بشمهندس </B>ahmed1981 سؤال خارج الموضوع
نادي 6 اكتوبر اشترك فيه من النقابة نفسها ولا اروح النادي بكارنيه النقابة واعمل اشتراك؟
وتكاليف الاشتراك كام بالنسبة للنسبة للعضو المهندس وبالبنسبة لافراد اسرته
وشكرا
بشمهندس </B>ahmed1981 سؤال خارج الموضوع
نادي 6 اكتوبر اشترك فيه من النقابة نفسها ولا اروح النادي بكارنيه النقابة واعمل اشتراك؟
وتكاليف الاشتراك كام بالنسبة للنسبة للعضو المهندس وبالبنسبة لافراد اسرته
وشكرا
دي بعض المعلومات عن النادي من موقع النقابة
نبذة عن نادي 6 اكتوبر للمهندسين- الموقع العام: يقع النادي بمدينة السادس من أكتوبر على محور 26 يوليو جنوبا أمام جامعة مصر الدولية والحي المتميز ويطل على محور جمال عبد الناصر من الجهة الشمالية.- المساحة: يقع النادي على مساحة 30 فدان بارتفاع 145 متر فوق سطح البحر ثم البدء في إنشائه 5/4/2006 وتم الافتتاح التجريبي في 26/5/2009.- مكان النادي: متميز للغاية حيث أن له بوابه تطل من الجهة الجنوبية الرئيسية في الدخول على محور 26 يوليو والبوابة الغربية على طريق جانبي والبوابة الشمالية تطل على محور جمال عبد الناصر.- أهداف النادي: يعتبر النادي اجتماعي رياضي ثقافي خاص بالسادة المهندسين وأسرهم فقط .نظام دخول النادى- أسعارالدخول للأعضاء :-- دخول العضو المهندس بالكارنية شرط أن يكون مجدد للسنة الحالية .
- دخول الزوجة تذكره فئه (5 جنيهات) .
- دخول الأبناء حتى 7 سنوات مجاناً .
- الأطفال أكبر من 7 سنوات تذكره (5جنيهات) .
- دخول الوالد والولده (5جنيهات ) للفرد .
- أسعاردخول ألأقارب والمرافقين (10جنيهات) للفرد ويسرى على أبناءهم مايسرى على أبناء الأعضاء بشرط مرافقة المهندس .
ب - أسعار الدخول لمستخدمى الملاعب (تأجير الملاعب):-- دخول المهندس بالكارنية .
- دخول الغير مهندس تذكره (5جنيهات) بحد أقصى 5 أفراد ومازاد على ذلك تذكره (10جنيهات) بالنسبه لحجزملاعب (كره القدم - سله – طائرة – يد - )
أسعار دخول مرافق الأطفال بالأكاديمية الرياضية (5جنيهات) للتذكره .
الموقع الرسمى للنقابة العامة للمهندسين ,ن
[flash=http://www.eea.org.eg/]WIDTH=900 HEIGHT=400[/flash]
طبعا انا مع مدير النادى ,
على فكرة الموضوع مش مع المدير أو ضد
الموضوع هل فيه قانون رسمي معتمد من الدولة بيديله الحق يمنع الجلبية؟
كلنا مع تطبيق القوانين بس السؤال هل القانون لو كان موجود مكتوب بأي صيغة بمعنى هل الجلباب فقط لاغير هو الممنوع في جزئية الملابس
ولو مش عاجب نسبة من الناس يبقى فيه قنوات رسمية للأعتراض مبدأيا نقابة المهندسين في موضوعنا تعمل أستفتاء داخلي أو تراجع القوانين والدستور علشان أنا شايف أن تقييد حريات البشر مش بالساهل كده ده لو عايزين نفعل الحريات والقوانين(دولة المؤسسات والديمقراطية والقانون)
هو ده فعلاً قصدي بالظبط
حتى النوادي العاديه زي نادي النيل او نادي القاهره ماشفتش حد فيها كان رايح بجلابيه
وممكن تلاقي عادي في بعض المحافظات الناس تنزل بالشورت والشبشب في الصيف بس هنا بيكون ملفت جداً وغريب
في حاجه تانيه عايزه اقولها رداً على ان اللى رايح نادي ده رايح مكان اجتماعي والمفروض يكون على راحته
المكان الإحتماعي ده مش مكان خاص ده مكان عام
وبالتالي لازم يكون في حدود لكلمة على راحتي
يعني ممكن يكون في ناس على راحتها انها تنام على النجيله
وممكن يكون في ناس على راحتها انها تمدد رجليها على الكراسي امام اللي موجودين
وفي حاجات كتير تتعمل تحت بند على راحتي
وفي الآخر ممكن نشوف الفرق بين حديقه عامه مفتوحه للجمهور بدون اي قوانين ونادي محدد ببعض القوانين شكله ايه في النهايه
ومن هو الذي عليه التحديد ليقرر المكان الملائم للبس الجلبية مثلاً في نادي نقابة المهندسين
مين ؟
حسني مبارك مثلاً
أم أعضاء مجلس الشعب
واضح من كلامك إنك عارف إن المكان لا يصح فيه الجلابية وعندك ثقة قوية من تلك المعلومة
فهل هناك قانون يحدد ذلك
أم الدستور ؟
أم هو أمر توافق مع هواك مثلاً وبالتالي تلزم الجميع به
الخلاصة نادي نقابة المهندسين للمهندسين
وليس للنقيب أن يفرض فيه شرطاً مخالفاً للطبيعة إلا بعد أخذ إذن أصحاب المكان وهم المهندسون
وبصفتي مهندس أي أن لي سهم في هذا المكان فلن أسمح بعودة فكر مبارك وزبانيته ثانيةً
بسيطة جداً
سنفترض إن حضرتك بتلبس بدلة (بنفترض)
وفي واحد آخر لابس جلبية
وكل واحد فيكم راكب عربيته الخاصه
وأنتم الإثنين دخلتم مثلاً على كمين مدخل أحد المدن ولنفترض الغردقة
المعاملة ستكون مختلفة معك ومعه في الكمين
رغم أنه قد قد يكون أعلى منك تعليماً (أنا بفترض)
لكن لمجرد لبسه ومظهره الذي لم يكن يعجب زبانية مبارك المطرود
ممكن إنت توصل البيت وتنام وهو مازال متوقف في الكمين مع زبانية مبارك
لذلك قامت الثورة عند كثير من الناس وربما أنت لم تصادف مثل تلك المواقف وبالتالي قد تستغرب ربطها بالثورة
مصر على الربط بين مكان الشغل ومكان النادي
وكأنك تريد أن توحي للأعضاء أن مكان العمل مطابق لمكان النادي
هناك قاعدة مهمة حتى لا يختلط الأمر
-1- أماكن العمل لها زي محدد يلائم طبيعتها وبالتالي ممنوع الدخول بغير ذلك الزي
-2- أماكن الترفيه مثل نادي النقابه هي أماكن للترويح عن النفس وبالتالي مسموح فيها بالحضور بحرية بالزي الذي تحبة طالما لا يؤذي أحد
فرجاءاً لا تقارن بين النقيضين فهذا مستحيل
لا تحاول أن تستدل بأن للعمل زي وبالتالي لمكان الترفيه والراحة والترويح عن النفس نفس الزي
فهذا مستحيل
وإذا كنت لم تذهب من قبل إلى أوروبا التي هي من إبتدعت البدل التي تعتبرها انت حضارية
فأريد أن أخبرك أنك في أوروبا لو توجهت لأي حديقة أو نادي بالجلابية لن يلتفت أحد لما ترتديه أو يوقفك أو يمنعك من الدخول
فلا توجد عندهم عقدة نفسيه في هذا الأمر
-
معلش انت لتتكلم في حاجة مش حاصلة اصلا في النقابة دلوقتي هو حد قالك ان انت تقدر تحط
قواعد للمكان
المفروض النقيب هو اللي بيكون له السلطة دي لانه هو االلي هيكون منتخب من الاعضاء
لكن النقابة تحت الحراسة حاليا و طالما فيه تعليمات تمنع لبس الجلابية يبقى انا التزم بيها
و برضو مش عارف ايه علاقة مبارك و لا الثورة بالموضوع
الحقيقة تخمينك فى محلة فعلا عمرى الحقيقة ما ركبت العربية و أنا لابس جلابية لآنى من وجهت نظرى شايف أنها ملائمة للبيت مش علشان انزل بيها الشارع و البسها ممكن ألبسها فى صلاة الجمعة و ممكن البسها فى صلاة العيد و دة مش شرط برضو و الطبيعى ببقى لابس قميص و بنطلون او تى شيرت عادى جدا .
بص يا سيدى الفاضل فى معظم احياء القاهرة محدش بيسوق العربية و هو لابس جلابية ممكن بعض الناس بتعمل كدة و دة حقهم و مشروع و لا غبار عليهم بس مين الى بيعمل كدة سعادتك مهندس تمام هل بتسوق العربية و أنت لابس جلابية و لا لابس عادى . و لو كان نظرة رجل الامن و ممكن جدا تكون خطأ للراجل الى داخل الغردقة أو أى مدخل مدينة اخرى لو لقاة لابس كدة ممكن يسألة عن الرخصة أو الورق دة عادى بس تفتكر لية أية السبب ما تقوليش أنة متدين علشان كدة وقفة مهو ممكن يكون تاجر أو حرفى و ممكن يكون مسيحى و تاجر أو معلم و دة لبسة العادى .
و على فى الكمائن دى برضو بيوقفو الشباب الى راكبين عربية أخر موديل و لابسين كاجوال و ممكن يفتش العربية ممكن شباب منهم يكون معاها مخدرات . يعنى مش مقياس . الى بجلابية بيوقفة و الى لابس كاجوال برضو بيوقفة لو اشتبة بة.
أما باقى الافتراضات محصلتش و مش موجودة يعنى موقفتش فى كمين قبل كدة و فتشنى
يا جماعة من فضلكم بس عشان الناس اللي بتقول مبارك و ثورة و كلام بعيد كل البعد عن الموضوع
انا من اسبوع كنت في نقابة المهندسين اللي في الزمالك و كنا مجموعة مع بعض و كلنا اقارب
من ضمن الناس دي كان معايا خالي و ده راجل ملتحي بس مكانش لابس جلابية المهم الراجل دخلوه عادي جدا و محدش اتكلم طبعا ايام مبارك كان عمره ما هيخش
ده يبين الموضوع ملهوش علاقة بما كان يحدث قبل الثورة الموضوع زوق عام فقط لا غير
حاجاة كمان الناس اللي بيديرو المكان مش اغبياء و محدش يقدر يمنع واحد من الدخول لسبب ديني لانهم ببساطة عارفين ان الناس خلاص معدتش بتسكت زي الاول و كله بيطالب بحقه و بالتالي محدش منهم هيدخل نفسه في مثل هذه المشاكل
والله العظيم وأنا بتكلم مع مدير الأمن هناك حكى لي على موقف مثل هذا المثال
قال إن فيه مهندس جاي ومعاه أبوه سنه لا يقل عن 75 سنة ومريض
وإبنه المهندس جايب أبوه يشممه شوية هواء ويمشيه شوية
مدير الأمن بيقوللي أنا لو سمحتله يدخل يتخصم على شركة الأمن 3000 جنيه فوري لو شافه مدير النادي بالداخل
ويقول : أنا وقتها بقيت بقول للمهندس ممنوع أبوك يدخل بالجلابية وأنا حزين
وقمت جبت كرسي لأبوه وأجلسته جنب الباب وإعتذرتله
وقلت لإبنه مدير النادي اللواء بالداخل روح إستأذنه
إبنه قابل مدير النادي في وسط النادي تقريباً
وطلب منه إذن
فقال له مدير النادي هذه تعليمات رئيس مجلس إدارة النادي الحارس القضائي على نقابة المهندسين السيد محمد بركة
ودار بينهما جدال
وارتفعت الأصوات
وتم مسح كرامة مدير النادي بالأرض
وبرضه الراجل الكبير مدخلش
ومدير أمن النادي بيحكي لي هذا الموقف وهو حزين جداً
حسبنا الله ونعم الوكيل
وكل من يرضى بهذا الموقف أن يصير له من يفعله به عندما يكبر والمرض يمنعه من لبس غير الجلابية
-
انا راى انك لا تقدم شكوى ولا حاجة لان بمنتهى البساطة ما ينفعش حد يدخل بجلابيه مكان زى نادى النقابه
انا لو فى النقابه وشوفت مهندس لابس جلبيه صدقنى هيبقى منظرها وحش جدا جدا جدا احنا مهندسين يا جماعة
سؤال يا باشمهندس بعيد عن موضوع الجلابية . لو مهندس رايح النادى هل من المقبول أن يدخل النادى لابس عفريتة ((( أفرول ))) و مش حا أقول متسخ لآ جديد و بيبرق و زى القشطة و معاة خوذة ممكن يدخل النادى و لا برضو شكلة حا يبقى غريب شوية لآنة مش بيشتغل و داخل موقع
المهم بعيدا عن المهاترات
الموضوع تحول من منع بسلطة وبدون توضيح لقانون او تعليمات مبينه للاعضاء
الي هل مقبول انه يدخل ولا ما يدخلش؟
وهل مقبول انه يدخل نقابة المهندسين؟ ولا مينفعش بس ممكن يدخل التجاريين مثلا؟؟!!!
هل فيه قانون يمنع دخول الجلباب؟
وهل هوا بدعوي الحفاظ علي اسلوب الملبس في المكان ؟ ولا لتحييد فئة معينة بعينها؟
طب والسيدات؟ هل يدخلوا بعباية؟ ولا غلط؟
طب لو عكسنا الموقف ومكان ما قال مش هادخل بنت لابسة فوق الركبة او ولد مسقط البنطلون
لان المكان بيحافظ علي عادات تقاليد معينه
هل هيكون الدفاع عن الموقف بتاع حرية اللبس بنفس الطريقة ولا هايكون اشرس؟؟؟
طب لو واحد عامل عملية في منطقة ما ينفعش بسببها انه يلبس بنطلون
ولبس الجلابية ومعاه عذر طبي
هايدخل ولا لأ؟
الموضوع ليه ابعاد اكتر من الجلابية والفلاحين والصعايدة والسلفيين والكلام الكتير دا
لو تحييد لفئة معينة وتمييز ضدهم
ييبقي دا تمييز عنصري ومالوش اسم تاني
هل حد يرضي مثلا انك تدخل مكان ويقولك اسف لازم علشان تدخل يكون البوكسر بتاعك باين؟؟؟؟؟؟؟؟؟؟
إنت خدت بالك يا باشا
بيمنعوا الجلاليب لأنهم لو سمحوا بها سيضطروا يسمحوا بعدها بحلل الفسيخ والمحشي
سبحان الله
أتمنى حد يقولي العلاقة بين الجلابية والحلل في الترتيب الزمني
وسبحان الله برضه
لو سمحوا بالجلاليب بعدها هيضطروا يسمحوا بالجلوس على الحشائش
أتمنى من اللي هيفدني في العلاقة الزمنية الأولى بين الجلاليب والحلل يفيدني بالعلاقة بين الجلاليب والحشائش والنجيلة
سبحان الله
بندور على أي حجج عشان نبرر موقف النادي لمجرد إن موقف النادي جاء على هوانا بأننا لا نحبذ الجلاليب
أو إننا قاهرين من النبلاء الذين لا يعترفون بالجلباب زياً محترماً ولسنا من أصول فلاحين أو صعايدة من المخلوقات الغير حضارية التي ترتدي الجلاليب
صلوا على النبى كده وحكى لكم حكاية وبعدين هقول رأيى وأمشى........أنا عشت فى السودان 3 سنوات ومرة كنا داخلين النادى العالمى ببوسودان وكان واحد صاحبنا داخل بجلابية ، فأعترضة الأمن عارفين ليه ؟ علشان مش لابش العمه السودانى أو طاقية .....فالخلاصة احنا كشعب مصرى معندناش زى خاص بنا زى الخليج مثلا واللى رايح النادى بيبقى عايز يستجم شوية فليه هنحد من حريته ونلزمه بعدم لبس ما يظن انه هيكون مستريح فيه بشرط عدم الخروج عن الذوق العام.....وبعدين أنا مش رايح interview علشان تلزمنى بلبس معين ، ده مكان معمول لراحتى فألبس جلابية أو بدلة أو قميص وبنطلون دى حرية شخصية طالما أراعى الأداب العامة والذوق العام ...
'طيب لو أنا داخل النادى ومعايا صديق خليجى بزيه الرسمى أو صديق رجل دين أزهرى أو قس مسيحى أو والدى المسن الذى لا يرتاح الا بلبس الجلابية ، اليس منعهم من الدخول هو قمة التعنت والعنصرية ؟!!!!!!
لآ مش مصمم و لا حاجة على ألصاقهم ببعض بس ممكن حضرتك تقولى أنت لية مصمم على موضوع الجلابية يعنى اية السبب و هو أمن الدولة ضرنى فى أية و لا أنا أستفدت منة أية مفيش أى أحتكاك لا ب السالب و لا ب الموجب .
موضوع الالصاق دة عملية قياسية يعنى بالبلدى حضرتك شايف أنة مفيش مشكلة واحد يدخل النادى ب الجلابية لانها حرية شخصية و لا تؤذى أحد صح كدة مين الى قالك أن مفيش ناس تانية مش حا تطالب بنفس المطلب و تروح الشغل بالجلابية و تقول المعاملة بالمثل طالما سمحو بيها لشريحة يسمحو بيها لشريحة اخرى يعنى خدها بالقياس كدة و قولى رايك
هشام باشا وجهة نظرك تحترم ومش بالضرورة تكون هي الصح انت شايف ان الجلابية لبس مش مناسب او ملائم للنادي دي حاجه ترجعلك وما تقدرش تفرضها على اي حد احنا بنتكلم على حق قانونى لحد مرتدي ثياب لا يضر احد في شئ طالما في اطار الزوق وشكله مش شحات يعني
في مهندسين يا أخي ملتزمين ما بيلبسوش غير جلباب في غير اوقات العمل اتباع لسنة النبي ومقصرين الثوب وما تقوليش انه هايروح الشغل كده لأن الشغل هو مضطر يروحه كده لو قواعد الشغل بتقول كده والا هايتقطع عيشه وهنا لا ضرر ولا ضرار
لكن النادي ده مكان الترفيه معقوله يبقى يبقى لبسه هو سبب منعه من دخول النادي ده لو هاناخده من وجهة النظر الدينية
الموضوع فيه عنصرية
زلبانى ياشا أنت عارف أنى بقيس الموضوع بوجة نظر مختلفة طب أنا و أنت من اعز ألاصدقاء و أنت ملتحى و لبسك عادى جدا بل بالعكس و الله لبسك شيك جدا يا معلمى هههههههه و الله بجد دى حقيقة و أتا فاهم أنى معنديش مشكلة مع الجلباب نهائيا و لا بتفرق معايا لابس جلباب و لا لابس شورت بنتكور حتى بس الى بتكلم فية بالذمة أنت شوفت أى نادى بيرضى يدخل حد بجلباب مش حا أقولك ننوادى نقابة لآ نوادى خاصة يعنى بفلوس و بفلوس جامدة كمان يعنى ناس متدلعة ملهاش فى أى أنتمائات أو أى توجهات و لا مشكلة مع حد و فى نفس الوقت بيمنعو بنت لابسة لبس خليع من دخول النادى يبقى أية السبب يعنى الموضوع مش أضطهاد نهائيا .
أما أن الموضوع أن لبس الجلباب لة وجة نظر دينية دى لآ أنا ما شوفتش دة فى أى حاجة قرأتها على أد معرفتى و كان فية مشاركة منزلها بالموضوع دة هنا فى نفس الموضوع . و أستنى عليا لما اشوفك حا نقطع بعض مناقشة هههههههههههههههه
و الله يا زلبانى بكلمك جد أنت عارف أنى مش بسخف على حد نهائيا بس أحب أن الامور تبقى واضحة و واضحة وضوح الشمس و الالوان عندى يا أبيض يا اسود مش بحب الرمادى ناقشنى عقلا و بأدلة يا أستاذى
((((( ملحوظة الاخ زلبانى من اعز الاصدقاء بالنسبة لى )))))))))))))
ياهشام الموضوع ملخصه في جملة ((هل منع الدخول بالجلباب للنوادي صادر بيه قانون ولا المنع وفقا للمزاج والأهواء الشخصية للقائمين على الأندية))؟
نركن أهواءنا الشخصية على جنب
أنا ما عملتهاش قبل كده ودخلت نادي بجلبية ...........أنا مش من هواة لبس الجلبيات أساسا........بس النقاش على المبدء والتعايش مع حريات الناس المخالفة لذوقك أو ذوقي
لو سألت فى النقطة دى تحديدا حا تلاقيها فى الائحة الداخلية عند النوادى زى قائمة الممنوعات مثل ممنوع الدخول غير بكارنية العضوية ممنوع أثارة الشغب و الخناقات زى برجاء ابراز كارنية العضوية عند الطلب زى ما فية مكان مخصص فى النوادى لكبار السن و ممنوع الدخول لآقل من 18 سنة زى الصالونات الى فى المبنى الاجتماعى الى فى النوادى ممنوع لعب الكوتشينة كل دة ممنوعات فى النوادى كلها ممنوع استخدام حمام السباحة الا بعد أخذ دش الاول مش كل دة ممنوع فى أى نادى. لية الناس ما اعترضتش و قالت لآ نلعب كوتشينة مهو أحنا مش بنلعب قمار و دة بيحصل مشاكل بسببة فى النوادى و تلاقيهم عيال صغيرة بص ممنوع أى لعب بأوراق الكوتشينة حتى لو بتلعب أونو. و فى نفس الوقت مسموح ب الطاولة. كل الى فات دة مش حرية شخصية و هل فية قانون مكتوب بيمنع دة. و ممنوع تمشى بالمايوة فى النادى ألا فى منطقة حمام السباحة و ممنوع تلعب الكرة فى الحدائق تلعب فى الملعب كل دى ممنوعات هو مش نادى لية كل دة ممنوع و طالما مسموح بالمايوة لية ممنوع تتجول بية فى النادى بحرية .
طيب بنفس المبدأ مانروح الشغل بالجلابيه؟
ايه المشكله ؟؟؟
و ممكن برضه حد يجى يزورنى فى البيت لابس شورت تحت اركبه و فانله كت و عادى ماهو لبس يدارى العورة
ايه المشكله؟
ولا اروح الجامعه لابس قفطان و شبشب خشب مثلا
اللى يدافع عن الجلابيه فى النادى اعتقد اولى يدافع عن اللى فوق ده
كل ألي قلته تمام وكله ليه أسبابه مابين صحية ومابين مراعاة توفير نوع من الهدؤ للكبار
الكوتشينة ليها سبب منع عبيط وهو أن ممكن تلعب الناس قمار طيب مامكن يلعبو قمار برفة حلوة رفة ههههههه
لو الجلبية والكوتشينة ممنوعة في اللائحة بطريقة قانونية يبقى الألتزام بها ألى أن يتم المطالبة بتغييرها من من يرغب في تغييرها
باللجوء للجهات الرسمية المسؤلة عن الموضوع
أنما لو طلع مافيش قانون واضح وصريح بيمنع يبقى ده تجاوز صارخ للقوانين من مديري الأندية
ومالها الجلابيه في منها افخم من البلدله شوفوا دي
http://www.ordyten.com/vb/imgcache/11147.png
والأمراء والملوك بيلبسوها كمان
http://www.bfg-global.com/portal/mag...s/alwaleed.jpg
وبعدين النادي ملتقى لكل الاعراف والمجتمعات مش للبدل بس
والله أنا برضك جه فى بالى لبس المدارس والمستشفيات والمصانع وبعض الشركات والبنوك والجيش والشرطة
كل مكان منهم له زى موحد لتنظيم المكان وتحقيق ألتزام وفايدة عامة دون الخروج عن الشرعية
وكمان جه فى بالى الراجل أبو جلابية فى ماتش الزمالك وتونس ::: )))
مع إن طبعا مش كل اللى بجلابيات زيه و أهلنا بيلبسوها عادى .... بس أنا بفكر معاكم :) :)
مش المفروض ان يكون في تمييز بين المهندسين على حسب مستواهم الاجتماعى
الكل مهندسين