الموضوع: اروح لمين واقول يامين؟؟؟

السلام عليكم ورحمه الله وبركاته
ياجماعه انا النهارده جاي اطرح موضوع جديد لخبراء متسوبيشي
بدايه الموضوع هو زيت الفتيس ونوعيته وكميته وطريقه التغير وبكام وفين ؟
انا واحد من اصحاب لانسر شارك كويتي كامله هاي لين 2008
عربيتي لما كانت عامله 60الف حبيت اغير زيت الفتيس روحت 12 عبد الخالق ثروت - ت: 25758130
وده مركز معتمد للصيانه الراجل رفع العربيه وفك المصفحه ولقي طبه بمسمار 22 فكها الزيت كله نزل وبعد كده ربطها وحط 5 كيلو زيت باور من نوع موبيل AFT
,وقاس الزيت وكله تمام التمام النهارده وانا معدي على محطه موبيل المعادي وديه فيها مركز صيانه متسوبيشي معتمده بساله لان العربيه دلوقتي عامله 90 الف عايز اغير زيت الفتيس قالي العربيه بنحطلها 8 كيلو زيت طبعا استغربت جدا لكده ازاي مركز يحط 5 ومركز يحط 8 ؟؟؟
طبعا اتصلت بالتوكيل بقول للمهندس ازاي حطيت 5 وهيه 8 قالي دول محطه موبيل بيشتغلو الناس وهيبوظولك الفتيس لو روحت عندهم واقنعني بان الطبه ديه معموله لايه مفيش حاجه اسمها 8 مع ان الكتالوج الخاص بالسياره بيقول غير كده خالص بيقول 7.5 كيلو
السؤال هنا الزيت عندي مضبوط جدا جدا ومفهوش اي نقصان وقسته اكتر من مره ايه الحل في كده ارجو المساعده انا دلوقتي عايز اغير الزيت وبستشير اي حد هنا جزاكم الله كل خير
مع ان عندي لانسر شارك تانيه موديل 2008 بس مانيوال عامله على العداد 520 الف كيلو خمسمائه وعشرون الف كيلو وبغير زيت فتيس عادي كل 100 الف بس المانيوال معروف زيته ايه غير الاوتوماتيك
ساعدونننننننننننني يارجاله
وشكرا لكل من يساهم في اعطاء الردود

اللي سمعته قريب بس مش عارف مدي صحتة ان فعلا الفتيس بياخد 7.5 لتر زيت باور ولكن ال 7.5 لتر دول بياخدهم في حالة تفريغ الزيت بالكامل من الفتيس بجهاز شفط ولكن تغيير الزيت اللي بيتم برا التوكييل مجرد بيفضي الزيت اللي ع الوش بس ودول حوالي 3.5 -4 لتر وبيحط مكانهم والكلام دا غلط طبقا للتوكييل وللامانة الكلام دا قريتو علي احد منتديات الصيانة و انا شخصيا غيرت زيت الفتيس بالطريقة التقليدية لاني من سوهاج و علشان اغير في التوكيل مشواااااااار وانا متابع معاك رأي الخبراء للتاكد