الاخ maka - ا / سويت هار ت
السلام عليكم
و صباح الخير
انا تحت امرك و امر جميع اعضاء المنتدى المحترمين
نبتدى الاول بالرد على استفسار حضرتك ينفع الرادياتير الفبر لل 127 و الا لا ؟
1 - الحقيقه انه ينفع حتى لو كان 2 ماسوره موش 3 ماسوره و فى منه الفاليو الايطالى او التايوانى ( الفاليو بتصنع فى اكتر من بلد ) و ان شاء الله تلاقيه عند الكيلانى شارع شامبيليون ( 25756115 / 25799069 / 25758439 ) او فيات 2000 او حتى مستعمل من الحرفيين او عزبه شلبى .
2 - و متنساش الاصلى اللى كان بينزل مع العربيه كان فبر مواسير مدوره موش مبططه ( 2 ماسوره ) و كان شعال لمده 4 / 5 سنين زى الفل .
3 - ان شاء الله اذا وفقت فيه ركبه و امشى على خطوات الموضوع اللى كتبته قبل كده و بأذن الله مشكله الحراة محلوله .( متنساش المروحه المبططه 8 او 10 ريشه مع كتاوت 30 امبير محترم برضه ) و هتلاقى العربيه ماشيه زى السكينه فى حته الحيلاوه.
اما بخصوص التكييف :-
ركبته فى 127 و برضه فى بيتل 76 من 12 سنه و كان اعجوبه بس خلينى اوضح لك بعض المعلومات :-
1 - اى موتور بيركب عليه كباس تكييف بشرط تبقى عارف خرج الموتور كام حصان علشان تحط حجم كباس مناسب ميحملش على الموتور و فى نفس الوقت ميبقاش صغير ميدكش تبريد كويس .
2 - يجب الاخذ فى الاعتبار ان مروحه الكويل هتبقى متثبته تحت شوية ودى ممكن تخلى اللى قاهد جنبك موش مرتاح اوى . بس ممكن نشوف انوع اصغر حجما بنفس الكفاءه او انواع جديده تركب على التابلوه من فوق .
3 - هيتم بعض التعديلات فى وش العربيه علشان نركب السربنتينه فى وش العربيه قبل الرادياتير.
4 - طبعا لان من الموصلات الجيده للحراره و هو الزجاج - انصح بتركيب فيميه معدنى عاكس ماركه لومار ( الوكيل فى جسر السويس ) علشان مسطح الزجاج الخلفى كبير و بيدخل حراره كثيره .
5 - العربيه هتوقف 5 ايام الى 6 ايام لعمل القواعد تصنيع المواسير اللالومينيوم او الكاوتش و اعمال الكهرباء.
6 - موش عارف التكلفه كام دلوقتى و المرجح انها فىحدود 2700 الى 3000 نظرا للتعديلات الكتيره و التفاصيل الهندسيه اللى بتؤخذ فى الاعتبار( الشغل الصح )
7 - اذا قررت متنساش تشيك على العربيه و المحرك و الدينامو علشان باحب الحاجه تتعمل و تاخد عمرها يعنى لو فيه ترشيح جوانات او كاتينه و الاهم طلمبه الميه - يعنى لازم الكل بيعمل بكفاءه علشان المحصله النهائيه تعمل صح الصح
اسف طولت عليك بس حبيت اوضح لك الصوره كامله
دمتم بود
اشكرك على الرد الوافى
بارك الله فيك و جزاك كل خير
المفضلات