يا ترى كم واحد فينا بيشتم وهو سايق ، وما هي العوامل والبواعث التي تدفع الشخص المتزن إلى الشتيمة والسباب ؟
عرض للطباعة
يا ترى كم واحد فينا بيشتم وهو سايق ، وما هي العوامل والبواعث التي تدفع الشخص المتزن إلى الشتيمة والسباب ؟
الحقيقة احيانا مش دايما بس لما الواحد بيفيض بيه واليك بعض الامثلة التى تواجهك وترفع ضغطك
1- وانت ماشى او واقف فى الاشارة وواحد خففيف الظل من بتوع مامى الى جابتله العربية مركب انوار زينون مشغلها على العالى وعمال يديك فى اشارات وسع .
2- وانت ماشى فى امان الله ويصر واحد من الناس على المرور من امامك وانت ماشى بسرعة والطريق مفتوح لك ولايكون امامك حل من الاثنين اما تدوس فرامل وتدلعه على كبوت العربية شوية ، واما انك تريحه من دنيته نهائى وفى الحالتين اهى مصيبة وجت للواحد ، وطبعا بتكون انت الغلطان لانك ماشى بسرعة ولازم تعمل حساب اللى هايعدى .
3- وانت ماشى فى اقصى اليسار من الشارع بجوار الجزيرة الوسطى وتلاقى الناس بدل ماتوقف على الرصيف من فوق تلاقيهم واقفين تحت على الاسفلت .
4- لما تكون جيالك عربية كارو او حمارة امامك وهى ماشية عكس اتجاهك وانت ماشى فى اقصى اليسار .
5- لما تكون ماشى فى امان الله وتلاقى واحدة سايقة وعماله تزنق عليك بدون ماتحس وده كتيير ، لذلك فى الحالة الواحد يمشى وراء اتوبيس هيئة ومايمشيش وراء واحة سايقة وعجبى وشكرا .
:mrgreen: :mrgreen:
اكيد بتهزر :!: :!:
على فكرة ... انا فى طبيعتى انسان هادى جدااااااااااااااااااااااا ااااااااا اقسم باللة انى لما اسوق العربية بتحول لانسان تانىىىىى خالص ... بجد الناس متخلفيييييييييييين بشكل متخلف .. وبالاخص بقى سواقين التاكسى .. والمايكروباصات .. على فكرة الاوتوبيسات اقل حاجة منهم ممكن تنرفزك بس بجد سواقين التاكسى اغبية :x :x :evil:
تخيلو مرة كنت نازل على منزل كوبرى الجامعة .. ونازل بسرعة شوية "" عادى يعنى منزل كوبرى "" والاقى تاكسى 1100 """" وقفففففف """" مرة واحدةةةةةة علاشان بينزل مش عاوز اسمية بنى ادم .. علاشان كان بينزل شى معاة فى التاكسى ... بجد كنت حخبط فية خبطة زى الزفت .. بس الحمد للة فرامل " ال131 "" شدت حيلها ساعتها ووقفت العربية .. الحوار بقى فى اية .. عربية تويوتا كورولا ... كانت نازلة بسرعة ورايا سمعت صوت فرامللللللللل كان حيلبس فيا ................ كل دة بسبب واحد مش عارف اسمية اية ... اكيد دة كان سواق كارو تخيلو بقى كان رد فعلى اية .......................................
كان اغبى منة .. طلعت من جمبية وسديت منزل الكوبرى " الحمد لة كان فاضى " ونزلتة وعملتلة موشح "" :mrgreen: مش ظريف ".. بعد كدة قولت اية الى انا عملتة دة .."" اية الهبل دة "".. دة لا اسلوبى ولا شخصيتى انى اكون كدة ................ بس انا بقول على موقف ممكن يخلى اى انسان عادى محترم وفى حالة ... يبقى قليل الادب ..علاشان واحد متخلف زى سواق التاكسى دة :?
:mrgreen: دة غير شتايم الكلاكسات صحيح :mrgreen:
:? يارب المصرين يتغيرو .. يارب نتغير ادعووووووووو معايا :roll:
واضح من النتيجة ان الكل بيشتم :mrgreen:
انا بقا بقفل الزجاج واشغل التكيف وماليش دعوة بحد
الا طبعا لو حد غبى وخبطلى العربية وشديت معاه واستفزنى فى الحالة ديه من الممكن انى اشتم
كثيرا ما يحدث وافقد اعصابى واحينا انجح وغالبا لا انجح وما باليد حيلة, اصبحت اكره المشى فى شوارع المحروسة.
وبلعن كمان :mrgreen: :mrgreen:اقتباس:
بتشتم وانت سايق
الحمد لله انا مش بفقد اعصابي و انا سايق بسهوله و مش بشتم حد غير لما يكون غبي و هو اللي بدأ بالشتيمه و هو غلطان حكم اصل في ناس كده ماعندهاش دم يعني تبقي ماشي في امان الله و تلاقي واحد جايلك مخالق و بيرعش لك علشان توسع له و كمان مش عاجبه و مكشر و عاوز يتخانق معاك كانك انت اللي ماشي غلط دا بقي مش بسيبه.
يعني في مره ماشي علي طريق و فجأه لقيت واحد بعربيه بيلف و يقطع الطريق(طريق فردي) المهم ضربت فرامل جامد اوي و وقفت العربيه علي اخر لحظه و بقوله مش تحاسب يا جدع انت لقيته بيشتم و طلع يجري قمت لافف و جاري وراه و زنقت و وقفته و نزلت من العربيه و هات يا ضرب و شتيمه و ما اعرف القره دي جاتلي منين ساعتها بس اصله كان غلط جامد و شتم بالاهل و كده ف مقدرتش امسك نفسي و الناس وقفو و بيخلصوه مني و انا مش عاوز اسيبه غير في القسم :lol: .
بس طبعا دا فين و فين علي ما بيحصل انما لو واحد زنق عليا غصب عنه او كده خلاص الواحد اتعود علي الكلام دا في مصر و لازم تاخد بالك و انت ماشي لحسن يطلعلك عفريت من اي حته ف مفيش حاجه تستدعي انك تفقد اعصابك .
اللي ينرفز كمان صحيح اللي بيبقي ماشي علي الشمال و ماشي براحه و بيتمشي و مش مهم اللي وراه دول بصراحه ينرفزو بس دول بشتمهم بكلاكسات بس :lol:
هاقولكم على موقف ظريف اوى حصلى و الموضوع ده فكرنى بيه و انا ماشى مرة بالعربية فى طريق فردى فيه مطبات المهم انا طبعا ماشى على اليمين الاقى واحد ماشى على شماله قوى و مرة واحده لما يقرب منى يروح ناقل يمين فأنا قولت اكيد قدامه مطب و بيفاديه مافيهاش حاجة كلنا بنعمل كده المهم الاقى دفعة من العربيات ماشية وره الراجل ده و كله بيعمل زيه يجنى ناحيه الشمال قوى يعنى بيبقى قدامى و مرة واحده الاقيهم ناقله يمينهم المهم قولت اشوف البلاعة اللى الناس كلها خايفة تمشى عليها :D و اتفاجأ ان مفيش حاجة خالص فى اليمين و لمجرد ان اول واحد مشى شمال الكل عمل زيه من غير مايعرف السبب :mrgreen:
المهم ده طبيعة فى الانسان المصرى انه يعمل زى التانى و خلاص
بحاول اقفل الازاز واشغل التكييف حتي لو الجو مش محتاج منعا للاحتكاك بسواقين الميكروباص
لاني اكتر من مرة دخلت خناقات معاهم وبسببهم شايل صاعق في باب عربيتي
وشومة في الشنطة-فعلا ما تستغربوش اصل عينة بتوع الميكروباصات الراما والرمسيس ومركبينلها اكصدامات حديد لما يحكلك عربيتك ويقولك بكل وقاحة ايه يعني جرحتلك المحروسة ويقل ادبة ولما تاخدة علي القسم دع لو عرفت يبقي الصح ان زي ما عورني اعورة بلغتهم
واقوم نازل جايبلة لوح ازاز جنب ويبقي خالصين ولو فتح بقة الصاعق يشتغل
تصدقوا اخر مرة ده حصل فين
في صلاح سالم وقدام امين شرطة وبيقولي انت بلطجي قلتلة لاء بس خدت حقي لانة حتي لو سيادتك تكرمت وبلغت الدورية وخدوة علي القسم مش حاخد منة حق ولا باطل يبقي هو عورني قصد وانا عورتة قصد
والحمد لله الحكة اللي حكها في عربيتي طلعت قشرت البوية عندة في عندي وبشوية بولش طلعوا وكان مفيش حاجة
وهو غرملة بتاع 40 ولا 50 جنية حق لوح الازاز اللي دشيتة
انا بطبعي هادي جدا بس مع دول حرام الواحد يسيب حقة
الحالة الوحيدة اللي بحاول اسيب فيها حق واعمل مش واخد باللي
لما يكون معايا مراتي واولادي
:oops: :oops: :oops:
انا باقفل الإزاز واشغل التكييف واسمع حاجة تهدي الأعصاب وما ليش دعوة بالناس وغلاستهم بس للاسف فى مواقف كتيرة فى بلدنا الجميلة تخلى الواحد يقول قاموس الشتايم كله و تخليه يخترع شتايم جديدة واكتر ناس مستفزة هما بتوع التاكسى اكتر من الاوتوبيس والميكروباص والاكتر الشتايم بالكالكس عشان ببقى قافل الازاز :D
اقتباس:
بحاول اقفل الازاز واشغل التكييف حتي لو الجو مش محتاج منعا للاحتكاك بسواقين الميكروباص
لاني اكتر من مرة دخلت خناقات معاهم وبسببهم شايل صاعق في باب عربيتي
وشومة في الشنطة-فعلا ما تستغربوش اصل عينة بتوع الميكروباصات الراما والرمسيس ومركبينلها اكصدامات حديد لما يحكلك عربيتك ويقولك بكل وقاحة ايه يعني جرحتلك المحروسة ويقل ادبة ولما تاخدة علي القسم دع لو عرفت يبقي الصح ان زي ما عورني اعورة بلغتهم
واقوم نازل جايبلة لوح ازاز جنب ويبقي خالصين ولو فتح بقة الصاعق يشتغل
تصدقوا اخر مرة ده حصل فين
في صلاح سالم وقدام امين شرطة وبيقولي انت بلطجي قلتلة لاء بس خدت حقي لانة حتي لو سيادتك تكرمت وبلغت الدورية وخدوة علي القسم مش حاخد منة حق ولا باطل يبقي هو عورني قصد وانا عورتة قصد
والحمد لله الحكة اللي حكها في عربيتي طلعت قشرت البوية عندة في عندي وبشوية بولش طلعوا وكان مفيش حاجة
وهو غرملة بتاع 40 ولا 50 جنية حق لوح الازاز اللي دشيتة
انا بطبعي هادي جدا بس مع دول حرام الواحد يسيب حقة
عجبنى اوى ردك يا استاذ كريم ..... و بالاخص الجزئية دية " الحالة الوحيدة اللي بحاول اسيب فيها حق واعمل مش واخد باللي
لما يكون معايا مراتي واولادي "
فى اسوا الاحوال .. مافيش حاجة تستاهل انك تغامر بصورتك امام اسرتك
:mrgreen: صحيح سبب من اسباب انى عاوز عربية حديثة مكيفة .. انى اعزل نفسى عن العالم الخارجة .. بمعنى ان فعلا اقفل الازاز وافتح التكيف حتى لو الجو مش حر " زى الاستاذ كريم مقال " .. وافتح ميوزك شيل اوت .. بودا بار او كافية دل مار .... حاجة تحط الواحد فى مود تانى :) بعيد عن التخلفففففففففففففففففففف فففففف
انا مش بشتم ولا بتشتم و الحمد لله
القاعده بسيطه قوي اني بسوق للناس
يعني بخلي بالي منهم و بالتالي بتقي شرهم
لكن بصراحه ساعات بيكون فيه حاجات بتغيظ قوي لكن يا سيدي عدي ولا تحط في بالك
قال تعالي
و الكاظمين الغيظ و العافين عن الناس و الله يحب المحسنين
سوره ال عمران الايه 134
انا اكتر واحد بيتشتم--لاصرارى انى اسوق صح-بس اشتم دية صعبة جدا--اخر مرة اتقاللى فيها اطلع يا حمار كنت واقف فى اشارة لونها احمر على ما اتذكر عند سينما روكسى--وانا واقف فى امان الله جت عربية ووقفت ورايا كانت مرسيدس وبعد حوالى 20 ثانية راح جاى جنبى وقاللى اطلع يا حمار --طبعا زعلت واستغربت جدا هو لية شتمنى دة غير انة كسر الاشارة وبعد حوالى 10 دقائق والله بدون مبالغة عرفت انة كان عندة حق لان الاشارة فضلت حمراء ولم تخضر وفى حوالى 60 عربية عدوا وانا واقف--بس ما حدش منهم شتمنى الا هو واضطريت اطلع والاشارة حمراء بس كنت مرعوب برضة --
طبعاااااااااااااااااااااا ااااااااااااااااااااااااا ااااااااااااااااااااااااا اااااا هوالتكسير اللى اسكندريه فيه ده شويه ( فينك يا محجوب) تشوف لبيب بيعمل ايه ...
:x :x :x
فى مواقف بتخلى الواحد يخرج عن شعوره غصب عنه ، لكن خلاص الواحد اتعود على كدة وبحاول دايما ابقى فاصل وانا سايق كأنى عامل دماغ (طبعا بمثل انى عامل دماغ علشان ماحدش يفهمنى غلط) :lol: :lol:
احييك على الموقف دة وهو دة الية مفروض يتعمل معاهماقتباس:
لاني اكتر من مرة دخلت خناقات معاهم وبسببهم شايل صاعق في باب عربيتي
وشومة في الشنطة-فعلا ما تستغربوش اصل عينة بتوع الميكروباصات الراما والرمسيس ومركبينلها اكصدامات حديد لما يحكلك عربيتك ويقولك بكل وقاحة ايه يعني جرحتلك المحروسة ويقل ادبة ولما تاخدة علي القسم دع لو عرفت يبقي الصح ان زي ما عورني اعورة بلغتهم
واقوم نازل جايبلة لوح ازاز جنب ويبقي خالصين ولو فتح بقة الصاعق يشتغل
تصدقوا اخر مرة ده حصل فين
في صلاح سالم وقدام امين شرطة وبيقولي انت بلطجي قلتلة لاء بس خدت حقي لانة حتي لو سيادتك تكرمت وبلغت الدورية وخدوة علي القسم مش حاخد منة حق ولا باطل يبقي هو عورني قصد وانا عورتة قصد
والحمد لله الحكة اللي حكها في عربيتي طلعت قشرت البوية عندة في عندي وبشوية بولش طلعوا وكان مفيش حاجة
وهو غرملة بتاع 40 ولا 50 جنية حق لوح الازاز اللي دشيتة
اخى الفاضل MohabSaeed ارجو من سيادتك انك تاخد بالك وانت بتكتب لفظ الجلاله الله وليست اللةاقتباس:
اكيد بتهزر
على فكرة ... انا فى طبيعتى انسان هادى جدااااااااااااااااااااااا ااااااااا اقسم باللة انى لما اسوق العربية بتحول لانسان تانىىىىى خالص ... بجد الناس متخلفيييييييييييين بشكل متخلف .. وبالاخص بقى سواقين التاكسى .. والمايكروباصا
وأرجو من سيادتك ان تطلع على هذا الموضوع
http://www.nilemotors.net/Forum/view...983&highlight=
شكرا
انا مش متعود اشتم حد في الشارع لسبب بسيط لازم يكون عمل حاجه تغيظ
عادا انا ببص له واسكت لاني لو شتمت مش هسكت
علي فكره لما بشتم حد مبيعرفش يرد علشان بكون راكب عربيه الشغل و (هي هيئه دبلوماسيه )
انما عربيتى الخاصه بمشى بجوار الرصيف هههههههههههههههههههههههه
اسهل حاجة الشتيمة و أنا اعتقد أن كمان سنة أو اتنين و ضغطي هيرتفع و يولع جدا أنا اسهل واحد استفز ده لإني كنت عايش في الأمارات و مش متعود على قلة الأدب إلي موجودة في الشعب المصري (خاصة الميكروباسات) و أنا بحاول أهدي نفسي بس مفيش فايدة
واحد يدي اشارة يمين و يدخل شمال - واحد يعلي الفلاش في وشك - واحد جي من اخر الشارع سرعته اكتر من 140 و بيدي فلاش و مش همه أي حد- واحد يكسر عليك و يشتم- واحد قافل الطريق كله و اكن و مدي انتظار - واحد بيكبس عليك و في الأخر يخبط الفانوس و ينزل بكلم برود مفيش حاجة يا بيه- واحد بيعاكس بنت و موقف الطريق -واحد ماشي على الشمال بسرعة واحد كيلو في الساعة - واحد راكن على جنب في ملف فجاة تلقيه في وشك- فيوبا عمال يرقص ادماك و انت بتتمنى انك تخبطه و تدعي عليه و على اهله و..................
ازاي استحمل و لا استحما أيه و لا أيه
لا حول و لا قوة إلا بالله
جربوا الطريق الزراعي بالليل وشوفو كام واحد ماشي في المخاف و بسرعة كام (كأنه هو الصح)وأتحدى اللي مش بيشتم لازم هيشتم وتحدي :lol:
في المخالف
مرة ركبت ميكروباص و اتكلمت مع السواق فى موضوع التزنيء على الناس و كدة فا فهمنى ان دا موضوع كرامة و ازاى فرفور بملاكى يطلع منى
كظمت غيظى و سكت !!!
:mrgreen: :mrgreen: :mrgreen: :mrgreen:
:idea: يبقى انتا اكيد اكيد فى مصر :lol:اقتباس:
مرة ركبت ميكروباص و اتكلمت مع السواق فى موضوع التزنيء على الناس و كدة فا فهمنى ان دا موضوع كرامة و ازاى فرفور بملاكى يطلع منى
كظمت غيظى و سكت !!!
والله يشهد عليا جميع اصدقائي و جيراني .. اني عمري في حياتي مبحب السباب و لا التهريح بالسباب .. سواء سباب حتى " طريف " او سباب اهل او ملة و طول عمري بحتقر الي بيعمل كدة و مبحبش اتعامل معاه .
و لكن للأسف .. اول مابتيدت اسوق ... ابتدت الشتائم تطلع مني .. احيانا غيظا !! و احيانا تلفائية جدا !
و اتذكر مرة اني في تاكسي كسر عليا ! حكيت في الرصيف و كسرت الطاسة الي وراء .. جريت وراه .. شتمنه ! بصلي و قالي شكر يا ابني - انا مكنش قصدي . ( كان راجل كبير )
و الله جريت وراه تاني و اعذرتله ! .. بس للأسف مش كل الناس محترمة زيه .
اكييييييييييييييييييييييي يييد "
بتسوق يبقى اكيد بتشتم
باقفل الإزاز واشغل التكييف واسمع حاجة تهدي الأعصاب وما ليش دعوة بالناس وغلاستهم
و والله انا بحاول على قد مقدر انى اكظم غيظى بس فى اغلب الاحيان مابقدرش لدرجة انى مرة وانا مروح البيت لقيت مكروباص جة فى وششى فجئة و كان ماشى عكس الطريق و كان سريع جدا بس الحمد لله ربنا ستر ..قمت شاتمة و لفيت الدركسيون و طلعت اجرى وراة زى المجنون
بس الحمد لله انى مالحقتوش
في ناس بتعمل كوارث في الطريق وربنا بيسترها
- زي مثلا تلاقي تاكسي جاي من آخر حاره شمال لاول حاره يمين ... زبون شاورله
- او تلاقي واحد واخد U-Turn من حاره غير حارته
- او واحد بيعدي الشارع من منطقه غير مخصصه للعبور نهائيا
- او واحد قافل الشارع تماما وعمال يطلب بمنتهى التناااااااكه سندوتشات تيك اوي
- بتوع موتسكلات الهارلي ديفنسون ... يحسسوك ان في بارجه حربيه بتعدي من جنبك او دبابه
- او يبقا واحد ابن حلال يكون عربيه دفع رباعي مرتفعه ويكون مشغل زينون على العالي و الكشاف عاكس في عيني من خلال التلات مرايات (وغاااااااالباً بيكونوا يا شرطه يا تحريات -مباحث-) ..
- او واحده بتتفزلك و تركن بظهرها و تقوم موقفه الطريق بتاع ساعه إلا ربع
فكل اللي بعمله .... " بقره .... بقره ..... بقره ...... بقره.....بقره ....بقره.....بقره....بقره...... بقره ..... بقره ...... بقره.....بقره ....بقره.....بقره....بقره...... بقره ..... بقره ...... بقره.....بقره ....بقره.....بقره....بقره......"
لحد ما ارتاح نفسيا من الموقف ده .... بس طبعا في سري
بس
اه نسيت اقول ان من اكتر المواقف الخطيره و الظريفه هنا في ابوظبي انك تلاقي واحد دخل حاره غلط تماماً ... وتلاقي الاخ ده جاي في وشك في المقابل (مع ان الشارع حاره واحده اتجاه واحد بس ) ..
وعمال يديك فلاشر و كلاكسات و تعبيرات وشه عماله تقولك انتا بتعمل ايه في الحاره بتاعتي ؟؟؟
بصراحه اه....
انا بطبيعتي شخص هادي و صعب جدا انفعل على حد بره البيت الا في لعب الكورة " هيييه كانت ايام والله....." لكن كنت في اول ما اتعلمت السواقة اتنرفز و انفعل بسرعة:mad::mad: وممكن تتطلع مني الشتيمة لا اراديا "لكن انا الوحيد اللي باسمعها و اللي معايا في العربية" طبعا لاني مكنتش لسه واثق من تحكمي في العربية وكمان خايف من اني مركبهاش بعدها لو خبطها لان والدي حساس اوي لموضوع الخبطات ده
لكن دلوقتي عودت نفسي ان معظم الناس ماشية غلط فأنا لازم اعمل حساب لكل المتوقع و غير المتوقع من حركات الغباء المعتادة و بقيت كل ما اتنرفز الاقيني بضحك ببساطة و ممكن حتى ابتسم للي غلطان و احس ساعتها من وشه انه بيعتذرلي و أقصى حاجة اقول يا عبيط و برضه مش بيسمعها:confused::confused:
انا بصراحة ليا تجارب كتير مع النماذج دي..
بس بصراحة في حاجة اتعلمتها من سواقين الميكروبباصات..
سواقين الطرق السريعة معظمهم محترمين جدا في السواقة.. مش بيقلب نور بعبط.. بيحترم الحارات و كده..
وفوق كل ده وده اللي اتعلمته قوي..
لما بيغلط بيعتذر.. بيشاور بايده.. الواحد مش بيقدر بقي انه يتكلم..
اقصي حاجة يلوم عليه بالراحة و بدون غلط.. و الواحد بيبقي هدي و ابتسم خلاص..
واتعلمت من سواقين ميكروباصاتا لقاهرة حاجة مهمة تانية..
اني اتعامل معاهم بطريقتهم..
اللي يكسر عليا ماعديهوش..و اللي يرخم عليا ارخم علي اهله
واللي يخبطني بقي مش عارف ممكن اعمل معاه ايه.. بس غالبا باسيبه و امشي عشان لو وقفت معاه ممكن ارتكب جنايه.. والحمد لله دي محصلتش معايا غير من سواق ميني باص و خبطني علي ما وقفت و نزلت كان هو مشي عشان كان في اشارة.. استعوضت ربنا و مشيت كان قدام جنينة الحيوانات و مطلع كوبير الجامعه.. مكانش ممكن الف و اجيبه..
انا لما بيحصل معايا موقف رخم واحد يكسر عليه مكروباص يقف و برخم برعبه اول مرة بالكلاكس لاني حاطط كلاكس المرسيدس صوته بيفزع لو مستجابش يبقي هو اللي جابه لنفسه :):) امال هي الابيزا اتبهدلت من برا ليه هو ده يعني نرفزني ممكن اريح عليه و طبعا بيتشتم ده اساسي هههه لاني في الشارع بكون عصبي جداااااااااااااااااااا بس بصراحة نفسي ابطل العصبية دي لانها ممكن تعمل مشاكل و انا مش بحب المشاكل
Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaa For Ever
Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzzzzzzzaaaaaaaaa For Ever
بشتم و بالعن و بطلع ايديا الاثنين من الشباك كمان( واللبيب بالاشارة يفهم) و ممكن احدف باى حاجة ادامى فى العربية علبة معطر معدن ،طفاية شريط كاسيت، قفل الامان بتاع الدركسيون اى حاجة ممكن ايدى توصلها وانا سايق و مرتين او تلاتة بتعمد اخبط اللى قرفنى فى عيشتى و زى ما تيجى .
العوامل كتيرة و من اهمها : لما واحد يكسر عليا من الشمال علشان يدخل ادامى علشان يعدى او يقف
او فى شارع ضيق مش مستحمل غير عربية واحدة و تلاقى حد داخل وعايز يزيحك و يعدى
اى حد يكسر ويقول ما انا مديك اشارة و غير كده كتير و ممكن أكتب لبكرة الصبح