مين بيبيع الحاجات دى قريب من القاهرة؟ (اجزاء الطبلوه)

**SYD** · 16-05-2011 07:42 PM

انا كمان عندي البلاستيك بتاع الكونسول اتكسر لوحده من غير ما المسه والعجيب انه اتكسر من كل حته في وقت لا يتعدي اسبوع
وبالنسبة لهوايات التكييف انا بفكها واظبطها واركبها تاني من غير ما افك التابلوه
وعلي فكرة ممكن تجيب تابلوه ب500 من غير عدادات الا لو عايو تجيب الكيلو متر والساعة الديجيتال
والله المستعان
،
،

**SYD** · 17-05-2011 02:26 AM

المشاركة الأصلية كتبت بواسطة m.mostafa80

للأسف الكونسوله دى ضعيفه جدا ولذلك اى شغل فى الحته دى بدون حرص بيكسرها سواء فك او تركيب الكاسيت او اى تظبيط فى الهوايات او اى تظبيط فى لوحه التحكم بالتكييف والهواء

علي فكرة هو اتكسر قبل ما افك او اركب الهوايات
بس هو ابتدي بكسر واحد
وبعد كدة لقيته سرح في كل حتة وكل الاتجاهات
انا اشك انه اتكسر لأنه بيتهز في المطبات الجامدة
ثانيا هو مش بايت صح في مكانه من الناحية الشمال بتاعة مفتاح الزجاج الحراري وكل لوحة الزراير دي عندي معلقة في الهوا ووراها فراغ كبير اوي
هل الحمها بأمير ؟؟؟؟
طب واعمل ايه في موضوع عدم بياته في مكانه وتعليقته في الهوا ؟؟؟؟

**SYD** · 18-05-2011 01:50 PM

المشاركة الأصلية كتبت بواسطة m.mostafa80

هو دا سبب تكسيره بالشكل دا عندك انو مش محكم فى مكانه صح ودا ادى لوجود مراكز ثقل عليه فى بعض الأماكن كسرته
لو الحاله الماديه ماتسمحش فكه بره والحمه من الخلف بأمير وطفيه سجائر او هات مادتين والحمه بيهم
والفك هيكون من خلال انك هتفك الهوايتين بتوع التكييف هتلاقى وراهم مسمارين وبعد كدا فك الطفايه عشان توسعلك وهتلاقى مسمارين موجودين تحت عن علبه الشرايط والسديهات اللى هى فى اخر كونسوله عصايه الفتيس كدا الجزء دا بقى حر معاك ابتدى اسحبه بالرحه للحفاظ على ما بقى منه
وعشان كمان ما تضعش الأجزاء اللى اتكسرت ويفضل تعملها بنفسك لأن مفيش صنايعي هيحافظ زى مانت هتحافظ ولزق الحتت المكسره بمادتين مع المحاول على الحفاظ على الشكل الخارجى قدر الأمكان وسيبها تنشف وبعد كدا ابداء ركب ولكن بحرص شديد عشان متتكسرش تانى اما انك تستعوض الله فيها وتجيبلك واحده جديده من الشيخ حسن فى الحرفيين(الكوثر ) ب 450 او استيراد ب 400 او 350 والله المستعان

شكرا لحضرتك علي الرد وانشاء الله هحاول اعمل كدة يوم اجازتي
انا جمعت كل الحتت الي مكسرة
بس اي نوع من انواع اللحام افضل وبكام؟
هل اجيب امير ابو جنيه ونص ولا في مادة تانية اقوي واحسن ؟؟
معلش انا اسف بس انا متعشم في حضرتك تفيدني

والله المستعان
،
،

**SYD** · 19-05-2011 03:50 AM

المشاركة الأصلية كتبت بواسطة yaserbasha2000

[/img]

دي صوره لوحه التكييف عندي
عندي فتحات التكييف سايبه يعني بتتحرك لفوق وتحت لوحدها مش بتثبت ممكن اثبتهم ازاي ؟
مع العلم ان صعب عندي اني افك الجزء ده كله من التابلوه لانه راكب لزق تقريبا

حضرتك ممكن تعمل تخشينة بحتة ورقة بس شكلها هيبوزلك شكل التابلوه تماما انا بقترح عليك روح لكهربائي محترم يفكلك هو الهوايات ويخشنهالك بمعرفته

والله المستعان
،
،

**SYD** · 20-05-2011 09:03 PM

المشاركة الأصلية كتبت بواسطة mahmoudyoussif

انا كنت سألت على الطابلو قبل كده كان ب 500 او 550 تقريبا في الحرفيين

انا فعلا لقيته ب500 جنيه عندنا في فيصل علي المريوطية من غير عدادات
ولقيت الكونسول بس ب 350 جنيه
فكرت اشتري التابلوه كامل من غير عدادات واستفاد بالدرج والدرج الي تحت الدركسيون لأنه مكسور بردو عندي وهواية التكييف الي في اقصي اليمين ولو في سماعات تبقي مصلحة
والله المستعان
،
،

**SYD** · 21-05-2011 06:08 AM

علي فكرة انا عرفت ان الكونسولة بتباع عند الشركة الهندسية في شارع رمسيس محطة غمرة جديدة نوفي ب220 جنيه

-

-

-

-

الموضوع: مين بيبيع الحاجات دى قريب من القاهرة؟ (اجزاء الطبلوه)

LinkBack

أدوات الموضوع

عرض

-

-

-

-

-

-

المواضيع المتشابهه

عدادات الطبلوه

مروحه التكيف الي جوه الطبلوه

رعشه فى نور الطبلوه

مكان بيبيع قطع غيار أصلي(شرق القاهرة )

صوت سأسأ من الطبلوه مجنني

الكلمات الدلالية لهذا الموضوع

المفضلات

المفضلات

ضوابط المشاركة