مشكلة قانونيه مع اتصالات

**AHMEDCAR** · 30-04-2011 04:26 PM

السلام عليكم

عندى مشكله مع اتصالات

تتلخص فى الاتى

كنت مشترى USB اتصالات Unlimited و كنت كل اول شهر ادفع 150 جنيه و خلاص لحد شهر 12 اللى فت توقفت عن الدفع غلطتى انى كنت جايبها للشغل عندى بس جبتها على اسمى المهم انا سبت الشغل و مابقتش استخدمها خالص من شهر 12 و بالتالى قولت لما مش هدفع الاشتراك مش هتنزل الخدمه و كده يا دار ما دخلك شر

اكتشف انهارده الشئون القانونيهمن اتصالات بيكلمونى و بيقولوا ان عليا 405 جنيه و لازم ادفعهم نظير انى ما بلغتهمش انى عاوز اوقف الخدمه

يا اما هتحول للنيابه

و انا اصلا الخدمه مش شغاله من نص شهر 1 بالظبط لانى كنت بجرب من فتره للاخرى علشان اشوف شغاله ولا الخدمه توقفت

و دولقتى الغرض الاساسى انى كنت جايبها للشغل و كان الشغل هو اللى بيدفع الفواتير دلوقتى من ساعه ما سبت الشغل و انا مطنشها

و ايه الحل

**Sherif Khalifa** · 30-04-2011 04:31 PM

للاسف موقفهم صح
انت كان مفروض فعلا تبلغهم بأنك مش محتاج الخط

**ramses2** · 30-04-2011 04:33 PM

المشاركة الأصلية كتبت بواسطة Sherif Khalifa

للاسف موقفهم صح
انت كان مفروض فعلا تبلغهم بأنك مش محتاج الخط

تماااااااااااااااااااام

**AHMEDCAR** · 30-04-2011 04:34 PM

يعنى لازم ادفع المبلغ ده

**shaddadfalcon1** · 30-04-2011 05:57 PM

بس ده تخلف المفروض ان اول ماتبطل تدفع ميبقاش في نت ويعد كده يلغي الأشتراك خالص
الا اذا كان زي فودافون مثلا نظام الخط واكارت
الخط كده كده بيخصم كل شهر مانفسه لاكن الكرت لازم ادفع ياما مفيش نت

**wesam_salom** · 30-04-2011 05:58 PM

ولا تعبرهم
كان عندنا واحده فى المكتب وكان فيها مشكله وكلمنا خدمه العملاء انها مش شغاله ومحلوش المشكله
وحاولنا معاهم اكترمن شهر بكل الطرق وكل يوم اشتغاله جديده ومحدش راضى يحل المشكله وكل ما نتصل يرد واحد مختلف
بعدها بشهرين لقينا الفواتير جايه لنا بالمبلغ كامل
طب يا جماعه مش شغاله اساسا
لاء هى شغاله دلوقتى بس لازم تدفعوا الفواتير الاول
طب احنا مستخدمناهاش ومبلغين بكده والمشكله من عندكم
لا حياه لمن تنادى
اتصل واحد وقال الشئون القانونيه وهناخد اجراء قانونى نفهمه مبيفهمش
طيب تيييييييييييت انت واللى مشغلك ومن يومها ولا سمعنا حاجه

**som3aa** · 30-04-2011 07:34 PM

لو قطعوا الخط يبقى خلاص مش من حقهم يطلبوا فلوس من اول يوم فى تاريخ قطع الخط
حضرتك كلم خدمة العملاء و اسالهم الخط اتوقف من تاريخ كام بالظبط , الفترة اللى قبلها لازم تدفعها للاسف

**ahmedsql** · 30-04-2011 08:49 PM

نفس الحصل معايا بالظبط

**M.Elgergawy** · 30-04-2011 09:19 PM

فعلا ولا تعبرهم ولا تدفع حـــــــــــــــــــــــا جة دا كلو اي كلام وتهديدات مالهاش لازمة

**م.احمد زكريا** · 03-05-2011 02:32 PM

طيب خد عندك ديه

انا كان معايا usb اتصالات وشتركت في greenline شاملة مكالمات وانترنت

فاتصلت بخدمة العملاء ووقفت القديمة ... تمام

فجأه جاتلي فاتورة بـ 800 جنيه ليه يا جدعان

اصل عليك اشتراك greel line و فاتورة الـ usb القديمة

ما أنا موقفها يا اخوانا من زمان

لا حضرتك اصلها بتتوقف شهرين بس وتشتغل لوحدها لازم كنت تبلغنا بعد شهرين

طبعا كنت مسافر وعايز اخلص من الفيلم ده رحت دافع الفلوس وحولتها للشحن بالكروت

يعني عايزها تشحنها ما شحنتش اهي مارمية في الدرج

وكفى الله المؤمنيين شر القتال

الموضوع: مشكلة قانونيه مع اتصالات

LinkBack

أدوات الموضوع

عرض

مشكلة قانونيه مع اتصالات - انشر الموضوع فى :

-

-

-

-

-

المواضيع المتشابهه

للبيع usb 2 اتصالات جداد بضمان من اتصالات +خطوط الانترنت

مشكلة مع اتصالات اهلا سوبر رصيد

استشاره قانونيه

قنبلة اتصالات الجديدة - اتصالات Yes من اتصالات أهلا !

الكلمات الدلالية لهذا الموضوع

المفضلات

المفضلات

ضوابط المشاركة