حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

**heshamzaky** · 02-05-2011 03:34 PM

المشاركة الأصلية كتبت بواسطة otefa

لا أزاي ياباشا ألي أعرفه أن لازم مذكرة أيضاحية لأي قانون وخصوصا لما يكون ألي بيقيده حريات شخصية في موضوع زي الملبس
وده علشان ألي بيطبق القانون مايطبقوش على مزاجه وتقديراته وأهواءه الشخصية وألا هاتبقى فوضى
مش هاتكلم على الجلبية لأن كلنا عارفين شكل الجلابية فامفيش لبس في تعريف معناها للي بيطبق قانون النادي مثلا
طيب لو واحدة لبسة لبس هي وأهلها شايفينه محترم جدا وفق ثقافتهم............فرد الأمن ومدير النادي شاف أنه مسخرة والموضوع كبر ووصل لبلاغ في القسم والنيابة الأحتكام هايكون على أي أساس على القانون ولا على تقديرات شخصية من وكيل النيابة ومن بعده القاضي؟ حيثيات القضية

تصدق بقا كبرتها فى دماغى هههههههههههه
طيب حا أقولك أنت عارف طبعا أن فية قوانين للحاجات دى يعنى فى شرطة السياحة و الاماكن الى فيها رقص بلدى شرطة السياحةو الاداب عندهم مثلا مواصفات لبدل الرقص الحريمى يعنى لو راقصة لابسة بدلة مش مطابقة للمواصفات بيعملو لها محضر شوفت دة مثل مقرف بس حتى بدلة الرقص ليها معاير مع أن كلها على بعضها موضوع أساسا عيب و حرام . بس حاطين لة قيود

**زينة الله** · 02-05-2011 03:39 PM

الحرير فى اللبس هو اللى محرم على الرجال مش الجينز ... إيه مشكلة الجينز لو بيحقق الشروط الشرعية " يستر العورة ولا يحد ولا يشف "

والرسول (ص) لبس كل لبس عصره فى حدود الشرعية ولما المقوقس اهدى له سترة مصريه لبسها عادى

**zago** · 02-05-2011 03:46 PM

المشاركة الأصلية كتبت بواسطة زينة الله

الحرير فى اللبس هو اللى محرم على الرجال مش الجينز ... إيه مشكلة الجينز لو بيحقق الشروط الشرعية " يستر العورة ولا يحد ولا يشف "

والرسول (ص) لبس كل لبس عصره فى حدود الشرعية ولما المقوقس اهدى له سترة مصريه لبسها عادى

ده اللي اقصده
يعني مثلا جرب تلبس فرعوني وشوف حيدخلوك النادي ولا لأ

**otefa** · 02-05-2011 03:49 PM

المشاركة الأصلية كتبت بواسطة heshamzaky

تصدق بقا كبرتها فى دماغى هههههههههههه
طيب حا أقولك أنت عارف طبعا أن فية قوانين للحاجات دى يعنى فى شرطة السياحة و الاماكن الى فيها رقص بلدى شرطة السياحةو الاداب عندهم مثلا مواصفات لبدل الرقص الحريمى يعنى لو راقصة لابسة بدلة مش مطابقة للمواصفات بيعملو لها محضر شوفت دة مثل مقرف بس حتى بدلة الرقص ليها معاير مع أن كلها على بعضها موضوع أساسا عيب و حرام . بس حاطين لة قيود

ماهي دي المصيبة أننا في دولة مدنية أسلامية المرجع
وقوانينا مش محصلة قوانين العلمانية
أه والله مش محصلة ديمقراطية العلمانيين ألي بتشترط مجلس شعب منتخب من الأغلبية ولثقتنا فيهم هايعدلو القوانين وفق أغلبية الشعب ألي متأكد بنسبة كبيرة أنهم لن يوافقو بالمرة على المسخرة ألي الدولة دايسة فيها(ملاهي ليلية-خمور-قمار في الفنادق)
شفت بقه ياباشا أننا بعيد سواء عن شرع الله بوضعنا السابق (مدنية بمرجعية أسلامية)
ولو من وجهة نظر علمانية بحتة بعيد عن الديمقراطية ألي هاتضمن قوانين لاتستفز الأغلبية
يعني كنا لامحصلين مدنية أسلامية ولا مدنية علمانية
ربنا يوفقنا في المرحلة المقبلة أن شاء الله

**heshamzaky** · 02-05-2011 03:51 PM

المشاركة الأصلية كتبت بواسطة زينة الله

الحرير فى اللبس هو اللى محرم على الرجال مش الجينز ... إيه مشكلة الجينز لو بيحقق الشروط الشرعية " يستر العورة ولا يحد ولا يشف "

والرسول (ص) لبس كل لبس عصره فى حدود الشرعية ولما المقوقس اهدى له سترة مصريه لبسها عادى

+++++++++ 1111111111111 بالظبط كدة
مش عارف لية الموضوع من بعض الردود أخذ منحنى الجانب الدينى و الاسلامى الموضوع كان من الاساس واحد داخل نادى لابس جلابية . طيب هو ممكن واحد يدخل فندق و يدخل معاة أكل و لا برضو ممنوع . مهى حريتة الشخصية و لو قسنا يبقى أكل البيت أضمن و أنظف و أحسن من أكل المطاعم و الحرية الشخصية أنى أكل الى عاوزة

المشاركة الأصلية كتبت بواسطة zago

ده اللي اقصده
يعني مثلا جرب تلبس فرعوني وشوف حيدخلوك النادي ولا لأ

لبس فرعونى الناس حا تنتقدة طبعا مع أن اللبس حا يبقى محتشم و مش مبين حاجة بص صحيح أفرض حريتة الشخصية يلبس أى لبس ينفع و لا ما ينفعش

**heshamzaky** · 02-05-2011 03:56 PM

المشاركة الأصلية كتبت بواسطة otefa

ماهي دي المصيبة أننا في دولة مدنية أسلامية المرجع
وقوانينا مش محصلة قوانين العلمانية
أه والله مش محصلة ديمقراطية العلمانيين ألي بتشترط مجلس شعب منتخب من الأغلبية ولثقتنا فيهم هايعدلو القوانين وفق أغلبية الشعب ألي متأكد بنسبة كبيرة أنهم لن يوافقو بالمرة على المسخرة ألي الدولة دايسة فيها(ملاهي ليلية-خمور-قمار في الفنادق)
شفت بقه ياباشا أننا بعيد سواء عن شرع الله بوضعنا السابق (مدنية بمرجعية أسلامية)
ولو من وجهة نظر علمانية بحتة بعيد عن الديمقراطية ألي هاتضمن قوانين لاتستفز الأغلبية
يعني كنا لامحصلين مدنية أسلامية ولا مدنية علمانية
ربنا يوفقنا في المرحلة المقبلة أن شاء الله

معاك فى الى قولتة . بس الموضوع الاساسى كان واحد رايح نادى بجلابية يدخل و لا ما يدخلش بعد الثورة رأس و موضوع العنوان معناة كدة ان فية تميز عنصرى . هو حد منعة يلبس الجلابية فى الشارع طبعا لآ . و لو مشينا بالمبدأ دة يبقى تطلع مظاهرة و نقول عاوزين نروح الشغل ب الجلابية مش دة حرية شخصية طالما لا تؤذى الاخرين

**otefa** · 02-05-2011 03:58 PM

المشاركة الأصلية كتبت بواسطة zago

ده اللي اقصده
يعني مثلا جرب تلبس فرعوني وشوف حيدخلوك النادي ولا لأ

هايقولو عليه يامتنكر يامهيس
بس من وجهة نظر الحريات هو حر يلبس كيفما يشاء طالما لايضر أحد
السؤال ممكن تعاقبه قانونيا على زيه؟

**heshamzaky** · 02-05-2011 04:04 PM

المشاركة الأصلية كتبت بواسطة otefa

هايقولو عليه يامتنكر يامهيس
بس من وجهة نظر الحريات هو حر يلبس كيفما يشاء طالما لايضر أحد
السؤال ممكن تعاقبه قانونيا على زيه؟

حا يقولو علية مهيس طبعا و مش طبيعى زى ما واحد يصمم يلبس طربوش مش دى حرية شخصية مش بتأذى حد و محتشم و مفيهوش عيب . بس ما ينفعش حد يقدر يلبس طربوش و يمشى فى الشارع و معاة عصاية فى أيدة زى زمان و منشة معمولة من ذيل الحصان طبعا لآ .
قانونا ممكن يحولوة مستشفى أبو العزايم لبيان مدى حالة قواة العقلية لو لبس أخناتون و فرعونى هههههههههههههههههههه

**nevozaky** · 02-05-2011 04:05 PM

المشاركة الأصلية كتبت بواسطة otefa

هشام بيه
ماهو ده ألي أقترحه مهندس أحمد(صاحب الموضوع) أن القانون يتعدل وفقا لأستفتاء بالنقابة ولو أني شايف أي بند في القانون يقيد الحريات فهو من المفترض أنه لاغي من مبدأ نشر الحريات ألا أذا كان تم أستفتاء بشأنه سابقا
نقطة اللبس المحترم أو الخليغ للبنات ياترى ممكن يذكر قانونا بأي صيغة قصدي المذكرة التوضيحية ليه يكون بنودها أيه
ممنوع دخول من تلبس ميني ولا ميكرو؟
تحياتي

السلام عليكم اولا .استاذ otefa طبعا ممكن تحديدها بس مش هيتقال ممنوع لبس المينى او الميكرو .بس هيتقال ان الملبس وفقا للذوق العام والاداب العامة .
انا وجهة نظرى انا مش مع لبس الجلابية .لكل مقام مقال .ومحدش يقول ان العرب بيروحوا الشغل بالجلاليب لان ده اللبس الوطنى بتاعهم
يعنى هما مش بيلبسوه علشان لبس اسلامى .لكن مجرد احتفاظهم بالتراث الوطنى للبلاد .
تانى حاجة اللبس وفقا لحرياته الشخصية وللذوق العام والاداب العامة .يعنى مش لازم جلابية ومش لازم ميكرو جيب او مينى
خير الامور الوسط .المهم اللبس يخفى العورة ويسترها سواء بالنسبة للرجال او النساء .بس للمرة التانية لكل مقام مقال.
زى ما بقية الزملاء قالوا كل مكان وله اللبس المناسب له .طالما فى حدود الاحترام
تقبلوا تحياتى .