حضرتك تقدر توقف عربيه ظابط او وزير زى محضرتك بتقول وتقوله شيل الفاميه
تفتكر الموضوع بالسهوله دى وحيعدى على خير
عرض للطباعة
يعنى اروح اشيل الفامية بعد ماركب بيوم و الا اية مع انة l.l. black
الفاميه و الخصوصية من حق كل مواطن و مسموح بيه في كل بلاد العالم ومحدش يشيل لفاميه في أي لجنة مفيش استهبال من الشرطة تاني و العربية ملكية خاصة مش عامة و أنا مفيم سوبر دارك و لو هيسحبوا الرخص مش هشيل الفاميه برده لانه حقي
ياباشا ماا الموضوع وسع اوى الايام دى .... تخيل عندنا التاكسيات فى اسكندرية مفيمة سوبر دارك ؟؟؟ تخيل كم المهازل اللى ممكن يحصل ورا الازاز المعتم دة .... تأمن انت ع حد من اهلك يدبس فى تاكسى كدة
حاجة تانية الفامية مش مسموح فى كل دول العالم !! فى الخليج فقط الجزء اللى ورا ودرجة غير معتمة واى حد يقولك غير كدة يبقى مش فاهم .... ومسموح بية فى كل الدنيا فى العربيات الفابريقة والجزء الخلفى بس يعنى اللى نازلة كدة عندنا مش بيستهبلوا ولا حاجة هم بيستهبلوا انهم واخدينة حق ليهم ولينا لأ .... احنا بنطالب بتطبيق القانون على الكل
مفيش احسن من الالتزام
مالها الستاير المزيكا؟
زي الفل
ولو جبت اربعة منها لكل الابواب وستارة كبس ورا
خلاص زي الفل
انا عديت كتير قبل كدا علي كماين بالستارة الكبس اللي ورا
ولا واحد كلمني فيهم
الا مرة ظابط سالني دا فامية؟ قولته لا ستارة ومركبها علشان نور العربيات النقل بيأذي عيني
الراجل مشكورا سابني ومرخمش وكل دا قبل الثورة
والله وانا زيك وكل ما الواحد يتعامل بااحترام بيجبر الي قدامه علي الاحترام .. الا قلة قليلة السلطة بتعمي عينيها
وبرضه بحب الستارة الكبس بدل الفيمية علي الزجاج اللي ورا...والظابط الي كان هيرخم عليا قلتله انا بسافر بليل وبتعمي زينون ونص نقل مبيرحموش الملاكي كله عالي عالطريق ضحك وقالي عندك حق انا بس افتكرته فاميه عدي ومشيت !! وقبل الثورة
ومع ذلك متفق مع الاغلب ان الفاميه له درجات محدوده حلوة ونقبلها علي نفسنا ولغيرنا علي الاقل للشمس الحراقه
معلش حتكلم عن تجربة وواقع عشته ... الامارات بتسمح ب 40% للعربية كلها... ممكن تركب 60% للشماسة والازاز الوراني لو انتا بتشوف منهم و محدض حيكلمك ... و انواع امركاني و 3m و harakat الي بتركب ولا كأنوا فبريكه ....
بالنسبة للستاير ... انا كنت قبل الثورة مركب ستارة ورا بس وقفت على كمين في المنتزة قالي 50 جنيه عشان الستارة قلتله اتفضل... قالي لااااااااااا انتا فاكرني ايه تدفع بس و تمشي فاكر نفسك نزيه يعني ؟ قالي هات الستارة قلتله ايه حاتاخدها تركبها للونش ؟ قالي لا ظريف و قام قطعها بمفتاح من معاه و رمهالي على العربية و اداني الرخص....