رد مع اقتباس
ممتااااااز
جدا
ده معناه ان كيا فعلا أصبحت في يد أمينة
الف مبروك على الصيانة
بس أنا زعلت ان البطاريات رخصت (لسة شاري واحدة من أسبوع AC Delco ب 500 بندق)
النتائج 1 إلى 10 من 24
الموضوع: *كيا بيكانتو* صيانة ال40000 * Eit
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
*كيا بيكانتو* صيانة ال40000 * Eit -
انشر الموضوع فى : hasad">أول ما استلمت العربية كانت عاملة 35000 كم و قررت انها أول ما تتم ال40000 هوديها التوكيل يعمل كل المطلوب ....بس عند ال38000 قلت أروح و خلاص....
كنت قاريت الاعلان في أهرام الجمعة من شهر كده عن التوكيل بتاع محمد نصير EIT اللي في أبو رواش...و قررت ان هو ده اللي هاروحه...و فعلا روحت و كانت اول مرة أروح أبو رواش و تهنا توهة محترمة لأنه في اخر أبو رواش خااالص:o
دخلنا و من حسن حظنا انه كان فاضي تماما مكانش فيه غيرنا واقفين بالعربية....جه مهندس الاستقبال و قلنالوه عايزين نعمل صيانة ال40000 و قلتله علي شوية ملحظات في العربية و كتبها في الجوب...و قال ان صيانة ال40000 هتكلف 750 جنية و بالحاجات اللي انتم طالبنها ممكن توصل ل1000...و هتاخد 3 ساعات شغل...قلنا اشتغل يا باشمهندس...
دخلنا الأول اتفرجنا في صالة العرض و شوفنا البيكانتو الجديدة...الشيئ اللي عجابني قوي فيها هو اللون الاسود عشان كان بيلمع بطريقة غريبة عكس عندي خالص...لأن اللون عندي بقي بهتان و مش منور كده...بس ده الطبيعي في شوارع مصر:)
نزلنل بعد كده علي قاعة الانتظار...واسعة و فيها شاشة كبيرة و فيلم علي روتانا:D....و جميع انواع مجلات السيارات ...قعادنا شوية و شربنا الشاي...و نده علينا المهندس قالنا لاقينا انها محتاجة طنابير و تيل أمامي (التيل أنا عارف انه محتاج تغيير لكن الطنابير كانت كويسة) و محتاجة بطارية كمان (كانت كويسة برده من يوم ما خدت العربية بس شكلها كان يقرف و مملحة)
و بما ان والدي كان معايا(الفلوس يعني:D) قاله غير الطنابير و التيل بس خلي البطارية احنا هانغيرها و قالنا اه بلاش عندنا عشان ب 750:D:D
بعدها بساعة بالظبط نده علينا تاني و قالنا خلاص العربية جاهزة..(و فعلا قعدت 3 ساعات بالظبط زي ما قال)
لاقينا العربية مغسولة و الموتور و العفشة مغسولين و زي الفل مع اني ماطلبتش...و قالي غيرنالك كام حاجة قولتله فعلا انا كنت نسيت أقولك عليهم(لمض و فلتر التكيف).....و بيدوك كل حاجة قديمة اتغيرت في العربية
و جاء وقت الحسااااب...اليكم قائمة باسعار قطع الغيار و الصيانة اللي دفعتها:
عدد 2 طنبورة أمامي 410
تيل أمامي 201
فلتر بنزين 65
فلتر زيت 25
فلتر هواء 25
عدد 4 بوجيهات 60
فلتر تكيف 80
زيت شل هيليكس ألترا 205
زيت فرامل 11
زيت فتيس 35
مبرد رادياتير شل 38
لمبة أمامية 60
لمبة شبورة امامية 29
(الأسعار غير شاملة ضريبة المبيعات)
تكلفة مصنعية صيانة ال40000: 137
حل و تركيب عدد 2طنبورة مع تيل الفرامل: 82
أعمال ميكانيكا: 27
المجموع شامل ضريبة المبيعات: 1652
طبعا الاسعار عالية بس مش في كل حاجة...بس أحنا كنا مقررين ان هنوديها المرة دي بس عشان نبقي متطمنين 100100 من العربية....
بس الناس محترمة جدا و مش مهملين و كنت سايب حاجات غالية في العربية و باينة (موابيل لسة في علبتة و سماعة بلوتوث) و محدش قرب منهم...
و احنا ماشيين جيت ادور ما كانتش عيزة تدور... هيه أصلا عمرها معملت معايا كده...قولت اكيد بوظوا حاجة او المية بوظت حاجة جوة الموتور.....ندهت المهندس و قالي يا فندم البطارية و انا الفار بيلعب في عبي و قعد يحلف و انا مش مقتنع برده...فا قالي طب استني...و راح جاب عامل معاه تونجر و ربطة في البطارية و راحت دايرة
...شكلي كان وحش طبعا بس ارتحت:)
بالنسبة للعربية بعد الصيانة اكتشفت ان مكنتش المفروض ابقي مبسوط بيها قبل الصيانة:D...رغم انها كانت زي الفل و مابشتكيش من اي حاجة...بس السحب و صوت العفشة اختلفوا تماما و التكيف اكتر حاجة بسطاني...بقي رهييييييب علي 1 و ببقي هاتلج و اول ما أطلع علطول مابيخدش وقت يسقع
روحت بعد كده علي بتاع البطاريات بتاعنا و شافها قالي دي جايبة ربع...قلتله ارمي و هات جديد قالي الجافة AC Delco ب 330 ...و السائلة ب 270 و القديمة بيخدها ب30 جنيه...هات الDelco يا عم....و ركب و دارت زي الفل :).....و علي فكرة اسعار البطاريات نزلت تاني و بقت شبه طبيعية
ديه تقريبا كل حاجةعملتها اليوم ده...اينعم صرفت كتير بس كده العربية امنة تماما و يتسافر بيها مستريح من غير مشاكل ان شاء الله..
____
اللي عنده أي استفسار انا جاهز
يارب اكون افدتكم و وضحت حاجات كانت مبهمة
-
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
-
-
رقم العضوية : 6764
تاريخ التسجيل : 02Mar2008
المشاركات : 690
النوع : ذكر
الاقامة : زهراء ابو غزالة-القاهرة
السيارة: كيا سيفيا اا
السيارة[2]: لانسر بوما
الحالة :
-
هايل يا استاذ نادر...بص انا لسه من يومين جايب عربية نسخة من اللى معاك بس 2004 عامله33 الف كم ...ياريت تقولى ايه المطلوب اعمله كصيانة..هى الحاجه الوحيدة اللى قالولى ساعه الكشف انها حتتعمل اويسيل الكرنك و ده كان مسرب ووقف تسريب بس لازم يتغير..لكن غير كده مش عارف اعمل ايه...ليا سؤال..هو الباور ستيرنج بتاع العربية دى فعلا خفيف اوى اوى كده ولا انا اللى عندى مشكلة معلش انا كنت راكب 3 عربيات باور قبل كده ملقتش حاجه بالمنظر ده
لا إله إلا انت سبحانك إنى كنت من الظالمين
-
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
-
أول ما تتم ال 35 روح اعمل صيانة ال 35000 و ديه عبارة عن الكشف علي جميع أجزاء العربية و تربيط و تغيير ما يلزم و هايقولك محتاجة ايه و هيعملو الاويل سيل ده كمان....
الباور فعلا خفيف جدا...أنا عندي رغم ان فيه جنوط عريضة الا انه خفيف جدا في المناورات...و بيثيت علي السرعات...مبيلعبش خالص...و أي استفسار انا تحت أمرك
-
رقم العضوية : 6764
تاريخ التسجيل : 02Mar2008
المشاركات : 690
النوع : ذكر
الاقامة : زهراء ابو غزالة-القاهرة
السيارة: كيا سيفيا اا
السيارة[2]: لانسر بوما
الحالة :
-
شكرا على ردك..انا حروح ان شاء الله و عالله ميطلعش فى حاجه تانية مستخبية..وكويس ان موضوع الباور ده بيثبت على السرعات لانه كان حيبقى مشكلة.
لا إله إلا انت سبحانك إنى كنت من الظالمين
-
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
-
مبروك الصيانة يا نادر وعقبال صيانة ال 400 الف
انت هاتقولي على نصير
ناس زي الفل وفاهمين شغلهم جدا
الاسعار مش غالية
بس لكل حاجة لوحدها وانت تعرف
بس المشكلة انت عملت صيانة ال 40
ومعروف ان صيانة ال 40 و 80 بيبقي فيهم تغيير حاجات كتير
وكمان طنابير
واضح ان اللي قبلك سواقتة وحشة
ربنا يباركلك فيها
ورح للتوكيل كل 10 او 20 الف
جروب ورشة نايل موتورز علي الفيس بوك
صفحة ورشة نايل موتورز على الفيس بوك
-
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
-
المشاركة الأصلية كتبت بواسطة karim_monir
الله يبارك فيك يا كريم:)
علي فكرة الطنابير أما بصيت عليه كانت كويسة جدا ...لو اتخرطت هترجع زي الفل لأن مكانش متاكل منها غير حوالي نص ميللي...و لاقيت حتة جواها متعضعضة غالبا كان فيه زلطة بين التيل و الطنبورة و داس عليها فرامل...بس الواحد كده ارتاح و ريح باله
-
رقم العضوية : 3195
تاريخ التسجيل : 14Nov2007
المشاركات : 2,838
الحالة :
-
مبروووك علييييك البيكانتو العروسة بعد ما اتظبتت :)
نااادر نااااااااادر
شفت السيراتوووووووو ؟؟؟؟؟؟؟؟؟؟؟ ايه رأيك فيها ؟؟؟
[SIZE="2"]i'll miss everyone[/SIZE]
-
رقم العضوية : 4001
تاريخ التسجيل : 07Jan2008
المشاركات : 2,074
الحالة :
-
مبروك يا نادر صيانة ال 40 و عقبال ال 400 ان شاء الله
والاسعار انا مش شايفها فارقة كتير عن برة
بس ماتسبش العربية كتير كدة من غير رعاية عشان متوهش منك
وكل حاجة مهما كانت صغيرة بتفرق كتير و خصوصاً لما بتكون حساس لأداء العربية
و ربنا يباركلك فيها
-
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
-
hasad">معلش انا مش شايف تمن الطنابير غاللي
ولما بتخرط بتنزل نص مللي عن المقاس الاصلي
وبيفرق في اداء العربية عشان مشوار زيت الباكم وحساس لمة الفرامل لما الكنترول يوني يديها اشارة لما التيل يتاكل
كدة افضل بكتير
العربية برضه لسه ماكملتش 5 سنين
جروب ورشة نايل موتورز علي الفيس بوك
صفحة ورشة نايل موتورز على الفيس بوك
المواضيع المتشابهه
-
عملت صيانة ال40000 للايفو من غير ضرب علي القفااااااااا
بواسطة sweetvolcanoo في المنتدى فــــياتمشاركات: 37آخر مشاركة: 09-11-2012, 09:22 AM -
صيانة ال40000 للماتريكس
بواسطة bishoo33 في المنتدى هيــونــداىمشاركات: 3آخر مشاركة: 21-09-2010, 12:45 PM -
تكلفة صيانة ال40000 كم لفيات لينيا
بواسطة elysmeen في المنتدى فــــياتمشاركات: 1آخر مشاركة: 03-09-2010, 08:50 PM -
هل صيانة ال40000 مهمة فى التوكيل؟
بواسطة Abokartona في المنتدى بــروتـــونمشاركات: 16آخر مشاركة: 21-05-2010, 03:22 AM -
تكلفة صيانة ال40000 للتريوس
بواسطة mohammedfat80 في المنتدى دايــهاتســومشاركات: 3آخر مشاركة: 02-10-2009, 08:15 PM
الكلمات الدلالية لهذا الموضوع
20,
40,
400,
50,
أبو رواش,
مشاكل,
مصر,
أسعار,
مع,
معلومات,
من,
مواضيع,
موتور,
bmw,
ام,
اللي,
الأولى,
التو,
التوكيل,
الي,
الجديدة,
الصيانة,
ابن,
اداء,
احنا,
استلمت,
اسعار,
اسعار قطع الغيار,
تيل,
eit,
بيع,
بيكانتو,
تركيب,
تغيير,
بنزين,
توكيل,
تكيف,
حساس,
جنوط,
سيارات,
صيانات,
صيانة,
صيانه,
زيت,
سعة,
سول,
صوت,
عليهم,
غالية,
عايز,
غيار,
عربية,
عرض,
عفشة,
عن,
فلتر,
فلتر بنزين,
فلتر تكيف,
فلتر هواء,
فتيس,
في,
فرامل,
هي,
هنا,
نور,
وكيل,
طالب,
طريقة,
طنابير,
قائمة,
قطع,
قطع الغيار,
كل,
كيا,
كيا بيكانتو
ضوابط المشاركة
Content Relevant URLs by vBSEO 3.6.0 PL2
المفضلات