بروتون ساجا اوتوماتيك ام رينو لوجان

**mostgood** · 14-05-2011 01:45 PM

المشاركة الأصلية كتبت بواسطة hesham_tawfiq

العربيتين معايا واقدر اديلك ملخص سريع للفرق بينهم وربنا يوفقك للعربيه الى تريحك وترضيك
اولا وقبل كل شيء العربيتين فعلا احسن الموجود فالفئه السعريه دى ويستاهلوا كل جنيه يندفع فيهم
نيجى بئه للمهم :-)

اللوجان تتفوق فى الاتى :
الوسع الداخلى
مساحة الشنطه
اربع زجاج كهرباء
السحب ( الفرق مش كبير يعنى تقدر تعتبره فرق السحب بين المانيوال والاوتوماتيك )
قوة الفرامل
الساجا تتفوق فى الاتى :

ابعاد العربيه اوضح للى سايق يعنى تحس انها ملمومه عن اللوجان
الفتيس الاوتوماتيك طبعا لاغنى عنه لزحمة القاهره
حساس الركنه الخلفى
نظام صوتى افضل
مستوى تقفيل داخلى وفرش افضل

بالنسبه للارتفاع عن الارض والثبات على السرعات الاتنين كويسين جدا وان كانت اللوجان اعلى عن الارض بفرق واضح لكنه لايؤثر على الثبات بسبب عرض العربيه ووزنها

استهلاك البنزين افضل جدا فى اللوجان عن الساجا ودا عيب رئيسى فيها للاسف لانها 1300 سى سى وبتستهلك نفس معدلات البنزين الى فاللوجان

العفشه فى الاتنين كويسه

وفالاخر ربنا يوفقك :-)

سؤال لحدرتك مهم بالنسبة ليا مين فيهم امتع فى السواقة والنعمومة ؟ بمعنى انى راكب بونتو وعايز اركب سيدان لما سوقت اللوجان بتاعت صاحبي حسيت انى راكب عربية قديمة او بمعنى تاني عربية خشنة قوي فتجربت حدرتك اية ياترى ؟؟؟؟؟

**yaseenmohamed** · 14-05-2011 07:11 PM

باشا.....أنا حعلق بس علي حته ان الساجا حتتظلم في حته القوه الحصانيه؟؟؟؟؟؟؟؟؟؟؟؟؟؟؟؟؟ ؟؟؟؟
ساجا 1300 سي سي بتدي 94 حصان...........اللوجان 1600 سي سي بتدي 90 حصان
ولا تعليق

**yaseenmohamed** · 14-05-2011 07:15 PM

علي فكره يا جماعه اليومين دول الساجا الاوتوماتك موديل 2011 عندنا في معارض السويس وصلت 78 / 79 الف جنيه

**mememsaid** · 18-05-2011 02:08 PM

المشاركة الأصلية كتبت بواسطة hesham_tawfiq

بص يافندم اللوجان معايا من 3 سنين وعامله 55 الف كيلو بتعمل حوالى 550 كيلو لكل تفويله يعنى تقريبا اللتر بيمشينى 11-12 كيلو

الساجا لسه مش قادر احكم بالظبط لانى مستلمها من 3 اسابيع وعامله 500 كيلو تقريبا انما المسافه دى انا عاملها ب 60 لتر تقريبا يعنى 8 كيلو لكل لتر انما دا طبعا مش معدل مظبوط لان الماتور لسه ما اتلينش اوى
عموما انا حاطط المعدل فى دماغى وهواليك بالتغيير :-)

الساجا بعد صيانه ال5000 هتعمل في حدود اللتر 9 كيلو تقريبا وسط البلد وخارج البلد ممكن تعمل اللتر 12 كيلو

**د_محمد مدبولي** · 18-05-2011 06:07 PM

انا بس ليا تعليق بسيط انب لما شفت اللوجان اول مرة حسيت انها عربية قديمة من ( 8 صباب - تنزل سيادتك تفتح بوابة البنزين بالمفتاح - كالون العربية في الصاج مباشرة )

**hesham_tawfiq** · 19-05-2011 12:26 AM

تمام ومحدش قال غير كده
اللوجان فعلا موتورها قديم ( عمره حوالى 12-13 سنه ) وتصميمها خصوصا الداخلى تحس انو فقير ومفهوش اى فن ودا مقصود لان فلسفة رينو فى تصميم اللوجان كان تبسيطها لاقصى درجه داخليا وخارجيا لتوفير تكاليف التصنيع والوصول لسياره عائليه فى حدود 5000 يويو ( الكلام دا من تحقيق صحفى فى النيوز ويك من 6 سنين عن الرينو لوجان بالذات )
نرجع لموضوعنا
الوجان فعلا داخليا مش مريحه انما واسعه بحر
الساجا نسبيا العكس وان كان ضيق مساحتها بالنسبه للوجان مش مشكله ومش ملحوظ
يعنى انا لو حبيت احس بالبراح وسحب المانيوال بسوق الوجان ولو نازل فى زحمه وسط البلد بسوق الساجا :-)

**mahmoud18** · 19-05-2011 09:50 AM

هو تانك اللوجان 55 ولا 50 لتر؟
تانك الساجا 40

**hesham_tawfiq** · 19-05-2011 10:22 AM

50 لتر

**nour_nrc** · 20-05-2011 08:18 PM

المشاركة الأصلية كتبت بواسطة hesham_tawfiq

50 لتر

تنك اللوجان لحد الزور بيشيل 60 لتر

**harizy** · 20-05-2011 11:20 PM

المشاركة الأصلية كتبت بواسطة wassim_nasser

انا برضه كان عندي نفس الحيره بين العربيتين وقعدت ارغي مع اخونا محمد سعيد هنا فى قسم بروتون لحد ما ورمتله دماغه (سلامات يابو سعيد) ورسينا في الأخر علي مربط الفرس ألا و هو خدمات مابعد البيع يعنى التوكيل والصيانة .. لو حضرتك هاتعيش في القاهرة أو الاسكندرية أو أي مكان قريب من مركز صيانة اتوكل و هات الساجا لأنها تكسب في حته الأوتوماتك .. أما لو كنت صعيدي زي حالاتي أو هاتعيش في مكان مافهوش مركز صيانة يبقي اللوجان بدون تفكير .. وفي الحالتين الصفقة كسبانة لأن العربيتين يستاهلوا كل قرش يتدفع فيهم

الراجل ده بيتكلم صح الصح