الف شكر على الرد والاهتمام
عرض للطباعة
انا لسة منضف الراديتر بجهاز فمحطة موبيل اللى على الكورنيش عند المعصرة ب 25 جنيه
وحطيت 3 ازايز اللى هي خضرا مش فاكر اسمها للتبريد طبعا غير جركن مية خضرا
ورأيك فيهم أيه؟؟ هل فعلا غسل الدورة بالكامل ؟
هل نظف القربة ؟ يعني دلوقتي تقدر تشوف مستوي المياة داخل القربة من غير لما تفتح الغطاء
أرجو الأفادة لأني هخبط مشوار محترم من الهرم للمعصرة؟
اعتقد المحطة دي الي بعد المرسي بتاع المعصرة صح كدة ؟ متهيألي قبل شركة التليفونات والمعدية صح ولا في واحدة تانية ؟؟؟؟
سلام عليكم يا جماعة
دلوقتى انا معايا سكودا اوكتافيا a5 موديل 2007 وماشية 70 الف والعربية من يوم ما طلعت من التوكيل لغاية دلوقتى عمرى ما غيرت مياة الرداتير او دورة التبريد وطبعا لما عرفت انه المفروض تتغير كل سنتين نويت انى اغيرها ان شاء الله
فايه افضل مكان لتغيرها وهل لو ودتها التوكيل بتاع اسكودا فرع الاسكندرية هيعملوا المهمة ديه على اكمل وجه ولا فى امكان تكون افضل من التوكيل سواء فى اسكندرية او القاهرة
وشكرا
السلام عليكم
1/ تشوف الكتالوج تركيز ميه التبريد كام و المرجح انها 50 %
2/تسال فى التوكيل بتاع الاسكندريه عن
ا/ امكانيه غسيل دوره التبريد
ب/لو الاجابه بنعم نسال عن نوع ميه التبريد اللى بيحطوها
ج/ لو موش الاصليه نسال عن الماركه و التركيز
د/ السكودا دوره التبريد بتاعتها بتسخن فى الحر شويه علشان كده لازم كله يكون حسب الكتالوج و اكتر.
3/ لو مكنش اللى سبق يبقى تحاول تسال عن حد كويس و كفؤ لهذا العمل بالاسكندريه
4/ لو مكنش لما تنزل مصر ان شاء الله اتشرف بحضرتك و نعمل اللازم
تحياتى
طيب سؤال ياجلجل بك العربية عندي بجيبلها مياه حمراء مركزة hepu هيبو الماني وهي لتر ونصف وقول مثلا انا دورة التبريد عندي 5ل6 لتر يبقي هزود الباقي مياه مقطرة ولا ايه؟
يا استاذ جلال بعد اذنك عندى كام سؤال فياريت تتحملنى شوية لانى لسه جديد فى موضوع العربيات انا اشتريت النترا 2009 خليجة فول اوبشن عاملة 90000 كيلو وكل علمى عن مياه تبريد المحرك ان هى مياه خضرا واشتريت وجركن من البنزيمة ب 35 جم وقالوا ان ده نوع اسبانى وكل معلومات ان كل فترة اشوف المياه فى القربة نقصت ولا لا لو ناقصة بزود شوية انا طمعان فى كرمك وتقوللى ده صح ولا لا وايه المفروض اعمله وعند مين بالتفصيل لان انا شاري العربية مستعملة ومعرفش اى شيء عن صيانة صاحبها من قبل انا من محافظة المنيا ومافيش حد هنا يفهم فى الحاجات دى وبنزل القاهرة كل فترة اسف على الاطالة والف شكررررررررررررررررررررررر ررررررررررررررررررررررررر رررررررررررررررررر لحضرتك