مساعده يا شباب نيو اكسنت ولا افيو

**can_be** · 02-05-2011 12:03 AM

السلام عليكم ورحمه الله وبركاته

كنت عايز اخد رايكو يا شباب ايه رايكو افيو ولا نيو اكسنت والاتنين 2011 ان شاء الله

انا كنت سمعت عن الالفيو فى مشاكل فى التقفيل علشان مصرى والعافشه ناشفه وكده فمش عارف ده صح ولا لا

والنيو اكسنت سمعت انها وطيه

فمش عارف يا شباب انتوا ايه رايكوا

وجزاكم الله خير

**MazdaFan** · 02-05-2011 02:03 AM

المشاركة الأصلية كتبت بواسطة can_be

السلام عليكم ورحمه الله وبركاته

كنت عايز اخد رايكو يا شباب ايه رايكو افيو ولا نيو اكسنت والاتنين 2011 ان شاء الله

انا كنت سمعت عن الالفيو فى مشاكل فى التقفيل علشان مصرى والعافشه ناشفه وكده فمش عارف ده صح ولا لا

والنيو اكسنت سمعت انها وطيه

فمش عارف يا شباب انتوا ايه رايكوا

وجزاكم الله خير

نيو اكسنت قصدك بيها ال rb ??

لو قصدك ال rb فهي مش واطية ، زيها زي الأفيو تقريبا
فعلا تقفيل الأفيو مش حلو (معرفش اذا كانت تقفيل مصري او كوري) بس مع الوقت صاحبي كنت راكب معاه العربيه ليها معاه 3 سنين ابتدينا نسمع الكراسي بتزيق مع الحركة ومع الاهتزازات ( صوت خفيييف مش واضح اوي غير لما تركز معاه)
تكييف الأفيو ضعيف !!! تكييف الأكسنت تلاااااااااجة وموتورها أحسن من موتور الأفيو

الأفيو عفشتها مش وحشة و مركبتش الأكسنت كتير عشان أحكم على عفشتها بس من الكام مرة اللي ركبتهم فيها عفشتها تقريبا أحسن من الأفيو حاجة بسيطة مش فرق كبير
عيب الأكسنت انها خفيييييييييفة اوي و ورق اوي !!!!

**أشرف العدوي** · 02-05-2011 02:06 AM

نيو أكسنت طبعاً
هو في حد لسة بيفكر يشتري افيو
انا معايا افيو 2008 على فكرة

**mahamedaraby** · 02-05-2011 02:34 AM

اكسنت افضل فى الموتور والعفشه والتكيف بتاعها احسن

**can_be** · 02-05-2011 10:59 AM

المشاركة الأصلية كتبت بواسطة mazdafan

نيو اكسنت قصدك بيها ال rb ??

لو قصدك ال rb فهي مش واطية ، زيها زي الأفيو تقريبا
فعلا تقفيل الأفيو مش حلو (معرفش اذا كانت تقفيل مصري او كوري) بس مع الوقت صاحبي كنت راكب معاه العربيه ليها معاه 3 سنين ابتدينا نسمع الكراسي بتزيق مع الحركة ومع الاهتزازات ( صوت خفيييف مش واضح اوي غير لما تركز معاه)
تكييف الأفيو ضعيف !!! تكييف الأكسنت تلاااااااااجة وموتورها أحسن من موتور الأفيو

الأفيو عفشتها مش وحشة و مركبتش الأكسنت كتير عشان أحكم على عفشتها بس من الكام مرة اللي ركبتهم فيها عفشتها تقريبا أحسن من الأفيو حاجة بسيطة مش فرق كبير
عيب الأكسنت انها خفيييييييييفة اوي و ورق اوي !!!!

لا انا قصدى النيو اكسنت الى قبل الار بى

ونسيت اقول انى والدى عايزها اتوماتك فايه رايكوا يا شباب انهى احسن فى الاوتوماتك

**kar!m** · 02-05-2011 11:04 AM

أكسنت طبعا .. ده انت لو دخلت منتدى شيفرولية و قلت لها أنا بفكر أشترى أفيو .. مش عارف أقولك هيعملوا فيك ايه.

**mohamednagib** · 02-05-2011 01:18 PM

اعتقد في الفئة السعرية بتاعة الاكسنت ,,,, يا ريت تبص على الصني الاوتوماتيك ..... و ممكن تشوف تفاصيل اكتر عنها في قسم النيسان ....

وكمان ممكن تبص على الجين2 .. اعتقد هتلاقي فيهم افضل قيمة مقابل الامكانيات ...

لكن مع احترامي للاكسنت ,,, سعرها مبالغ فيه جدا جدا جدا ... بدليل ان واحد صاحبي شاريها من سنة بالظبط 2010 بسعر 80500 و دلوقتي بتشتريها نفس الشكل و الاماكنيات و كل شيء موديل 2011 بسعر 92500 ,,,,

مجرد اقتراح ....

**MazdaFan** · 02-05-2011 02:57 PM

المشاركة الأصلية كتبت بواسطة mohamednagib

اعتقد في الفئة السعرية بتاعة الاكسنت ,,,, يا ريت تبص على الصني الاوتوماتيك ..... و ممكن تشوف تفاصيل اكتر عنها في قسم النيسان ....

وكمان ممكن تبص على الجين2 .. اعتقد هتلاقي فيهم افضل قيمة مقابل الامكانيات ...

لكن مع احترامي للاكسنت ,,, سعرها مبالغ فيه جدا جدا جدا ... بدليل ان واحد صاحبي شاريها من سنة بالظبط 2010 بسعر 80500 و دلوقتي بتشتريها نفس الشكل و الاماكنيات و كل شيء موديل 2011 بسعر 92500 ,,,,

مجرد اقتراح ....

111111+++++

فعلا لو كده بص على الصني ، هي أحسن بكتير من الأكسنت في كل حاجة ماعدا استهلاك البنزين !!! استهلاكها للبنزين عليه كلام كتير ، فاسأل على النقطة دي قبل ماتشتريها

ولو حبيت نستعرض كل البدائل (اوتوماتيك طبعا) اللي في نفس مدى السعر ده:

بروتون جن2 و برسونا ، بس نفس مشكلة استهلاك البنزين

في كمان رينو سكالا(99,000) و سيمبول(95,000) بس مشكلتهم ان قطع غيارهم ممكن تكون أغلى من قطع غيار الأكسنت

فممكن تفكر وتسأل على كل البدائل دي ، وياريت لو مش مستعجل تستنى معرض اوتوماك اللي جاي (عادة بيكون في شهر 6) ممكن تلاقي عروض جديدة واختيارات تانية أفضل ، وربنا يوفقكم للي فيه الخير ان شاء الله

**mohamednagib** · 02-05-2011 03:05 PM

المشاركة الأصلية كتبت بواسطة mazdafan

111111+++++

فعلا لو كده بص على الصني ، هي أحسن بكتير من الأكسنت في كل حاجة ماعدا استهلاك البنزين !!! استهلاكها للبنزين عليه كلام كتير ، فاسأل على النقطة دي قبل ماتشتريها

بالنسبة لاستهلاك الصني ( على اساس استعمالي ) .. انا بصراحة كنت مرعووووب منها قبل ما اشتريها من كتر الكلام اللي سمعته عن استهلاكها ... لكن مشيت بنصائح اخواني الكرام في قسم النيسان انها على حسب نوع قيادتك ...

المهم اتوكلت على الله و اشتريت الصني ...

و من ساعة ما اشتريتها .. مسجل كل التفويلات و عداد الكيلومترات مع كل تفويلة .... يعني حاسب استهلاكها بالجرام :)))))

الخلاصة .... متوسط استهلاكها حوالي 250 كم / الصفيحة ... و وصل لحوالي 257 مع قيادة عادية مع سرعة قصوى 100 كم ..

و لما اتعمدت اني احرق على الغيارات و و اشغل التكييف .... وصل الاستهلاك لحوالي 240 كم / الصفيحة ...

معظم قيادتي على طريق طوالي

ده كله مع العلم ان سيارتي اوتو 2011 ولسه ما كملتش 4000 كم .. يعني لسه ممكن يكون في استهلاك احسن بعد فترة التليين ....

اتمنى تكون تجربتي الشخصية جاوبت عن استفسارات عندك بخصوص استهلاك الصني

اسف على الاطالة :b4_611::b4_611:

-

الموضوع: مساعده يا شباب نيو اكسنت ولا افيو

LinkBack

أدوات الموضوع

عرض

-

-

-

-

-

المواضيع المتشابهه

مساعده نيو اكسنت او جيتز او افيو

افيو ولا نيو اكسنت

نيو اكسنت ولا افيو؟

نيو اكسنت ولا افيو

نيو اكسنت او افيو

الكلمات الدلالية لهذا الموضوع

المفضلات

المفضلات

ضوابط المشاركة