الموضوع: استفسار من كل الشاركاوية

المشاركة الأصلية كتبت بواسطة heshamelfawal

انا ان شاء الله نويت اشتري الشارك 2009 بعد تفكير عميق ومقارنة مع السيراتو و الالنترا...بس لقيت ان فيه شارك توكيل و شارك خليجي والخليجي ارخص حاجة بسيطة فياريت حد من الشاركاوية يقولي ايه الفرق سواء في المواصفات او خدمة مابعد البيع.....كمان نويت اجيب الbasic automatic عشان يدوبك علي اد فلوسي فكونت عاوز اعرف ايه الفرق بينها وبين الهاف سبورت.....معلش سؤال اخير كمان....هل ينفع ادفع مقدم كبير واخلي مثلا 30 الف اقسطهم علي سنة بدون فوايد ولا صعب....معلش تقلت عليكم باسئلتي وجزاكم الله خير

السلام عليكم

اختيار موفق ان شاء الله يا استاذ هشام

حضرتك لقيت شارك خليجي؟؟؟فين؟؟لان فيه ناس كانت عاوزة خليجي
هو الفرق بين التوكيل و الخليجي في الكماليات بس
يعني عند حضرتك الشارك الخليجي فيها صب وفر و فيها فوانيس زينون عدسات
اما الوكيل فيها فاميه مثبت على الرخصة و الكلام ده كله بالنسبة للهاي لاين
بش عارف البيزك فيها الكلام ده ولا لا
لكن نفس الماتور و العفشة و كل حاجة
بالنسبة بقى لخدمات ما بعد البيع
طبعا لو حتشتريها وكيل,,حتبقى الصيانة فيه,,و مع نزول التوكيل الجديد الضمان حيتحول ليه
اما الخليجي فممكن تعمل الصيانة في التوكيل عادي,,بس اول الف بتتكلف المصنعية اما الوكيل بش بيتكلف
بش في باقية الصيانات هل فيه زيادة على الخليجي ولا لا

اما بالنسبة للفرق بين البيزك و الهاف سبورت
فهو كالتالي:
1-تكييف اتوماتيك اما البيزك تكييف عادي
2-راديو سي دي تشنجر 6 سيديهات و 6 سماعات اما البيزك راديو كاسيت عادي و 4 سماعات
3-2ايرباج للسائق و الراكب الامامي,اما البيزك واحدة بس للسائق
4-فوانيس شبورة
5-غطاء محرك
6-جنوط اسبور
7-انذار للسرقة لا قدر الله
8-نظام مانع للضوضاء
9-اعتاب جانبية
و عند حضرتك من اول نقطة رقم 4 لحد الاخر,كل الكماليات دي بش موجودة في البيزك

بالنسبة لنظام القسط,,ده على حسب المعرض اللي حضرتك حتشتري منه
او البنك اللي حتتعامل معاه

و انا تحت امرك في اي وقت

تقبل مروري

المشاركة الأصلية كتبت بواسطة kholio

طبعا استاذ باسم ماشاء الله عليه قالك على الفروق اللي بين العربيتين بالضبط لاكن في تعديل بسيط ان السي دي تشانجر في الهاي لاين بس او السبورت الكاملة اما الهاف سبورت نفس شكل السي دي بلاير الهاي لاين لاكن سي ديهاية واحدة بس والفروق بين السبورت والهاف سبورت فتحة السقف والكساحات الامامية والسبويلر والسي دي تشانجر و الجلد الطبيعي على الطارة والفتيس ودرج التابلوه مبرد وكمان مرايا التعتيم واهم فرق ال abs و ebd انا من رأيي لو حضرتك نويت على الشارك حاول تجيب السبورت الكاملة لانها تحفة فنية ويا سلام لو جبتها كويتي هتأخد زيادة على كل الكماليات دي سي دي تشانجر rockford fosigate قوته 650 وات بالجي ام و الصب ووفر بتاعه وكمان هتاخد زينون اصلي بالعدسات بيتحرك مع الطارة مع نظام اضاءة جانبية afs وكمان حساسات نور ومطر

متشكر يا خالد على ذوقك

انا الصراحة افتكرت ان الهاف سبورت فيها سي دي تشنجر 6 سيديهات زي السبورت الكاملة
على فكرة يا خالد الشارك الهاي لاين الوكيل فيها سينسور ضوء و مطر و انا جربته بنفسي و شوفته كمان
الفرق بس هو الزينون بالعدسات و بيتحرك مع الطارة و الصب و الجي ام

المشاركة الأصلية كتبت بواسطة kholio

يا باشا انا تحت الامر والطلب

هو ممكن فعلا موديلات 2009 نزل فيها سنسور النور والمطر فعلا زي ما حضرتك قولت وفعلا معاك حق

الامر لله
متشكر يا جميل على ذوقك

انت عارف,,انا نفسي في فوانيس الزينون العدسات اللي بتتحرك مع الطارة
فكرتها جامدة و كمان الاضاءة بتاعتها قوية
عاوز اسألك حقيقي,,هما كتبولك على الرخصة حاجة خاصة بالزينون ولا لا؟؟؟؟؟
يعني هل الزينون بيخش ضمن الترخيص؟؟؟

المشاركة الأصلية كتبت بواسطة kholio

لا يا باشا انا الرخصة عندي مش مكتوب فيها اي حاجة عن الزينون خالص
وهي فعلا اضاءتها قوية بس بتضايق اي حد جاي وشك قوي ويقعد يقلبلك من بعيد

شكرا يا خالد على الرد
اصل في وقت كده زمان كان بيقولوا ان العربية لو فيها زينون,انو لازم يترخص وان لازم تكون العربية نازلة كده