السلام عليكم
تقرير حضرتك رائع و منظم
و في أنتظار الصوره بالليل
و بالتوفيق يا أستاذ Bonanza
عرض للطباعة
السلام عليكم
تقرير حضرتك رائع و منظم
و في أنتظار الصوره بالليل
و بالتوفيق يا أستاذ Bonanza
زى ما قلت لحضرتك انى هكمل على موضوعك وهو انى غيرت لمبات رسمة التكييف ورسمة الزجاج الحرارى
أولا طريقة فك الزرار من مجموعة التكييف
بعد ما نفك الوش بالمفك (نفس طريقة تغيير لمبة مفتاح الانتظار ) تضغط بصباعك ورا الزرار (مكان السهم ) هتلاقية طلع معاك بسهولة
http://img546.imageshack.us/img546/456/42059504.jpg
فى الصورة التانية اضغط على الشفة (مكان السهم) لاخراج فيشة الزرار زى اى جاك فى كهرباء العربية
http://img541.imageshack.us/img541/1553/81587998.jpg
فى الصورة التالتة شكل المفتاح منفصل وعن طريق فتح الشفتين للخارج (فى اتجاة السهمين) وزى نظام مفتاح الانتظار تفك المفتاح للوصول الى اللمبة
http://img801.imageshack.us/img801/1523/47244782.jpg
ودة شكل المفتاح وهو مفصص لاخراج اللمبة وطبعا المفتاح بلمبتين واحدة تشتغل مع نور التابلوة ودى اللى هنغيرها والتانية مع تشتغل مع تشغيل المفتاح اللى عاملة زى اللدات وهم الاتنين من نفس نوع لمبة الانتظار
http://img19.imageshack.us/img19/2235/97065807.jpg
كرر نفس الخطوات مع زرار التكييف
وبالنسبة للمبة انا اشترتها من عند اللى بيصلح الاجهزة اللاكترونية ولما سألتة عليها بصلى وقالى بس ياباشا دى بقت بجنية طبعا عملت فيها مصدوم وقلتلة لييية قالى اصل الجماعة بتوع العربيات بيركبوها فى التابلوة وعلشان كدة غليت مش عارف على اية مع انها ما تستهلش!!!!!!
ملحوظة مهمة جدا جدا جدا .....
لما تيجى تفك المفتاح من بعضة للوصول للمبة احذر ثم احذر ان فية حاجات ممكن تطير منك وهى السوستتين اللى ورا الزرار والريشة النحاس ام اربع اطراف (احفظ اتجاها كويس لو وقعت منك )
واخيرا اخراج اللمبة وتغيرها زى لمبة زرار الانتظار بالظبط..... ويارب اكون وفقت فى شرحى وتحت امركم فى اى استفسار..
تسلم ايدك بجد الموضوع روووعة
بس انا عندى سؤال
هوا ايه الزرار ده؟ بتاع ايه؟
انا مش عندى فى العربية
مع انها 99 اتوماتيك glx
http://img844.imageshack.us/img844/4...1105040847.jpg
Uploaded with ImageShack.us
الله اكبر عليك يا استاذ حسين
ماشاء الله عليك
شرح و صور زي الفل
و طريقة سهلة للغاية
ربنا يكرمك و يجازيك خير
كده الموضوع بقي متكامل
عاوز بس اقول حاجة بخصوص اللمبة اللي انا ركبتها
بتاعة فرع النور بتاع اعياد الميلاد
اتحرقت مني بعد ما شغلتها بعشر دقايق و غيرتها بواحده تانية و اتحرقت بردو
تقريبا هي اقل من 12 فولت فا مش بتستحمل
لكن سخنت و كبرت في دماغي بقي
و قومت واخد بعضي و نزلت باب اللوق مخصوص
دورت عليها عند بتوع الالكترونيات لحد ما دلوني عل واحد اسمة تقريبا حسني شرف
في ممر ديق بس كل الناس عارفاه و عارفة انه بيبيع اللمبات دي
لقيتها عندة الحمد لله و 12 فولت و اللمبة بـ 50 قرش جبت عشر لمبات
و ركبتها و شغالة تمام
http://img31.imageshack.us/img31/271...1105041737.jpg
علي فكرة الصورة دي بتاعة سلك عيد الميلاد
و هي هي نفس الاضائة بتاعة اللمبة الجديدة اللي جبتها من باب اللوق
الله ينور يا رجالة
موضوع جااااااااااااااااااااااام د
تسلم ايدك
بس نصيحه بقي بلاش استخدام اي آله حاده في الفك (مفك - سكينه - قطر)
علشان الحاجات دي بتعلم في الفيبر وانت متضمنش اللي هيشتغل حساسيه ايده ازاي
فا احسن حل
انك تمسك الفبره من عند زرار التحويل بتاع الهوا وتشد لبره وكل ده بأديك
هتطلع معاك بدون اي تجاريح بأذن الله
وربنا يوفقك :)
اسامه باشا متعرفش رقم الراجل اللي في باب اللوق ده عشان عاوز ابعت اجيب اللمبه دي