الموضوع: لاعضاء نيسان نايل فقط ..الاكسسورات الجديدة وعروض خاصة للصقور من التوكيل

المشاركة الأصلية كتبت بواسطة د.محمود صلاح

الله ينور عليك .. عروض قمة في الروعة بصراحة .

الله يخليك يا دكتور , وشاكر تقديرك

المشاركة الأصلية كتبت بواسطة mohamednagib

الله عليك يا كبييييييير ......

شغلك جامد جدا ... دا انت جبت تارجت السنة الجاية كله ...

يعني لو قعدت حطيت رجل على رجل ... برده هتاخد .. اكتر شخصية فعالة في قسم النيسان .... للسنة التانية على التوازي ....

ربنا يبارك لك و يكرمك ... و يديك على قد نيتك ... ( انا عارف اكيد ان نيتك صافية زي اللبن الحليب )

ربنا ما يحرم النيسانوية من مجهوداتك و من كرمك علينا

يا حبى تسلم على تقديرك الغالى ده يا محمد , ربنا يخليك ليه وميحرمناش من وجودك معانا
وانت من الشخصيات الفعالة المحترمة , وبنتشرف بوجودك معانا يا محمد والله

المشاركة الأصلية كتبت بواسطة ali_abo_amr

مش عارف اقولك ايه غير .... جزاكم الله خيرا

تسلم يا علوة , وجهز نفسك عشان حنتقابل قريب يا نجم النجوم وحشوفك يا حبى

المشاركة الأصلية كتبت بواسطة e_amrawad

جزاك الله خيراً

سؤال بسيط هو سعر كفر المرايا يشمل الدهان بلون السيارة ولا هو متوافر بكل الالوان ؟

كفر المرايا السعر شامل التركيب والرش وكل حاجة , بيترش بلون العربية , وبيدخل فرن كمان , ورش محترم
وانا عربيتى التيدا مركبه
بس حقيقى بيغير شكل العربية تماما , وشيك جدا

المشاركة الأصلية كتبت بواسطة zezomac

جزاك الله خيرا على المجهود الرائع
انت حقا زغيم النساويه كلهم
وعقبالى لما احجز العربية نفسها بعد تغيير الأسعار اللى مش عارف اخرته ايه

الله يخليك يافندم وشاكر تقديرك ,وباذن الله تكون واحد من اسرة الصقور , وباذن الله تجيب الصنى وتكون معانا
وتجيب الكفر بعد كدا باللون اللى انت عايزه باذن الله

المشاركة الأصلية كتبت بواسطة damasry

الله ينور يا احمد باشا والله انا مش معايا نيسان بس بحسد الصقور على مجهوداتك ونشاطك الطيب

تسلم يا محمد على شعورك الطيب ده , وياسيدى لو مش معاك نيسان نجبلك نيسان
وتحت امرك وامر الاعضاء كلهم
وشاكر تقديرك يا صديقى

المشاركة الأصلية كتبت بواسطة tarekmomo

احمد باشا والله احنا تعبينك معانا
انا كنت عايزاستفسر عن المرايا الى فيها اشارات هما بيبقو كفرين ولا مرايتين كاملين وهل هما ضم كهرباء ولا عااادى وطبعا بيبقو اتنين وهل هما بيبقو لون السيارة

هما كفرين وليسوا مرايات ضم , والكفرين دول فيهم اشارات بمض ليدات بيركبوا على المرايات الاصلية , وبيترشوا بلون العربية بتعتك

المشاركة الأصلية كتبت بواسطة mohamedbook

تسلم ياحمد وجزاك الله كل خير
مفيش عرض وعلية عرض ههدية
انا عايز الهديه

يامحمد انت هديتنا بجد , بروحك ومحبتك وشخصيتك اللى نادرة فى الزمن ده يا حبى

المشاركة الأصلية كتبت بواسطة atefadel

مجهود رائع
انا كنت عاوز اركب الكفر بتاع المرايات والوحدة الي نتخلي المرايات تقفل اتوماتيك مع سنتر العربية
طبعا هي سوبر صالون ممكن يبقو بكام

بص فى الاول بس خالينا نحكى ونفصل الكلام عشان واضح ان الناس فاهمة غلط

دول كفرين اتنين , واحد بيتركب على المرايا اللى موجودة فى اليمين , والتانى بيركب على المرايا الشمال

الكفرات دى كل كفر فيهم بيترش لون السيارة ,وكمان فيهم اشارات جانبية فيها لمض ليدات

بخصوص المرايا العادية اللى فى العربية الex اللى قبل كدا سالنى حتى عليها حسين انه عاوز يركب عليها وحدة غلق , مينفعش

لكن فى السوبر صالون ممكن يركب وحدة غلق مع كونتكت العربية اللى حضرتك عاوز تركبها فى السوبر صالون

وتمنها 220 جنيه

وممكن اجيب لحضرتك خصم فيها ممكن يكون فى حدود 40 جنيه زى ما جبتها لبيشوى

انوى بس وانا اروح مع حضرتك هناك ونظبط الدنيا

بس ابعدوا عن يوم السبت نهائى فى اى توكيل عشان الزحمة والضغط

تحياتى