الموضوع: باركولي باركولي

المشاركة الأصلية كتبت بواسطة abouleila

يعنى بالمصرى تقريبا 78000 الف ج

تقريبا نفس المواصفات هنا فى مصر خليجى سعودى تعمل 110000 الف ج

يعنى فرق حوالى 32000 الف ج

هنقول هيدفع جمرك عليها كام مثلا 20000 الف مثلا يعنى

يعنى التاجر بيكسب 12000 فى العربية

احسبوها بقى مرة تانيه للوكيل هتكون واقفه عليه بكام !!!

وموش عاوزين الثورة تقوم ....لنا الله

ياباشا انت كمان حسبت بعد ربح التاجر الخليجي
ياعني سعرها 78 الف بعد ربح التاجر الخليجي
صافر الربح للتاجر المصري 12 الف + ربح التاجر الخليجي

المشاركة الأصلية كتبت بواسطة mzeid

ألف مبروك
و ربنا يبارك لك فيها و يعطيك خيرها و يكفيك شرها بإذنه تعالى

امين يا رب ومتشكر ليك اوي

المشاركة الأصلية كتبت بواسطة shod90

الف الف الف مبروك يا كبير
وربنا يديك خيرها ويكفيك شرها :))))

امين يا رب ومتشكر ليك اوي

المشاركة الأصلية كتبت بواسطة yasserelsayad

الف الف مبروك يا معلم
وربنا يبارك لك فيها ويحميها من العين

اللهم امين .. الف شكر ليك

بس في حاجه يا جماعة
الوكيل هنا قالي اول صيانه ليك بعد 5000 كيلو
هو مش في صيانه عند الـ 1000 كيلو ولا انا بيتهيقلي ؟

المشاركة الأصلية كتبت بواسطة msco

الف مبرووووووك يباشا وربنا يديك خيرها ويكفيك شرها وشر العيييييييييييين

انا سبقتك من شهر ونص ونفس المواصفات ومعايا لون فضي ... بس جايبها ب 50.500 ريال بعد خصم مدير المنطقة نفسه

وفعلا فى الدمام بتبقى ارخص بحاجات بسيطة

والفاتورة لما يدوهالك هتلاقي مكتوب ان السعر 13000 دولار امريكي

بالنسبة للصيانة فهي فعلا بعد5000 كيلو وهتلاقي قدامك ملزوق ورقة على الازاز 5000 ك / 6 شهور

وخد بالك ان اول صيانة مجانية

المهم متنساش تسجلها فى السفارة قبل شهر 10 عشان يبدأ يحسبلك ال 5% بتاعت الجمارك لمدة اربع سنين بس طبعا

هتصدق الفاتورة وشهادة المنشأ من الغرفة التجارية ومن الخارجية وتروح السفارة .. انا صدقتهم بس لسة مرحتش السفارة


اهمممم حااااجة خد بالك من البنزين اياك تحط من المحطات اللى بتدي ميه ومناديل حرامية وانا حسبتها قبل كده كذا مرة بياخد حق ازازة المية وفوقيها ريال زيادة ولا عبين فى المعايير والله اعلم يمكن بيخلطوه بجاز ولا بحاجة تانية

انضف محطة جربتها هي ( نفط ) نضيفة جدااااااااا انصحك بيها

وابعد عن الكيك داون الوقتى انا شفتك بتسأل عليه ومتعديش ال 90 ك /س .. وسيبها تلين اول الف كيلو براحتها كده

وشيك على ضغط الهوا فى الكفرات عشان احيانا مش بيبقى مظيوط هو المفروض 32 بس انا عاملة 35 ( نصيحة واحد ليا عشان البلالين )


ومتنساش الاذكار بقى قبل ما تركب وربنا يكفيك شرها ويحفظك من كل سوء

الله يبارك فيك ويخليك
انا جايب العربيه بالقسط بس الفاتورة طالعه باسمي ان شاء الله هصدقها واروح السفارة في الرياض
بالنسبه للبنزين هنا البنزين كويس وقصه المناديل والميه دي مش موجوده عندنا خالص
الكيك داون لا خالص مش هعمله انا لسه معملت 100 كيلو حتي
ضغط الهوا شيكت عليه وظبطه علي 30 ولو انت متاكد ان 35 بيحافظ علي الكفرات من البلالين قولي عشان اعمل زيك
بالنسبه للاذكار بقي انا عامل اللي عليا والحافظ ربنا

المشاركة الأصلية كتبت بواسطة msco

لاء تلاتين قليل اوى هو على الباب 32 .. بس انا بعد ما طلعلى بالونة ربنا يكفيك الشر كذا واحد نصحونى انى ازود ضغط الهوا .. لان الهوا اصلا فى الكفر ال ( low profile ) دة بيبقى قليل فلا سمح الله لما بتنزل فى حفرة الجنط الحديد بيقرص على الكاوتش ودة نتيجة قلة الهواء

لكن لو زودت الهوا هتقل فرصة تلامس الجنط الحديد مع الكاوتش ودة ناس كتير قالوهالى كنصيحة وانا زي حالاتك مش خبير

لدرجة ان ناس قالت خلية 40 بس انا قولت اوسطنها ما بين ال 32 وما بين الاربعين وخصوصا ان الحر هنا صعب فعملتها على 35

وطبعا لو الكلام في حاجة غلط نستني رأي الخبراء

وبالمناسبة عشان متقلقش هتسمع صوت كده بعض الاحيان زي ( ررررررررررررررررر ) اول لما تيجي تطلع بالعربية ودة انا سالت عليه في المنتدى هنا

وقالولى ان دة بسبب ان سير الكاتينة جنزير وليس كاوتش .. طبعا مفهمتش :d

بس تأقلمت مع الصوت بعد كده

اه فعلا انا بسمع الصوت ده لما اكون ماشي وجنبي بيت او حيطة الصوت بيخبط في الحيطه ويردلي فبسمعه

لا اللي بسمعه دلوقت ومش عارف ده ايه اصوات غريبه لما اجي احود الدركسيون وانا واقف لكن وانا ماشي مفيش اي حاجه زي الفل . اصوات ايه دي ؟؟