+11111111111111قمة قلة الأدب والله العظيم، يعني النقاب وقالك عشان الدواعي الأمنية و عادة بدوية ومعرفش أيه.....طب والجلباب بتاع أهالينا بقى كخة خلاص وعيب ومش متحضر! لازم البنطلون المتسقط عشان نبقى قد المقام مثلاً؟!
ينعل أبو التقليد الأعمى للغرب وخلاص...انا حاسس بعد شوية ان اللي مش هيسقط بنطلونه هيبقى مش كوول ومش ماشي عالموضة!
اللي ميعرفوش الذكي الفرفور اللي عمل القرار دا إن هناك بعض العبايات "الجلاليب" يصل تمنها لأكثر من ثمن البدل المستوردة من إيطاليا و أن الجلاليب مش عيب ولا عار عشان المهندسين ميلبسوهاش..!
وايه علاقة السعودية والخيلج بالجلاليب للناس اللي بتعيب مش فاهم؟
الجلابية مش عيب ولكن العيب إن الملبس يكون متسخ أو يظهر عورة مثلا او منظره بايخ او مخل...يلبس جلابية بقا يلبس الهوا هو حر.
موضوع يحرق الدم بجد......واللي يحرق الدم اكتر ان الناس لسة بتطالب بالحرية ويجي حد يقولك معلش اصلك ممنوع تلبس جلبية!
ياسيدي الاوبرا دي انا بروح حفلة وفي فيها شروط ولازم اتقيد بيها، انما النادي دا انا مشترك فيه ومهواش ملكية خاصة لحد عشان يقولي البس ايه وملبسش ايه..ووانا بعمل الاشتراك محدش قالي متلبسش جلابية!
دا رايح النادي يعني مكان للراحة و الدردشة مع الناس مهواش رايح في مهمة عمل رسمية عشان حد يقوله لا اصلك لازم تلبس قميص وبنطلون!
ورغم كدا انا مبلبسش جلاليب..لكن اكيد بعد الموضوع دا هلبس جلاليب بالعنية بقا طالما هي بتغيظ ناس كتيرة كدا وبيعتبروها ال ايه مظهر غير حضاري!
المفضلات