مشاكل فى الانسر الكريستالة ارجو الأفادة

**kemo_nagy** · 19-04-2008 04:15 PM

انا معايا لانسر 1999 1300 سي سي عندى مشكلة فى الفتيس فى نقلة المرشدير ساعات بسمع صوت زعيق كدة مرة بتظهر و مرة لأ يا ترى دة من اية؟وفعلا ممكن يكون فى مشكلة فى ترس المرشدير؟
سؤال كمان لما بمشى على الطريق و اشغل التكييف العربية بلاقى العربية تقلت قوى و مابتسحبش ولما أزود بنزين الاقى صوت تسقيف فى العربية لما سألت قلولى كهربة زيادة ولما روحت للميكانيكى قلتلو بتسقف قالى ان الكهربا بتاعتها مظبوطة ودة طبيعى وانو لو قللها عن كدة هاتغيب فى الدوارة
تفيدونى اعمل اية!!!!!!!!!!
الف الف الف الف شكر ليكم:)

**Ghamrawy** · 19-04-2008 10:58 PM

بالنسبة لصوت الزعيق فى الغيار ده ممكن لسه اكتر من سبب
1: الدواسة بتمنع الدبرياج انه يجييب اخر المشوار بتاعه و اقصد بالدواسة الدواسة الكاوتش مش بدال الدبرياج فلما بتيجى تنقل الدبرياج مش بيبقى ناقل الضغط كله للمساتر بتاعة الدبرياج و بالتالى كانك بتنقل من غير دبرياج
2: لازم تكون العربية فى حالة ثبات تام يعنى واقفة مش بتتحرك خالص لما تيجى تعشق ريفيرس
3: وجود مشكلة فى ديسك الدبرياج (سنان مكسورة)
4:وجود تهريب زيت من كاوتشات الماستر العلوى او السفلى للدبرياج ،شوف الزيت لو بينقص و بص على المساتر
5 : روح ليمكانيكى يبصلك على تيش الفتيس يمكن يكون متاكل و بيوصل النقلة من غير دقة
دلوقتى بالنسبة لموضوع التسقيف ده برضه ليه اكتر من سبب
1:بنزين مضروب
2:بوجيهات ضعيفة،اسلاك بوجيهات ضعيفة،فلتر هواء قديم و مسدود بالتراب،كهربة مش مظبوطة،فلتر بنزين مسدود
3:رجلاش المسمار اللى بيعلى الموتور لما التكييف يشتغل مش مظبوط (ده حتلاقيه على شمال الكاربراتير)
ياريت لو انا نسيت حاجة تفكرونى علشان خلاص الزهايمر شغال 100% :)

**kemo_nagy** · 20-04-2008 04:43 AM

المشاركة الأصلية كتبت بواسطة gemino

بالنسبة لصوت الزعيق فى الغيار ده ممكن لسه اكتر من سبب
1: الدواسة بتمنع الدبرياج انه يجييب اخر المشوار بتاعه و اقصد بالدواسة الدواسة الكاوتش مش بدال الدبرياج فلما بتيجى تنقل الدبرياج مش بيبقى ناقل الضغط كله للمساتر بتاعة الدبرياج و بالتالى كانك بتنقل من غير دبرياج
2: لازم تكون العربية فى حالة ثبات تام يعنى واقفة مش بتتحرك خالص لما تيجى تعشق ريفيرس
3: وجود مشكلة فى ديسك الدبرياج (سنان مكسورة)
4:وجود تهريب زيت من كاوتشات الماستر العلوى او السفلى للدبرياج ،شوف الزيت لو بينقص و بص على المساتر
5 : روح ليمكانيكى يبصلك على تيش الفتيس يمكن يكون متاكل و بيوصل النقلة من غير دقة
دلوقتى بالنسبة لموضوع التسقيف ده برضه ليه اكتر من سبب
1:بنزين مضروب
2:بوجيهات ضعيفة،اسلاك بوجيهات ضعيفة،فلتر هواء قديم و مسدود بالتراب،كهربة مش مظبوطة،فلتر بنزين مسدود
3:رجلاش المسمار اللى بيعلى الموتور لما التكييف يشتغل مش مظبوط (ده حتلاقيه على شمال الكاربراتير)
ياريت لو انا نسيت حاجة تفكرونى علشان خلاص الزهايمر شغال 100% :)

شاكرييين مهللين بجد بجد شرحك وافى جدا بس عندى استفسار على حاجة كدة بالنسبة للرجلاش افتكر دة اللى بيظبط الأر بى ام وانا ظبطوا على 8. فى السالنسية وبيبقى75. لما المروحة تشتغل تفتكر دة كدة مظبوط ولا فى مقاييس تانية المفروض اعملها؟بعدين انا سألت الراجل اللى نضفلى الكربيراتر قالى ان التسقيف دة طبيعى؟ هل فعلا ممكن يكون كدة ولا اكييد دة عيييب ؟ والف الف شكر يا باشا

**kemo_nagy** · 20-04-2008 04:48 AM

ياريت ياجماعة اللى معاه لانسر 1999 1300 مانيوال يفيدنى ويقولى موضوع التسقيف دة طبيعى ولا لآ ولكم جزيل الشكر:)

**أبو_حمزة** · 20-04-2008 02:49 PM

99 اتوماتيك مفيش فيها اى نوع من التسقيف فى كل الاحوال
و بالتالى المانوال طول ما هى على النقلة الصح برضة ما يكونش فيها تسقيف
اكيد مش طبيعى

**amr_elrashidy** · 21-04-2008 02:30 PM

انا كان معايا لانسر ...فعلا العربية بتتقل شوية مش كتير لكن موضوع التسقيف كان عندى مرة واحدة بس لانى حطيت بنزين 90 و تقريبا من بنزينة مضروبة...فى الغالب الموضوع بيبقى من نوع البنزين ..حط 92 دايما و حاول تجرب كذا بنزينة فى كذا مكان لحد اما المشكلة تختفى و حاول تثبت على البنزينة دى لان فى ناس تانية بتضيف مياه على البنزين..الكهربا لو فيها مشكلة العربية حتسقف حتى لو مش مشغل التكييف مع اى قرصة على الدواسة

**kemo_nagy** · 21-04-2008 03:01 PM

المشاركة الأصلية كتبت بواسطة amr_elrashidy

انا كان معايا لانسر ...فعلا العربية بتتقل شوية مش كتير لكن موضوع التسقيف كان عندى مرة واحدة بس لانى حطيت بنزين 90 و تقريبا من بنزينة مضروبة...فى الغالب الموضوع بيبقى من نوع البنزين ..حط 92 دايما و حاول تجرب كذا بنزينة فى كذا مكان لحد اما المشكلة تختفى و حاول تثبت على البنزينة دى لان فى ناس تانية بتضيف مياه على البنزين..الكهربا لو فيها مشكلة العربية حتسقف حتى لو مش مشغل التكييف مع اى قرصة على الدواسة

انا فعلا بحط 92 و ثابت علية والعربية فى العادى مش بتسقف لكن مع التكيف و اى قرصة على الدواسة تسقف

مش عارف دة من اية؟طب تفتكر فى حاجة تانية غير الكهربا و البنزين؟
والف الف شكر ياباشا

**Ghamrawy** · 21-04-2008 03:32 PM

معلش اتاخرت فى الرد عليك بس ياريت تظبط كهربة العربية عند واحد محترم (ظبط الاسبراتير)المفروض لما المراوح تشتغل لفات الموتور تعلى مش طوطى
حاول تظبط رجلاش المسمار اللى قولتلك عليه قبل كده و تنضف فلتر الهوا و اعمل تشيك على السيلونايت

**zizo_motors** · 21-04-2008 10:38 PM

سوري على الاعتراض بالنسبه للمراوح لما تشتغل الموترو لفات المحرك تقل اما بالنسبه للتكيف فالمسمار المقصود بيه اكسبانشن التكييف وهو مرتبط كهربيا وكذلك بخراطيم فاكيم لازم تراجعهم مع العلم ان عدد اللفات لازم يوصل 900 لفه لما التكييف يشتغل اما بالنسبه للتسقيف لازم حاجه من اتين بنزين او حد يظبط الكهربا عن طريق جهاز ظبط اشعال وتوقيت الاشعال حوالي من 5 الى 7 قبل النقطه الميته العليا

**amr_elrashidy** · 22-04-2008 03:56 PM

لا شكر على واجب ياريس...موضوع التسقيف ده مش بيجى غير من السببين دول ياكهرباء يا بنزين..لازم تتأكد من ضبط دورة الكهرباء تمام اوى و هى مرتبطة بالاسبيراتير و البوجيهات و اسلاك البوجيهات و البوبينة و بعد كده لو لسه المشكلة موجودة يبقى اكيد عندك مشكلة فى حرق البنزين..سواء بقى نوعه وحش او فى مشكلة فى الكربيراتير