريق .
الله يبارك فيك يا باشا
على فكرة كلامك طمنى وريحنى جدا وزى ما انت قولت انا حاسس انها مش حاجات كبيرة بس انت عارف هوسهوس العربيات الصينى من كلام الناس
انا ان شاء الله هسجل كل ملاحظاتى فى ورقة فعلا عشان اقولهم عليها وانا رايح اول صيانه
شكرا الف شكر على النصيحة وخليك متابع الموضوع باستمرار
الف مبروك عليك و ربنا يباركلك فيها :d
انا حاجز العربية من توكيل اسكندرية بقالي اسبوع فعلا اللون الفيراني فيها تحفه و قالولي مش موجود و هيدخل خط الانتاج اول الشهر فطبعاً الانتظار اصبح هو الحل الانسب .. و على حظي اول الشهر اجازة و المصانع واقفة عشان عيد العمال :d
الف مبروك عليك كمان مرة و يا رب كدة يكون قدمها خير عليك :)
الله يبارك فيك يا احمد عقبال ما نباركلك على عربيتك
واضح انك من اسكندرية ومكسل تنزل القاهرة صح؟ اللون الفيرانى موجود فى القاهرة بانتشار سهل اوى تجيبه وعموما لو انت هتشترى كاش ممكن تنزل يوم صد رد تاخدها وترجع انما لو مكسل استنى لحد ماتيجى اسكندرية وان شاء الله تستلم على خير
انا فعلا من اسكندرية و قالولي المتوفر عندنا الاسود و الكحلي ممكن تستلمهم تاني يوم من القاهرة و بعد يومين لو من هنا لكن الفيراني في جميع الاحوال هتنتظر لحد يوم 7 8 او 10 بالكتير اوي عشان لسة هيخش انتاج شهر 5 .. و بعدين انا الصراحة معنديش خبرة في طرق القاهرة اوي :d
فهستلم من هنا و خلاص انا مش مستعجل ماجتش من يومين :d
اولا الف مبروووك علي السيارة ربنا يباركلك فيها ويحفظهالك من العين
ثانيا كان المفروض وحضرتك بتعاين العربية تراجع علي مستوي السوايل اللي في الكبوت كلها
لو حضرتك لسة مفتحتش الكبوت كل ده المفروض تفتحه وتشوف مستوي السوايل علشان لو فيه حاجة ناقصه منهم غلط علي العربية