حد ليه فى الزراعة

**m3_dolphen** · 02-05-2011 04:24 PM

ايوة انا عارف ان التراب الزراعى مفيش مشكلة .. انا بتكلم على اماكن بيع التقاوى

**ehab_mansour** · 02-05-2011 04:28 PM

المشاركة الأصلية كتبت بواسطة azmeralda

شكرا يا جماعة حقيقى افدتونى

طبعا فى البلكونة معنديش جنينة ولا حاجة هتبقى فى الحاجات البلاستيك دى اللى من عند الشريف للبلاستيك

استاذ ايهاب من المنصورة ممكن يكون عارف البذور منين والتربة منين ولو بيتموس منين برضه

بخصوص موضوع التربة ممكن من غير ما تشتري تربة تأخذي الحوض اللي هتزرعي في وبالعربية تخرجي علي اي طريق قريب منك من المنصورة ولو حتي شط البحر اللي بره ناحية طريق دمياط وتطلبي من اي واحد بيزرع علي الشط وبيكونو موجودين في اي وقت تطلبي منه يحطلك شوية تربة في كل حوض وعرفيه انك هتزرعي فيه ريحان وبقدونس وبس

موضوع البذور بصراحة مش فاكر محل بعينه في المنصورة بيبيع بذور لكن ممكن تسألي عند اي حد بيبيع الحاجات دي جافة (الريحان والبقدونس ) زي العطارين مثلا وأعتقد هتلاقيهم كتير وتسأليه انك عايزه تزرعي بقدونس وريحان وهو هيعطيكي بذور علي قد الشيء اللي هتزرعي فيه ورخيصة جدا يعني مثلا 5 جنيه يزرعو كتير جدا لأنها حبوب رفيعه جدا
ولو مش عنده اسأليه تجيبي منين و أعتقد شارع العباسي وأجواره في المنصورة فيهم ناس بتبيع الحاجات دي

ولو في اي خطوة فيه حاجه للمساعده قولي واحنا نرد قدر المستطاع ان شاء الله

**ehab_mansour** · 02-05-2011 04:37 PM

المشاركة الأصلية كتبت بواسطة azmeralda

طيب انا ممكن اجيب من شط ترعة المنصورية عند مجمع المحاكم كده اسهل ماشى؟

بالضبط كده

واى نبات بقى روزمارى او كسبرة او نعناع اسأل العطار وربنا يسهل

كل النباتات دي سهلة و موجودة وتنفع في احواض وكمان ده وقت زراعتها تقريبا

معتقدش فى خالص فى العباسى وايه المنصة دى؟

أسف أقصد المنصورة وعدلتها ..... معلش عشان بكتب بسرعه
معلش ممكن تلفي شوية وتسألي وان شاء الله هتوصلي بسهولة لأن المنصورة فيها كتير ولكن مش عارف محل معين بصراحة
وبالتوفيق ان شاء الله

**azmeralda** · 02-05-2011 04:41 PM

انا قلت فى مكان فى المنصورة اسمه المنصة وانا معرفوش: )

**m3_dolphen** · 02-05-2011 05:14 PM

اهم حاجة تنجح الزراعة الرى الصحيح لأن كثرة الرى تسبب تعفن الجذور وبالتالى موت النبات وقلة الرى تسبب الجفاف

**wesam_salom** · 02-05-2011 05:35 PM

موضوع جميل جدا
عندنا جنينه فى البيت مزروع فيها اشجار فواكه (شجره من كل نوع)خوخ وبرتقال وجوافه وتوت ونخله بس لسه من قريب مطرحش الا الخوخ والعنب وشجرتين رمان بس اللى ربنا طارح فيهم البركه

وباقى الجنينه بابا بيسلى نفسه فيها مزروعه ريحان وورد واشجار زينه وفيه حوضين بنزرعهم اى حاجه
شويه خس وشويه جرجير ومره فول اخضر بس فشل

الميزه الجميله فيه انى بحب اكل الخس وهو طازه يعنى بالسكينه وانزل اجيب وانا مطمن ان مفيش اى مبيدات او اسمده لدرجه اننا بنفكر نشترى قطعه ارض ونزرع فيها كل اللى نحتاجه

**د.أحمد السعيد** · 02-05-2011 08:45 PM

لو على الزراعة فهى شىء جميل جدا و البشمهندس ايهاب قال اللى فيه المفيد
انا عن نفسى غاوى زراعة من صغرى و عندى أرض زراعية فى البلد بباشرها و طبعا زراعتها ( ارز قمح بطيخ لب قطن ..)

لكن عندى فى ا لبيت على السطح كميه كبيرة من الاحواض و الجرادل و البراميل .....
الاحواض بزرع فيها ( جرجير - كزبرة - نعناع .... و جربت البقدونس مرة بس مطلعش كمية كبيرة )

الجرادل ( ياسمين- ورد بلدى - شبر فايد - و فى مرة زرعت كوسه و طلعت بس عايزة تربه عميقة - جزر و العيال عندى بيحبوا كل ما يطلعوا السطح أخلعلهم شوية و يأكلوه )

البراميل ( عنب - رمان جوافة بس لسه بقالهم سنه )

المهم فى الموضوع

*تربة جيدة الصرف !!
*الشمس بتطول الزرع وقت كافى

و فيه حاجات زى الياسمين و الفل مش بتعوز شمس كتير
و فيه حاجات زى النعناع و الجرجير و البقدونس بيحبوا الشمس وقت طويل بس المشكلة فى الحر الشديد لو التربه مش كتير هتنشف و النبات بيدبل

فى الغالب الجرجير و النباتات اللى فيها محتوى مائى كبير ( الخس و البقدونس ) مش بتنجح فى الصيف من شدة الحرارة

و عموما فيه محلات مخصوصة ببيع المبيدات الزراعية و التقاوى بس مش عارف فى المنصورة فين بصراحة !!!

و بتشترى بيييجى 3 جنيه تزرعى بيه 10 مرات مثلا

و هى هواية محببة جدا بس للى غاوى

**azmeralda** · 03-05-2011 10:20 AM

المشاركة الأصلية كتبت بواسطة m3_dolphen

اهم حاجة تنجح الزراعة الرى الصحيح لأن كثرة الرى تسبب تعفن الجذور وبالتالى موت النبات وقلة الرى تسبب الجفاف

وده يتضبط ازاى
انا حسة ان الكلام كله عام لكن ساعة الجد مهم لكل نبات عمق البذور وبعدها عن بعضها ودرجة التعرض للشمس والرى وحاجات كتييير

الموضوع: حد ليه فى الزراعة

LinkBack

أدوات الموضوع

عرض

-

-

-

-

-

-

المواضيع المتشابهه

♨ مساعدة ضرورية لو سمحتم ✿ من مهندسين الزراعة وخبراء النباتات✿ ✿

لخبراء الزراعة .. عايزة شجر كاكاو وكاكا

وزير الزراعة 500 ألف فدان جاهزة لتوزيعها....... حد عارف ايه الحكاية ؟

مبني وزارة الزراعة بالدقي بالقاهرة اروح له ازاي؟

الكلمات الدلالية لهذا الموضوع

المفضلات

المفضلات

ضوابط المشاركة