المشاركة الأصلية كتبت بواسطة hossam99
السلام عليكم
أنا وجهة نظري أن العربيتين مينفعش نقارنهم ببعض أبدا لأن المقارنه هاتظلم الساجا في حاجات كتير
سواء السعه اللتريه أو القوه الحصانيه أو الأتساع او سعر قطع الغيار و الخامات و التقفيل و الإنتشار و خلافه
أعتقد العربيتين مختلفتين جذريا
لكن النقطه اللي ترجح الساجا لحضرتك هي الأوتوماتيك لو حضرتك ميفرقش معاك الاوتوماتيك سواء الدنيا زحمه أو مش زحمه توكل علي الله في اللوجان
الساجا مش هتتظلم ولا حاجه ان شاء الله
على فكرة موتورالساجا ( الكام برو ) اقوى من موتور اللوجان بأربعه حصان اللوجان 90 والساجا 94
وكمان الموتور بتاع الساجا 16 صمام اللوجان 8
خامات صالون اللوجان ليست افضل بالدرجة التى تظلم معاها الساجا لان خامات صالون الساجا جيدة الى حد ما
فيها باركينج سينسور وفى منها اتوماتيك بسعر منافس زى ماحضرتك ذكرت
انا مقصدش بكلامى ده ان الساجا احسن او اللوجان عربية وحشة بالعكس فى حاجات تانية بتتفوق فيها اللوجان
منها
استهلاك البنزين والانتشار واسعار بعض قطع الغيار
يوجد بها اربعة زجاج كهرباء الساجا اتنين بس
انا بس حسيت انك ظلمت الساجا شوية بكلامك وان مينفعش تقارنها باللوجان مع انها منافس قوى جدا ليها
واللى يحدد مين العربية الاحسن فى الحالة دى احتياجات المقبل على الشراء وزوقه وايضا طريقة تفكيره
عذرا للإطالة ارجوك تقبل كلامى بصدر رحب
اخوك محمد صلاح
المفضلات