حد غير اسبراتير الفليشيا جديد او استعمال ؟؟
تمنه كام بالوش بالشاكوش بالاسلاك ؟؟؟
و لو استعمال عامل معاه ايه ؟
و ياريت الى غيره يقولى غيره ليه ؟
معلش الاسئلة كتير بس انا متعسف :angry06:
عرض للطباعة
حد غير اسبراتير الفليشيا جديد او استعمال ؟؟
تمنه كام بالوش بالشاكوش بالاسلاك ؟؟؟
و لو استعمال عامل معاه ايه ؟
و ياريت الى غيره يقولى غيره ليه ؟
معلش الاسئلة كتير بس انا متعسف :angry06:
أنا غيرت اسبراتير قبل كده .. جبت الصيني .. وكانت غلطة مني .. هو شغال مفيش أي مشكلة .. بس بعد ما جبت الصيني عرفت أن الملف اللي بيبوظ فيه بيتباع .. حتقولي ما الملف صيني حقولك ان المشكلة مش في الملف المشكلة أن مساحة الضبط (الرجلاش) اللي بتظبظ منه كهربة الموتور في الصيني قليلة قوي .. بمعنى أن يكون لسة الكهربا محتاجة سنة كمان ومتلاقيش فيه مسافة في الرجلاش فتضطر تخليها على آخر الرجلاش ..
النصيحة إيه بقى .. لو المشكلة عندك في الملف .. حاول تغير الملف ومتغيرش الاستبراتير نفسه
ولو المشكلة عندك في الاسبراتير نفسه .. يعني يكون اتكسر مثلا .. هات استعمال وبلاش تجيب الصيني
فيكا الصينى دا كويس
بس اديله نقطتين زيت قبل ما يركب
تماام
انا عندى الاسبراتير مش مكسور بس فيه بوش و مش مخلى المكنة شغالة كويس و بيفرقع كتير
جبنا واحد استعمال نجربه (حالته مكنتش كويسة اوى) بس كان ظابت المكنة احسن من الى معايا بكتيييير
عملت سيرش على اسبراتير الفليشيا الاصلى على النت لقيت موضوعين
واحد جايبه اصلى فى 2009 ب 450
وواحد جيبه من 3 شهور ب 475 !! و 65 اسلاكه
الصينى بقى بكام ؟ و بقاله اد ايه شغال ؟
وشكرا على الردود
الصيني بيعمل 100 جينه وشوية .. يعني يمكن 140 ، 150 مش فاكر .. هو شغال كويس معايا بس هي المشكلة الوحيدة هي موضوع الرجلاش اللي أنا قلتلك عليه .. بمعنى انك لو تقبل تشتغل بكفاءة محرك 80% خليك في الصيني .. بس إنسى أنك تظبط كهربة الموتور 100% لان زي مقلتلك المشوار بتاع الرجلاش قصير .. بالنسبة للبوش اللي انت بتقول عليه ممكن تروح لواحد خراط .. بس الموضوع ده مجازفة مش مضمونة لأن ممكن تضيع وقت وفلوس على الفاضي .. لأنك عارف طبعا الشغل البلدي .. يعني لا مقاسات ولا دياولوا .. ممكن كمان تحل القطعة المبوشة وتركب مكانها من الاسبراتير الاستعمال
الاصلي ب 450 من ابو الحسن وريح دماغك
انا غيرت الغطاء لأنه مكسور وكان ب 25 جنيه تركي تقريبا
بص انا حاطط اسبراتير صيني .. وبحط 80 .. العربية فعلا بتكرر بس لما أكون ماشي على التالث وهي عاوزة التاني أو الأول بس خلي بالك طول ما انت بتحط 80 العربية حتكركر معاك حتى لو جبت الأصلي .. أنا جربت الأصلي والصيني وموضوع الكركرة دي ميفرقش معايا قوي .. أنا قصدي ضبط الكهربة أنك تلاقي الموتور عالي قوي تقوم توطيه من المسمار بتاع الكربراتير تلاقي العربية بتبطل عشان عاوزة كهربا زيادة .. تيجي تضبط الاستبراتير تلاقيه المشوار بتاع الضبط على الآخر تقوم تعلي الموتور من المسمار .. تلاقي الموتور عالي قوي