تغير لمبة زر الانتظار - كريستالة
اولا انا عاوز اقترح اقتراح علي الادارة ياريت يتنفذ هايبقي مفيد لكل الناس بدون عناء
اقتراحي هو اننا نعمل قسم " اصنع بنفسك ( DIY ) " زي اي منتدي اجنبي
هنا في ناس دماغها تتاقل بالذهب و بتعمل اختراعات و افتكاسات زي الفل و مفيدة جدا و غير مكلفة بالمرة
المهم ندخل في الموضوع
الحمد لله و بتوفيقه غيرت لمبة زرار الانتظار في عربيتي _ اللمبة كانت محروقة
كنت بسأل عن طريقة لفك الزرار و مع شوية نخورة مني قدرت افكة
نبتدي في الخطوات بالصور
دا الغطاء بتاع لوحة التكيف
http://img543.imageshack.us/img543/4...1105040847.jpg
هانستخدم في فكة مفك عادة سنة رفيع و بهدوء و من غير عصبية ندخل سن المفك في المنطقة دي
http://img192.imageshack.us/img192/8...1105040847.jpg
و ببساطة جدا هايتفك معاك كده
http://img651.imageshack.us/img651/9...1105040848.jpg
و دول الاربع كلبسات اللي هو بيتثبت بيهم و الل احنا فكيناهم بالمفك العادة .. بهدوء كل حاجة هاتطلع
http://img840.imageshack.us/img840/3...1105040852.jpg
دي بقي الفيشة بتاعة زرار الانتظار ليها كليبس لونه ابيض من فوق هاندوس عليها و نشدها لفوق هاتتفك بكل سهولة بردو
http://img847.imageshack.us/img847/3...1105040850.jpg
ده الزرار بعد فك الفيشة
http://img811.imageshack.us/img811/8...1105040851.jpg
الجزء الاخضر ده عاوزين نفكه بقي عشان هو ده اللي ماسك فيه اللمبة
شايفين بقي النقطة الخضرا اللي صباعي مشاور عليها دي
http://img62.imageshack.us/img62/164...1105040851.jpg
دي شفة بندوس عليها لجوة و بنزق الطرف الاسود لبره عشان نخرج الجزء الاخضر من الاسود
الشفة دي موجوده علي الناحيتين
احنا بنخرج ناحية و احدة بس و بتشد الجزء الاخضر بالراحة هايطلع معاك
و ده شكله و الجزء اللي راكب فيه اللمبة
http://img696.imageshack.us/img696/6...1105041244.jpg
هانطلع اللمبة بنفس ذات المفك الرفيع
و شكلها كده
http://img827.imageshack.us/img827/1...1105031806.jpg
طبعا ماتاخدش بقي اللمبة كده زي ما انا عملت و تنزل تدور عليها عشان مفيش حد هاتلاقيها عنده بشكلها ده
لازم نفكها بقي من الجزء الازرق ده بطرف دبوس و هايبقي شكلها كده
http://img842.imageshack.us/img842/8...1105041113.jpg
اللمبة دي انا في ناس بتقول انها بتتباع عند بتوع الالكترونيات و بتوع تصليح الكاسيتات
انا بقي لقيتها موجوده في فرع النور بتاع اعياد الميلاد اللي بيبقي فيه لمبات فسافيس بتقعد تنور و تطفي
فرع السلك ده اسمة Bee Lights
و ده شكلة
http://img31.imageshack.us/img31/702...1105041133.jpg
هاتقص لمبة منهم و تشيل الجزء الاخضر من عليها بطرف Cutter
و تدخلها في الجزء الازرق تاني
وبعدين ترجع اللمبة بالجزء الازرق في القطعة الخضراء
و بعدين تركب الجزء الاخضر في الفيشة تاني عشان تجرب
افتح نور الطابلوه من دراع النور
هاتلاقيها ان شاء الله نورت معاك
http://img705.imageshack.us/img705/9...1105041244.jpg
الحمد لله نورت
قفل بقي كل حاجة تاني و مبروك عليك نور الزرار
ان شاء الله هاجرب اعمل كده في نور زراير التكييف و نور زراير الزجاج الكهربا
عقبال زرار التكييف والزجاج
اقتباس:
المشاركة الأصلية كتبت بواسطة bonanza
لا يا باشا الزرار مش مقلوب هو كان معدول
بس انا لما فكيته افتركت اني لازم اصور
فا حطيتة كده اي كلام في الاول و صورت
و ان شاء الله بالليل هاصور الزرار
انا لسة مركبة حالا
زوغت من الشغل ربع ساعة و نزلت ركبتة و الشمس مش عاوز اقولك
انا كنت مستخبي تحت الشماسة الفضي
فعلا الواحد بيبقي مستمتع و هو بيعمل حاجة بايدة
و لو فكرت اد ايه انت ممكن تفيد الناس بعمل تقرير مصور اكيد هاتصور اي حاجة تعملها
عقبال بقى ياباشا زرار التكييف والزجاج الحرارى
وانا لو عرفت طريقة فكهم هعملهم واقولك علشان الناس كلها تعرف
وانت برضك لو عرفت قولى
ممكن نعمل موضوع سواء
وشكرا لتعبك من اجل المعرفة