هل البنك المركزى بيبيع سبايك ذهب

**mohamed** · 02-05-2011 10:57 PM

يا ريت لو حد يعرف حاجة عن الموضوع ده يفيدنى الواحد نفسه يشترى السبايك دى ويشيل فلوسة بالطريقة دى بدل البنوك . يا ريت لو كلام شراء السبايك من البنك المركزى ده صحيح حد يقولى تفاصيله

**Ducati** · 02-05-2011 11:16 PM

حتاكدلك من الموضوع ده

بس لو ناوي تشلها في البيت منصحكش خصوصا لو عندك خدامه في البيت حتوصي اهلها ويقوموا بالواجب

ويشلولك هماا لدهب عندهم ههههههههههههه

انما لو ناوي تشتريها وتحطها في خزنة في البنك فا ممكن لو انت خايف مثلا من تقلب سعر الجنيه او الدولار او اليورو

وفعلا ميزة الدهب انه سعره يعتبر ثابت نوعا ما وبيرتفع احيانا

بس لو عايز راي فعلا اشتري قطعة ارض او عقار او شقة

**أبو_يوسف** · 03-05-2011 10:24 AM

ممكن تشتريها من الصاغة..
سبائك أو جنيهات..

**mohamed** · 03-05-2011 10:52 AM

شكرا لسرعة الرد ويا ريت يا ا/ دوكاتى تتاكدلى من الموضوع .
و يا ا/ تم تم اصل اللى قالى على موضوع البنك المركزى ده قالى ان السبايك وكده مبيخدوش عليها مصنعية بعكس الصاغة ولا ايه؟؟؟
برجاء الافادة

**أبو_يوسف** · 03-05-2011 11:21 AM

المشاركة الأصلية كتبت بواسطة mohamed

شكرا لسرعة الرد ويا ريت يا ا/ دوكاتى تتاكدلى من الموضوع .
و يا ا/ تم تم اصل اللى قالى على موضوع البنك المركزى ده قالى ان السبايك وكده مبيخدوش عليها مصنعية بعكس الصاغة ولا ايه؟؟؟
برجاء الافادة

هو انا اول مرة اعرف ان البنك بيبيع سبائك ذهب..
بس السبائك والجنيهات في الصاغة مش عليها مصنعية..
الجنيه ممكن يبقى سعره في زيادة حوالي 80 ج فقط .. متهيألي السبائك برضه هاتلاقي زيادة بسيطة .. وانت والفصال بقى..