الموضوع: استشارة فنية

الخلاصه يا رجاله

انا كان معايا عربيه هيونداي نيو اكسنت وجربت فيها كل انواع الفلاتر الاسبور الكيه ان والسيموتا

الاداء مش بيفرق كتير قوي عن الطبيعي

الموضوع بس بيبقى ان صوت الفلتر لذيذ بيشجع انك تحرق عشان تسمع الصوت الرياضي المميز للفلتر وده ها يستهلك بنزبن اكتر عشان الحرق مش ها يوفر

وفي من الكيه ن فلاتر ستوك بتركب مكان الاصلي بالظبط وده انا مركبه حاليا في التيدا

ومن وجهه نظري بعد التجربه - وبصرف النظر عن الاداء لانه زي ما قولت قبل كده مش بيفرق كتير - انه بس بيوفر ثمن تغيير فلتر الهوا العادي لانه صالح مدى الحياه ومجرد انه يتنضف كل 5000 او 6000 كيلو او كل ما يتوسخ على حسب الجو
وده طبعا لا بيوفر ولا بيزود الاستهلاك عادي يعني على حسب السواقه برضو

وطريقه تنظيفه مش صعبه خالص كل الحكايه انه يتغسل بميه وبعدين يترش عليه المنظف بتاعه ويتساب شويه وبعدين يتغسل تاني من المنظف وبعد كده يتساب ينشف ويترش عليه الزيت بتاعه وبعدين يركب

وبالنسبه للاسعار

سعر الفلتر بيبقى من 350 لحد 450 جنيه

والمنظف والزيت مع بعض في علبه واحده من 120 ل 150 جنيه

ارجو اكون قدرت الخص الموضوع