العالم دي مش عارف عايزين ايه ..؟؟!! حاجة تحرق الدم
( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ )
العالم دي مش عارف عايزين ايه ..؟؟!! حاجة تحرق الدم
( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ )
لما نشيل البووس من الافلام هو دة اللي هايودينا ايران و افغانستان,
الحقيني يا اما, حسبي الله و نعم الوكيل.
علي كدة بقي لو خلينا البووس و زودنا العملية شوية هانبقي زي اليابان و المانيا.
يشيلك قطر انت و القناة بتاعتك
الظاهر ان الاخت ريم كانت ناوية تخش فيلم جديد و..... :d
ربنا يهدينا جميعا لما يحب ويرضى
فعلا اذا لم تستحي ففعل ما شاءت
مشفتش الفيديو..ولكن أنا ضد مسح أي حاجة من أي فيلم. واللي مش عاجباه الأفلام و شايفها قليلة الأدب ببساطة ميتفرجش عليها و يروح يتعبد أحسنله من تضييع وقته قدام التلفزيون.
ومش من حق التلفزيون المصري ولا أي حد تاني العبث أو المساس بالتراث السينمائي المصري..هو الأفلام كدا لو عاجبكم تشوفوها شوفوها، مش عاجبكم يبقى كفى الله المؤمنين شر القتال و اتفرجوا على قناة إقرأ وغيرها من القنوات الدينية التي لا تذيع أي لقطات خارجة.
دا ميمنعش إن هناك بعض الأفلام مستفزة جداً ومتتشافش، زي أفلام العسول أبو شعرتين بيض خالد يوسف اللي بيحسسني إن خلاص مصر بقت ..........ولكن مش من حق حد يحجر عليه ولا على غيره.
والحمد لله إن الخبر دا طلع فشنك...وإلا كانت هتبقى مشكلة كبيرة والحدق يفهم!
بغض النظر عن القرار اللي طلع أصلا غير صحيح أو تم التراجع فيه الله أعلم
هو ليه حضرتك حطيت لي خيارين فقط أن يا أما أتفرج علي فلم فيه حاجه خارجه و يا أما أتفرج علي قناة إقرأ
هو مينفعش أتفرج علي فيلم أو مسلسل نضيف مفيهوش أي لقطه تخدش حياء أصحاب الحياء
طب و هل أصحاب الحياء ممن هم مختلفين معي في الديانه هايروحوا يتفرجوا علي قناة إقرأ
و بغض النظر عن كلمة التراث السينمائي لأنها مبتقنعنيش لأن الفيلم ما هو إلا مجرد تسليه و لا تراث و لا ميراث ... حضرتك قلت الأفلام فيه منها مستفز ...هل بتر اللقطات المستفزه من مثل هذه الأفلام سيؤثر في شئ و إن أصبح الفيلم في أخر المونتاج ليس له قصة حتي
و أنا مش حدق و مش قادر أفهم ممكن تفهمني أيه المشكله المتوقعه إن صدر مثل هذا القرار مثلا من رئيس الجمهوريه القادم
هى قالت كمية كلمات متناقضة
اولا : ايران وافغنستان؟؟؟؟؟؟؟؟؟؟؟؟؟
ثانيا : هوا الحذف هيتم بناء على معايير اخلاقية او دينية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
ثالثا: ربنا يستر؟؟؟؟؟؟؟؟؟؟؟؟؟؟
رابعا: احنا اتربينا على الافلام دى؟؟؟؟؟؟؟؟؟؟؟؟؟
خامسا: التصنيف اللى هوا الراتينج رعب -عنف؟؟؟؟؟؟؟؟؟؟
احنا افلامنا تقريبا شبه قصة واحدة واشخاص بتتغير رعب ايه وبتاع
اسباب نجاح الفيلم المصرى ( هيافة او جنس او شوية ضرب )
ولكن الحمد لله ان فبه قرار زى دا اخيرا اصدر
مش حقول غير اللي اختشو ماتو .................
الموضوع ده بيفكرنى بكفار قريش
>انا وجدنا اباءنا على هذا< تـــــــــــــــــــــــر اث
رد رديته فى موضوع تانى فى المنتدى هنا برضه
اشمعنى السينيما الايرانيه تحفه و بتاخد جوايز اوسكار و انا شخصيا لما بلاقى فيلم او مسلسل ايرانى بنزله على طول و عمر ما حد قال انها سينيما متخلفه مع ان كللللللللللللللل الممثلات محجبات مثلا و لا فيه حاجه تضايقك و انت بتتفرج و لا اى حاجه
اللى بيقول ان القرار ده متخلف بيعترف ان الناس بتتفرج عليه عشان المناظر دى مش عشان لا فن و لا دياولو انما لما بتفرج على فيلم نضيف اعتراف منى انه فنيا عالى
يعنى ايه اللى مش عاجبه ميتفرجش وهى كده عاجباكو شوفوها والا لأ خلاص مبارك كان كده برضه عاجبكو ولا لأ متغيروش حاجة مش الفكر ده اتغير خلاص
وايه المشكلة لما تتعمل افلام هادفة والأسرة كلها تعرف تتفرج عليها من باب الترويح عن النفس
القرضاوى افتكر مرة قال ممكن ننتج حاجات محترمة زى دى عشان الناس تتعرف على الأسلام لأن ا لفيلم دلوقتى لغة العالم
وهى لما البوسة تتشال حرية الأبداع يا حرام اتقيدت وانت حصل لك ايه والسياق الدرامى حصل له ايه
طب ما فى افلام ابيض واسود كتير كانوا بيعبروا عن اى حاجة بدرف شباك بترزع ولا القهوة فارت ولا موج البحر والرعد والحاجات دى
ايام ما كان فى حياء
واللى مش عاجبه بقى هو اللى يروح يتفرج على الحاجات التانية فى مكان تانى
يعنى فى افلام مثلا لأحمد حلمى بتجيب ايرادات ومفيهاش مناظر
بتجيب ايرادات ليه
وزنا العين ده يعنى حاجة حلوة قوى والأثارة اللى بتحصل للمراهقين او الشباب واللى ممكن يترتب عليها جرايم حلوة قوى
وايه اتربينا على كده دى
وايه اللى مش عايز يروح يتعبد يعنى اللى بيتفرج على التلفزيون لازم يكون من الفئة الضالة الفاسقة مش تبع العباد
وهو كده مش من حقكو تغيروا حاجة
صراحة كلام كله مستفز
اون تى فى و او تى فى ,,,,الوجه الآخر لساويرس.....
ما هي دي الليبرالية لما تبقى متطرفة
و دي عينة من ليبراليينا المتطرفين
اغلبهم كده
السلام عليكم و رحمة الله و بركاته
مش عارف ليه, أنا متهيألى أن السيناريو الآتى -اللهم اجعله خير- هو اللى هيحصل:
أن فعلا صفوت الشريف قصدى سامى الشريف -الله.... بيته- نفى و بكل جرأة أنه يكون أصدر قرار متخلف!!!! و تافه زى ده و طمأن الجماهير أن التليفزيون لا زال هيعرض الأحضان و القبلات و البوس و القذارة زى الأول!!!!!!!, OK:16::16::16:,مفيش مشكلة, كمان كام شهر هيبقى فيه انتخابات البرلمان و اللى أكيد كلكم عارفين أن هيسيطر عليها الاخوان و دى حاجة ماحدش يقدر ينكرها بدليل اللى حصل فى الاستفتاء بتاع الدستور و هيبقى الاخوان قوة فى البرلمان و يتعمل ليهم حساب و بعد كده الانتخابات الرئاسية و اللى مش هينجح فيها الا اللى الاخوان هيدعموه و أنا بقول يدعموه مش يرشحوه لأن الاخوان مش هيرشحوا حد خااااااااااااااااالص من عندهم و لا هيحرصوا على المناصب بالمرة, لكنهم هيدعموا المرشح اللى هما شايفين أنه هيديهم أكبر فايدة و أكبر مساحة من الحرية و الاخوان بيعملوا الكلام ده بمنتهى السهولة, أنهم بياخدوا الأصوات اللى يقدروا ياخدوها من المدن و ليكن مدينة المنصورة مثلا و بييجوا على المراكز و القرى الفقيرة اللى بيشربوا ميه من الترع و المصارف و لا عندهم لا غاز و لا حتى رغيف عيش و يقنعوهم بأن الفقر اللى هما فيه لأنهم قعدوا السنين اللى فاتت دى كلها بعيدين جدا عن ربنا و أنه آن الأوان أنهم يرجعوا للدين تانى عشان ربنا يكرمنا و يزيح عنا و من هنا الأخوان بياخدوا كوووووووووووووووول اللى الأصوات اللى هما عايزينها و الكلام ده مش فتى منى و لا حاجة, الكلام ده و أكتر منه حصل بدليل: 71 الى 29 فى الاستفتاء و دى تجربة واقعية حديثة تجب و تلغى أى تحليلات أو تخيلات سياسية تانية, و ساعتها بأه, نبقى نشوف الأحضان و البوس و القرف ده هيتعمل فيه ايه :untitled 1::untitled 1:, سواء (ريم ماجد) زعلانة و لا لأ, ساعتها مش هياخدوا رأى أبلة ريم :monkey1: ؟؟!!! اذا كنا نسيب القرف ده و لا نشيله.
"و يحذفوا كل المشاهد اللى فيها احضان او قبلات"... دة اللى حيودينا ايران او افغانستان
طيب اللى عايز يروح امريكا... يعمل ايه بالضبط؟؟؟؟؟؟
MMamdouh
انا مختلف معاك تماما في تحليلك ده يا مازيراتي
حتة ان الفقر كان عشان احنا بعيد عن ربنا دي مش أفكار الأخوان خالص ولا عمرهم اتكلموا بالمنطق ده (ده منطق سلفي و هو جزء من الحقيقة بالمناسبة)
حتة ان ال77% بتوع الاستفتاء دول جابوهم الاخوان مش صحيحة
ال77% دول اشترك فيهم الاخوان و السلفيين و المجلس العسكري نفسه , و الفكرة نفسها , الاستقرار
كمان مش شرط بالمناسبة ان الاخوان يسيطروا على مجلس الشعب و ينجحوا اللي هما عايزينه
انا ما اكرهش ده بالمناسبة كمبدأ
لكن رأيي انك مديهم قوة اكبر من قوتهم الحقيقية
طب مثلا مثلا ماله مسلسل ونيس بكل اجزائة عمره ماكان فىه مشهد كان خادش او كلمة خادشه للحياء و فعلا مالهاش لازمه القبلات و الحاجات دى كفايه الايحاءات و خلاص و على العموم ريم ماجد دى حره فى رايها برضه و كل واحد حر فى رايه و ربنا يهدينا كلنا
سؤال بيلح عليا ...الناس اللي موافقة على الكلام ده بيبقى أيه موقفهم لو بيتفرجوا على فيلم فيه الحاجات دي و جنبه أمه أو أخته ؟!
انا شفت الفيديو ده علي الفيس
ورديت عليه .... بس لو حطيت الرد ده هنا ... هاخد وقف صح؟؟؟ ههههههههههه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
الصين منعت الجنس من الكمبيوتر عندها . . لتحمي شبابها ولتحافظ علي التقدم الاقتصادي وعدم التفكك الاجتماعي و و و وتقع في اخطاء الغرب . . . . برغم ان الصين بيعبدوا الراجل التخين ابو كرش والمسلمين هناك اقلية 10% تقريبا . . .
الهند : منعت اي اشكال التدخين العادي او المخدرات بلاعلام بلافلام والمسلسلات لتكافح هذة الظاهرة وتحمي شبابها و و و . . . .
مصصصصصصصصصصصر . . . بعض القوي او اغلبية القوي العالمنية عندنا
عندهم . . قلع مراتك تنعم بحياتك . . . كل لما نقلع اكتر مصر هتتقدم اكتر . . . ويتم ربط الجنس بلتقدم !!!!
بذمتكم يبقي مين الي متخلف . . لو كدة كان الانجولين قلعوا ملط وتاني يوم لقوا المصانع والعلم بينتشر لوحدة !!
يااااارب توب علينا من الجهلاء . . من الرعاع من يريدوا تدمير مصر بقصد او بدون قصد من جهلهم
هى مش زعلانه علشان موضوع حذف القبلات والاحضان فى ذاته
هى زعلانه من المبدا
اللى هو
تطبيق تعاليم اسلاميه
علشان كده سالت ايه الدافع دينى ولا اخلاقى
هى زعلانه من الدين
فكرتنى بالايه الكريمه (اخرجوا ال لوط من قريتكم انهم اناس يتطهرون )
هى دى القضيه
الناس دى بتكره الدين واللى من ريحته حتى ولو كان الطهر والرقى والنضافه
اسمحو لى ان اعلق على الموضوع سواء كان يتوافق مع فكر ريم او ضده فهذا ليس بالمهم
المهم مسالة ارساء المبادئ فلو تم ماتتطرقون اليه الان من حذف هذه المشاهد التى كلنا شاهدناها مرارا وتكرارا هو نوع من قمع الحريات وتشويه تاريخنا الفنى الذى كنا نحترمه فيما مضى ربما من 10سنين فقط
اما ما سوف يترتب على هذه الرقابة فهو مخيف بشكل كبير
الان نتحدث عن المشاهد الساخنة وغدا سنتحدث عن المراة بدون حجاب ثم ننتهى الى ان ظهور الافلام الاجتماعية عموما شئ غير مستحب فى وطننا الاسلامى الكبير
كل قرار وله تبعاته فلا تزيدو فى قمع الحريات الان لا داعى للعجلة فما نراه جميعا يؤكد اننا لن نرى هذه الحريات ثانية فى القريب العاجل وحتى اشعار اخر
تقبلو مرورى
يعنى حضرتك شايفه ان ده قمع للحريات !
((على حجب حرية الإبداع، وتدمير تراث السينما المصرية".))
لو منع المساخر هو ألي هايدمر السينما يبقى
ده تأكيد ضمني أنها سينما غير محترمة لحد كبير ويارب تدمر
أولاً ليس من حق أي حد اهانة شخص اخر يختلف معه في الفكر و الإعتقاد، يعني مش من حق حد يهين ريم ولا غيرها لمجرد أنها بتدعوا لحاجة مش على هواه، وإلا بكل بساطة يعني ممكن حد يجي ويقول إن اللي يدعوا لحذف الأفلام هو شخصية مريضة تتأثر بما تراه في الأفلام ولا تعتبرها مجرد وسيلة للترفيه وتضييع الوقت.
نيجي للموضوع نفسه..
العالم كله لم يجرم الأفلام ومفيش حاجة أسمها يشيلوا مشاهد البوس و الأحضان والمعرفش ايه دا..دا كلام ممكن نقوله واحنا قاعدين عالقهوة وضاربين حجرين قص ولا زغلول، لكن في الواقع الكلام دا مينفعش تطبيقه.
خلونا نتفق على الآتي :
الفيلم دا عمل فني و كل مشهد فيه بيكون له هدف ومدلول.
الناس بتقول إن هي بتتكسف تتفرج على الفيلم مع أهلها و كدا..ودا شيء كلنا بنتعرض له و لكن المشكلة مش في الفيلم ولكن في القنوات نفسها.
ازاي؟
العالم برة دلوقتي بيتبع نظام أسمه "تصنيف الأفلام" بمعنى أن في حاجة اسمها الفيلم دا family او pg او pg 15 او +18.. ودي تصنيفات وفي غيرها تصنيفات تانية للأفلام
بحيث أن انا دلوقتي لو جبت قناة ميلودي افلام مثلا هلاقي مكتوب على الفيلم من فوق family..يبقى اذن الفيلم دا مفيهوش اي مشهد خارج او بوسة او حضن او اي مشاهد عنف او دم او اي حاجة من دي..وبالتالي أقدر أتفرج عليه.
في مثلا فيلم +18 ودا معناه انه مخصص للكبار فقط، يعني لازم اللي يتفرج عليه يكون اكبر من 18 سنة، وطبعا الفيلم هيكون فيه مشهد خارج سواء عنف او مشهد ساخن.
وبكدا نبقى حلينا المشكلة وبرضو مقربناش لتراث السينما العظيم بتاعنا.
وبرضو بكدا نبقى خلصنا الحجة بتاعت الأخوة اللي بيقولو أترضاها ومترضاهاش والكلام الشخصنة دا كله.
انما لو لمسنا الافلام، فالخطوة الجاية هتكون أسوأ و أكثر تشدداً وهلم جرا..ونلاقي ان حصل زي ما حصل في ايران...اللي قام بالثورة هما الشيوعين أصلا و هوب الإسلامويين نطوا عليهم بالبراشوت بطيارة المخابرات الفرنسية ولاقينا ايران الإسلامية التي تحكم بأمر الفقيه.
ومش بعيد نلاقي قانون يطلع ان اللي يبص لوش واحدة يتعدم ولاحاجة لحسن شاف القمر بالنهار :D
كل مشهد بيبقى له هدف وكان بينفع الهدف ده زمان بأن القهوة تفور ليه ومينفعش دلوقتى الا لما يبقى نص ساعة مسخرة مش هو نفس الهدف
اللي عايز حرية كاملة يسجل كل اللي عايزه من النت مثلا او بأي وسيلة ويشوفه لوحده او مع عياله واخواته واسرته واصحابه
واذا كان هو ده التخلف في نظركم او قمع الحريات فمرحبا بالتخلف وقمع الحريات
اما ريم فصحيح اذا لم تستح فافعل ماشئت
كنت داخل اكتب نفس الكلام .....
أنا ضد المشاهد الخارجة في السينما و التلفزيون و لا أرضى لزوجتي أو ابني مشاهدة تلك المشاهد
و فيه سينما جيدة جداً تقدم حتة في مصر و سينما نظيفة
بس أنا كمان ضد الوصاية ..... مش من حق حد يحددلي أشوف إيه و مأشوفش إيه
صنف الأفلام ....... و سيب كل واحد يختار إلي هو عايزة ......
زمن المنع إنتهى ...... مافيش حد حيقدر أصلاً يمنع حاجة عن الناس
إنهردة أنا بمنع المشاهد دي ...... بكرة أمنع مواقع سياسية عشان بتدعو لأفكار مخالفة للدين الصحيح على النت ....... بعده أراقب تلفونات الناس
و أهلاً بالحزب الوطني الجديد
hobiko
ها أفترض معاك أن منع العرض هوكبت للحريات على قولتك
طيب وسمعتنا في العالم والعالم العربي على وجه الخصوص لما يشوفه أنتاج سينمائي خارج عن الأخلاق؟
أنا عن نفسي مع منع أنتاج الأفلام الخليعة المصرية من أساسه
الحزب الوطني من أسباب تدهور الأخلاق ووصول السينما المصرية لهذه الدرجة من الخراب الأخلاقي
ألي هايعمل عكس كده يبقى نقوله كثر خيرك هو ده الأصلاح