الموضوع: هل تكييف السويفت بيسقع كويس ؟

السلام عليكم /
أنا شحنت تكييف السويفت وبعدين مبحسش بيه لو الشمس طالعة والجو حر فمش عارف العيب فى ايه ؟
وبعدين كل الناس بيقولو ان السويفت عربية قديمة ومش هايكون تكييفها زى العربيات الحديثة وهو تكيفها ضعيف
ورحت لواحد قالى ممكن افك لك التلاجو وانظفها والباقي الى جاى دا اقتبسته من موضوع تانى لانى مستعجل الوقتى علشان هاتحس الكام مش ماشى مع بعضه معلشي بس أرجو الرد لو سمحتم وأيه أفضل حاجة أعملها
لأ مفكش الثلاجة هو شحن علطول وبعدين سيبته لما زهقت ورحت لواحد تانى الناس قالو انو كويس
المهم قالى ان الفيريون الى انت حاطة دا مش مزبوط ( يعني بيقول ريحته فيها زى مايكون ريحة غاز ) المهم قلت له اشحنها تانى قالى بس قبل ماتشحن التكييف مش هايكون زى العربيات الجديدة يعني مش هايبقي قوى علشان تبقي واخد باللك
قلت له طيب ممكن ايه يتعمل علشان يكون تكييفها كويس قالى انك هاتحتاج تغير الكمبروسور بواحد تانى بينزل فى السوزوكى الى فيها الدريكسيون يمين بيتحط له فيريون 134 بتاع العربيات الجديدة وهايزبط معاك فقلت له هاتتكلف كام قالى هاتغير الكمبروسور بس بواحد من التانى دا بحوالى 120 جنية وتشحن بس
فبعتنى عند واحد على أساس أعمل الموضوع دا قالى انت الكمبروسور بتاعك 12 وممكن تغير حاجة بس جواه بحوالى 70 جنية وأنظف لك التلاجة وتحط له فيريون 134 وهايبقي تمام فلو حضرتك عندك فكره عن الموضوع دا تنصحنى بأيه أنا محتار والله
وهل فعلا السوزوكى تكييفه ضعيف ولا الموضوع ايه بالظبط ؟؟؟؟ أرجو الرد
وعلى فكره أنا من المنصورة لو حد قريب ممكن أجيله لو عارف واحد كويس يزبط لى الموضوع دا

المشاركة الأصلية كتبت بواسطة fire333works

السلام عليكم
بص يا فندم أنا كان معايا سوزكي سويفت موديل 98 قعدت معايا 4 سنوات و كنت أنا تاني يد ليها و التكييف بتاعها بيلت إن ((يعني بتاعها مش متركب )) و عملت البدع مع العربية دي عشان تكييفها يبقى محترم لكن للأسف مفيش أي حاجة كل المشاكل اللي بتقول عليها دي مشهورة بيها السويفت ((تكييف حلو بس باليل و يا سلام لو على طريق سريع غير كده ولا له أي لازمة وبيتعب العربية و تبقى بتفرفر منك ))
عاوز نصيحة أخ لف على الموضوع ده كبر دماغك منه

السلام عليكم
سؤال
انا جديد ف السواقه معروض عليا سويفت 98
العربيه دى حلوة؟ قطع غيارها معقوله؟ هل من السهل بيعها؟ تساوى كام لو الحاله معقوله؟