-
لا انا مش بشتم بس بجد اكتشفت انى بقيت بكلم نفسي فى العربية كتيييير اوى :biggrin24:
يعني و انا سايقة بقعد اكلم نفسي كلام من عينة " بجد ظلمك اللى ركبك عربية "
" يا ست احلصى و امشييييي بعربيتك اللى شبه الغساااااالة دى " يااا حاااااج انت باااصص فيييييييييين " " لا متكلكسلييييش ما اصل انا متزقش كدة !! " والنبي لو رعشت لبكرة الصبح مش معدياااك "
يظهر والله اعلم اننى اتجننت من الشارع المصري :biggrin24:
-
على فكررررررررررررررة فى بنات بيسوقوا احسن من الرجالة
-
والله يا جماعه انا اخترعت اسلوب جديد عشان بجد ابتديت اضااايق من نفسي بسبب الشتيم :( والله لساني مش متعود عليها بس من ساعت ما سقت في مصر مبطلتش شتيم .... واسلوبي الجديد هوه ان اليزنق عليا او يكسر او يضايقني اجي وراه والزينون عندي عالي وواطي ومتحرك بحط العالي واتحكم في اتجاه الشعاع بالمتحرك وفي عنيه يمين يمين شمال شمال وراه لما اعميه واحس ان عنيه ابتدت تفرفر وهتنط منه فأسيبه وبكده مش شتمت :) اما الصبح بشغل تكيف وقراّن واسكت..ولو اتعصبت وجيت اشتم امسك نفسي واقول سبحانك اللهم اني كنت من الظالمين....
-
انا ساعات لما ببقا قافل الازاز و مشغل التكييف و تحصل الواقف الخنيئه دي بشتم بالكلاكس بتاع العربيه عشان مش هايسمعني وانا بشتم من جوه و بنزل الازاز وبشتم في الشديد القوي
و المواقف علي كده كل يوم و اكثرها من الستات الي فكرين نفسهم بيعرفو يسوقوا
-
مره شديت مع مزه كنت راجع من الامتحان بالافيو و زنقت عليا واحده جامده بتويوتا يارس في صلاح سالم كنت مشغل التكييف ساعتها ام محصلها و كل ما اقرب منها تزنق و مش عايزاني اعدي امت قافل التكييف عشان العربيه تسحب بسرعه معايا و اخذت الحاره اليمين علي 110 لحد ماجبتها امت مفرمل ادامها علي الشمال راحت مفرمله جامد وكلو كان هيلبس فيها و بعد كده شتمتها عشان انا راجع من الامتحان متكدر و متنرفز
-
اللي ينرفز كمان صحيح اللي بيبقي ماشي علي الشمال و ماشي براحه و بيتمشي و مش مهم اللي وراه دول بصراحه ينرفزو بس دول بشتمهم بكلاكسات بس
علي فكره انا كنت بامشي علي اليمين والاقي الدنيا كلها جايه من الشمال تقرفني انا علشان ي واحد ماشي علي الشمال بالراحه من ساعتها بمشي علي الشمال ومش مهم اي حد
هي المشكله ان مفيش فايده
-
اكيد بشتم لما حد ينرفزني بس بصوت ما يسمعوش غير اللي جانبي
-
الواحد يحافظ علي اعصابه قدر الامكان
وربنا يسترها معانا جميعا
-
لا وجود لمراعاة شعور الاخرين العربية مرة كانت باردة وكنت باخذ ملف فماشية زى السلحفاة اللى ورايا عدى من جنبى وشغال يشتم ويحرك فى ايده بالتهديد والوعيد طلعت ايديا من الشباك وشاورتله على العربية قام واقف ونزلى وكان راجل كبير وقالى ارميها فى الزبالة احسن فقلتلوه شكراً على ذوقك وقعد يزعق وكانت هتقلب بخناقة مع العلم انى اكبر منه فى الحجم بمراحل ومشيت ومن بعدها بقيت بسخن العربية كويس .
-
Content Relevant URLs by
vBSEO 3.6.0 PL2