بقدر صدمتي في تعليقات بعض الاعضاء واكتشافي لمدى تفكيرهم
ولاكن لكي لا اتوقف سا كتفي بتعليقات وردود بعض الاعضاء واحييهم على الموضوعية
والبعد عن المظاهر الفارغة
اقتباس:
المشاركة الأصلية كتبت بواسطة ahmed1981
الحرية في اللبس طالما محترم مش من حق حد يمنعه من لبسه
أضف إلى ذلك إن الجلبية أحد الأزياء المصرية المعروفة والتي كان الجميع الجميع الجميع يرتديها قبل الإستعمار
والآن لو ذهبت للقرى فستجد أغلب الناس يرتدون الجلباب سواء مسلمين أو مسيحيين
فلا يصح أن نستعر من أصلنا ونقول عليه شكله غريب شوية
برضة الجلابية غريبة
طيب والشبشب إيه مشكلته مع حضرتك
أحياناً الشبشب بكون أغلى من 100 جزمة
فلا تفرض النظريات وكأن ما ليس على هواك هو نشاز وما على هواك هو اللائق
كثير من الناس لا يخرج لأي مشاوير خارج العمل إلا بالشبشب وليس من حقك أن تمنع حريتهم في ذلك
لأنهم وقتها سيقفون لك بالمرصاد ويمنعون حريتك أيضاً مما لا يروق لهم وتدخل نفسك في متاهة بسبب تدخلك في حرية الناس
وبالنسبة للحلل والفسيخ
حضرتك لماذا تخلط الأوراق
هل الجلابية لازق فيها حلة
واللي لابس الجلابية مش حقير ولا قذر
وهو زيك تماماً محترم
بمعنى لو هو هيدخل بفسيخ فهذا ينطبق عليك أيضاً
فلا تخلط بين الزي وبين ما يصطحبه الناس معهم
الموضوع يتحدث عن الزي فلا داعي لخلط الأوراق
وبخصوص الشغل (حد بيروح الشغل لابس جلابية )
كل شغل له زيه لأنه زي العمل
الشرطة لها زي بدلة الشرطة
والأزهر له زي وهو الجلبية والقفطان
والكنيسة يرتدون عباية القساوسة وهي جلابية برضه
يعني في ناس شغلها بيتراح بالجلابية
لكن الفكرة هو هل النادي نذهب إليه بزي الشغل
طيب بزي أي شغل
الشرطة ولا الأزهر ولا على هوى مدير النادي
الحقيقة أن النادي هو مكان ترفيهي ولابد فيه من نوع من الحرية المحترمة وكل حر فيما يلبس في حدود الأحترام
وبخصوص الفرح الناس هتلبس إيه
حسب نوع أهل الفرح ونوع لبسهم
وهذا أيضاً بعيد عن موضوعنا
اقتباس:
المشاركة الأصلية كتبت بواسطة ahmed1981أنا كنت لابس بنطلون وقميص
والحقيقة محستش بحرج بوجود هؤلاء الناس في حال السماح لهم بالدخول
فأنا من طبعي وما تربيت عليه أن لا أنظر لأحد بإحتقار مهما كان لبسه مختلفاً عني
ولذلك زعلت على الموقف اللي حصلهم
وبالنسبة لأن الجلابية للبيت والصلاة فهذا قانون عندك فقط لنفسك وليس من حقك أن تفرضه على أحد غير نفسك
اقتباس:
المشاركة الأصلية كتبت بواسطة ahmed1981لا يا باشا مش من حقك تجبر حد على لبس معين لأنها حاجة متخصكش
وإلا تسمح للناس يلبسوك برضه اللي يعجبه بالأمر
يعني لو واحد من الأرياف وعايز يدخل فرح أو سينمكا بالجلبية اللي هو بيعتبرها أفضل لبس عنده
ونفترض إنه رايح فرح قريبه
لو قريبه إستعر منه يبقى إنسان معندوش أصل ومش متربي لأنه بيستعر من لبس أهل بلده
حيث إن التشبيه السابق ثبت خطأه
بالتالي ما بني على باطل فهو باطل
صحيح هو حضرتك بصفتك مصري اللبس بتاعك إيه أو الزي الشعبي الرسمي ؟؟؟؟؟
أتحداك تجاوب
لو قلت البدلة
أقلك وقبل الإستعمار كان المصريين عريانين وقرود ولا كانوا لابسين حاجة غير البدل ؟؟!!
لو ليك قرايب في أحد أرياف مصر ولا في الصعيد إنزل زورهم يمكن تعرف إن الجلابية مش في السعودية بس
الرئيس المرحوم السادات مكانش قليل الأصل زي مبارك وبالتالي مكانش بيستعر من أهله
لذلك كانوا بيجيبوه في التلفزيون وهو يزور القرى والنجوع وقريته وهو لابس الجلباب البلدي
لأنه عنده أصل مش بيتمرغ في جزم أمريكا وبيسرق شعبه لغاية لما تقوم عليه ثورة تمحو إسمه كما فعل بمبارك الذي لم يزر قريته بعد توليه الرئاسة لمدة ثلاثين سنة ولا مرة واحدة
منظر غير حضاري
كلمة مطاطية تمتاز بتلونها وتغير معناها وإستخدامها في كل حوار
صدقني لو جبنا اللي كان لابس جلبية ممكن جداً يرد عليك بنفس كلامك ويقولك إنه برضه شايف إن ما تلبسه أنت شخصياً سواء كنت لابس ترنج أو بدلة أو قميص وبنطلون هو منظر غير حضاري
ولو رديت عليه وقلتله إنه مجنون هيرد عليك بنفس الكلمة وهتدخل نفسك في دوامة لأنك بتعتدي على أذواق الناس لظنك إنك اللي مفيش زيك في الذوق الرفيع
ومتعرفش إن كل الناس زيك عندهم ذوق بيحترموه ويمنعوا أي حده يوصفه بأوصاف إنتقاص أو إحتقار او مطاطية بلا معنى
وبخصوص إن الجلابية للبيت وليوم الجمعة هذا قانون تطبقه على نفسك فقط وليس لك القدرة على فرضه على غيرك
صدقني في كده وفي كده
وفيه جلاليب تمنها بتمن 10 بدل
وفيه ناس بتنزل بلبس قميص وبنطلون أو بدلة مكرمشين ومش نضاف كمان
فبلاش تعمم على موضوع الجلاليب لأن أصحابها فيهم محترمين كثير ويقدروا يردوا على كل كلمة قلتها فيها إحتقار لهم بكلمة زيها تماماً
لأن مش من حق حد يحتقر الآخرين لأنهم مش لابسين زي ما هو لابس
اقتباس:
المشاركة الأصلية كتبت بواسطة dr ahmedأنا تعجبت من الموضوع وتعاطفت مع صاحب الشكوى وأضيف إنه من الممكن تمييز سبب هذا القرار فلو كان دخول الملتحين أيضا ممنوع يبقى الموضوع ضد السمت الإسلامى وأعتقد دا مش موجود لدخول صديقنا المهندس أحمد الملتحى فأظن الموضوع تنظيمى لكن بدرجة سيئة مقيدة للحريات الطبيعية
تعجبى الأكثر وما أدهشنى هو تعليقات الأخوة هنا المدافعة عن هذا القرار .. لم أكن أتصور أن أجد من يدافع عنه!
اقتباس:
المشاركة الأصلية كتبت بواسطة dr ahmedالحقيقة إن اللى جذب انتباهى الفعل أكثر من رد الفعل
والفعل هو قرار المنع وليس رد فعل الأسرة التى لم تعلم الأمر قبل المجئ للنادى
وألتمس العذر لهم فى الغضب وأظن إن أيا منا كان سيغضب لو فوجئ بمنعه من دخول مكان ما بسبب ملابسه كأنه شحات مثلا وليس صاحب حق فى الدخول وأيضا ألتمس لهم العذر ثانية حاصة بعد اعتذارهم بعد اتضاح الأمر
فما يستحق الاعتراض والنقاش هو القرار الظالم وليس ردود فعل الناس ضده
اقتباس:
المشاركة الأصلية كتبت بواسطة sonasteelسؤال يعني ...... لو اخدت والدي وروحت النادي النقابة مش هايدخلوه؟؟؟
ووالدي فلااااااااااااااح وبيلبس جلابيية
يعني هو علشان الدخول ب5 جنيه يبمقي ممنوع .... هما هايدخلونا علي مزاجهم
والواحد طلع عينه وعين اهله قبليه علشان يبقي في مكانة محترمة واهله يتفخروا بيه
وبعديها اجي افسحهم ولا اخدهم مكان محترم .... يقولوا ممنوع
انا اسف .... البلد ديه مش نافعه طول ما بتبص للمظاهر
حسبي الله ونعم الوكيل
اقتباس:
المشاركة الأصلية كتبت بواسطة aifعرفتو بقى فرنسا جابت منع النساء من الحجاب في المدارس والجامعات منين ....... من عندنا ..... من قلب الاسلام
....
والله طالما ان ملابسي لا تخدش حياء الآخرين يبقى محدش له عندي حاجة
دي حرية شخصية طالما لم تتعدى حريات الآخرين
....
طب ما الستات بيلبسو عبايا وجلاليب وبنطلونات ...... ايه المشكلة لما راجل يدخل لابس جلابية
...
دي مش تعليمات النوادي دي تعليمات امن الدولة سابقا
...
هما مرعوبين من اي حاجة ممكن يكون لها اي علاقة محتملة او اي انتماء قد يكون او اي مظهر ممكن يبقى له علاقة بالاسلام ........ من الآخر
