بالله عليكم مطلوب النصيحة

**kashtoot** · 04-05-2011 03:28 PM

[b]السلام عليكم ورحمة الله و بركاته
أنا يا جماعة معايا عربية بيجو 405 مو 91 و خدت فيها أكبر خ............... (أكمل مكان النقط) فى حياتى و كنت عايز أبيعها و أجيب جديد.
أنا كنت بفكر أجيب اللوجان أو اللانوس بس كلام الاخوة الاعضاء خلانى أميل ناحية اللوجان شوية
بس موضوع قطع الغيار ده قالقنى شوية و كمان فى ناس مش بتشكر فى التوكيل.
لأنى بصراحة كرهت السواقة جدا جدا بسبب العربية اللى معايا(ده أنا ببقى شايل الهم لو هخرج بالعربية و ساعات كتير بسيبها و أركب تاكسى لأنى خلاص شلت منها جامد جدا) و عايز أجيب حاجة تريحنى بجد
و جزاكم الله خيرا[/b]

**HOSSAM99** · 04-05-2011 03:47 PM

و عليكم السلام و رحمة الله و بركاته
توكل علي الله و أشتري اللوجان هي عربيه جميله و أعتقد القسم هنا وفي حقها
أما بخصوص قطع الغيار حضرتك هاتفضل حوالي 3 سنين علي ما أعتقد في الضمان و بالتالي بدون قلق من قطع الغيار
و بعد ال3 سنين دول العربيه ممكن تفضل مع حضرتك 3 سنين كمان متطلبش منك حاجه زوياده عن الصيانات الدوريه
و التوكيل علي فكره معظم الأعضاء بيشكروا فيه جدا

و لو قطع الغيار غاليه نسبيا فده نظير أن قطعه الغيار معمره نسبيا عن الكوري

و صدقني العربيه جميله و أنا ركبت اللانوس الكوري فتره كبيره و هي مش بنفس مستوي اللوجان نهائي

**wassim_nasser** · 04-05-2011 06:05 PM

بص هى اللوجان احسن من اللانوس والفيرنا في العلو عن الارض و مساحه الصالون والشنطة و الثبات .. بالنسبه لقطع الغيار هاتلاقيها في التوكيل وبره في التوفيقية وف شارع دمشق (واحد متخصص قطع غيار رينو فقط) والاسعار في المعقول بس كده كده معاك سنتين لحد ماتفكر تغير حاجه والعربية بجد حمالة أسية .. انا خبطت الاكصدام مرتين ف نفس الشهر وكل مره اسمع كرررراش واقول يانهار اسود العربية اتخرشمت أنزل ابص الاقي الاكصدام مافهوش خدش وثابت زي الصخر

**bassem.naguib** · 04-05-2011 09:40 PM

المشاركة الأصلية كتبت بواسطة ABOHAZEM_NEW

شوف ياسيدى .. العربيات أشكال وأنواع وأذواق كتيييييييير جداً ..
بس أنت بتكلم دولوقتى على عربية زيرو فى الفئة السعريه من 65000 حتى 75000 ألف
هتلاقى عربيات فى الفغئة دى كتير برضه منها عربيات صينى وأفضلهم حالياً byd وعربيات تقفيل مصرى زى اللانوس والفيرنا منتشرين جداً بس الكلام على العيوب فيهم كتير قطع غيارهم متوافره أكثر وأرخص بس جودتها سيئه جداُ
وفى نفس الفئة عربيتنا المحبوبه لوجى
إحنا هنا توكلنا على الله وجبنا اللوجان (ربنا يبارك للجميع فيها ويكفينا شرورو الطريق) وفى شبه إجماع على أن قرار اللوجان كان موفق بأدن الله
أكيد العربية زى أى عربية هيكون ليها عيوب .. معظم العيوب فى اللوجان راجعه لإختلاف الأذواق مش عيوب جوهريه يعنى .. بس المزايا الى هتقرأها من حبايبنا فى القسم ده مزايا جوهريه تخليها إن شاء الله أفضل عربية فى الفئة ده
صلى صلاة إستخاره .. توكل على الله بعدها لأن أنا شايف من كلامك إن العامل النفسى عندك مهم .. ربنا ييسر لك الإختيار .. وأسف على الإطاله

رجاحة عقل ورأي سديد

**akerima** · 05-05-2011 11:28 AM

المشاركة الأصلية كتبت بواسطة abohazem_new

شوف ياسيدى .. العربيات أشكال وأنواع وأذواق كتيييييييير جداً ..
بس أنت بتكلم دولوقتى على عربية زيرو فى الفئة السعريه من 65000 حتى 75000 ألف
هتلاقى عربيات فى الفغئة دى كتير برضه منها عربيات صينى وأفضلهم حالياً byd وعربيات تقفيل مصرى زى اللانوس والفيرنا منتشرين جداً بس الكلام على العيوب فيهم كتير قطع غيارهم متوافره أكثر وأرخص بس جودتها سيئه جداُ
وفى نفس الفئة عربيتنا المحبوبه لوجى
إحنا هنا توكلنا على الله وجبنا اللوجان (ربنا يبارك للجميع فيها ويكفينا شرورو الطريق) وفى شبه إجماع على أن قرار اللوجان كان موفق بأدن الله
أكيد العربية زى أى عربية هيكون ليها عيوب .. معظم العيوب فى اللوجان راجعه لإختلاف الأذواق مش عيوب جوهريه يعنى .. بس المزايا الى هتقرأها من حبايبنا فى القسم ده مزايا جوهريه تخليها إن شاء الله أفضل عربية فى الفئة ده
صلى صلاة إستخاره .. توكل على الله بعدها لأن أنا شايف من كلامك إن العامل النفسى عندك مهم .. ربنا ييسر لك الإختيار .. وأسف على الإطاله

طول براحتك يا معلم كلامك جميل مينفعش يتقال حاجة بعدية وانا واحد من الناس اللي فعلا شايف ان ربنا اكرمني بشراء اللوجان

**bassem.naguib** · 05-05-2011 12:09 PM

المشاركة الأصلية كتبت بواسطة akerima

طول براحتك يا معلم كلامك جميل مينفعش يتقال حاجة بعدية وانا واحد من الناس اللي فعلا شايف ان ربنا اكرمني بشراء اللوجان

ربنا يباركلك فيها يا رب ويبعد عنك كل شر .. على فكرة كل واحد لازم يختار عربيته أي كان نوعها بناء على رغبته واقتناعه بيها .. وغير كدة حيكون متكدر منها حتى لو هي بي أم .

"الاقتناع" وهو ده حجر الزاوية أني أكون مقتنع بالشيء اللي اقتنيه .. وممكن اللي يعجبني ميعجبكش والعكس صحيح .. وكل واحد بيحدد اختياراته طبقاً لظروفه .

ومش لازم ننسى القدرة الشرائية اللي بتتدخل بشكل كبير في الاختيار .. ومثال على ذلك أنه يكون عندي المقدرة على ركوب أفخم وأحدث السيارات .. لو جيت بصيت على اللي بيقارن بين اللوجان وأي عربية في نفس الفئة السعرية .. أقل شيء حقوله الاتنين وحشين وميتركبوش .

أخر حاجة وأهم حاجة .. لازم احط في الاعتبار مصاريف التشغيل والصيانة فيما بعد عند المقارنة بين أي عربيتين في نفس الفئة السعرية .