يعنى اعمل اية دلوقتى بعد يوم من التفييم
عرض للطباعة
يعنى اعمل اية دلوقتى بعد يوم من التفييم
العربيه ملكيه خاصه يعني مش من حق حد انه ينتهك خصوصيتك فيها او يتعدي عليك فيها مش معناه انك تعمل اللي انت عايزه واللي ممكن ياذي غيرك
البيت ملكيه خاصه بس ده مش معناه انك تشغله كباريه مثلا او تعمل فيه ساوند سيستم ياذي الجيران
السوبر بلاك مش بيخليك انت بس متشوفش ده بيخلي الناس اللي وراك هيا كمان متشوفش ومن حق الناس علي فكره انها تشوف مين اللي في العربيه والا بقي لما تخبط واحد وتجري وتقول انك مش انت اللي سايق وساعتها مفيش حد هيعرف اللي كان سايف لانه مش باين ده غير زي مالاخوه ذكرو كمية الشك اللي هتبقي عند اي حد لما يشوف عربيه عباره عن علبه سودا
بصراحه لما بشوفها ببقي عايز اكسر القزاز
كان في لجنة فعلا في شارع البحر في طنطا واقفه تدور علي الفامية وحتي مش بيشوف الرخص الفاميه وبسسسسسسسسسسسس
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
البلد مخربتش من قليل والله وحتي في الفاميه عايزين تلبسووها للشرطة
كل حاجة تحصل في البلد تحاسب عليها الشرطة طيب متعدلو القوانين و بعدين تحكمو علي الشرطة
وفي ناس تعليقاتها سخيفة جدا ولا تستحق الرد
اقسم بالله لو كانت حصلت معيا لا كنت ولعت في الكمين ب الي فية و ازا يخش عربيتك من غير اذن منك ولا احم ولا دستور مش من حقة وحيات ربنا الحركة دي لو حصلت معيا مش عاؤرف ساعته مكن اقول ايه و اعمل ايه اقل حاجة خلاص بقي عشان متوقفش بس بجد حرقت دمي اوي انت ازاي استحمل حيوان زي دة يعمل معاك كدة و تبص علي عربيته متشوفهاش من كتر الازاز الاسود يحللوة ل نفسهم و يرحموة علينا:untitled 1::untitled 1:
هو ليه كل واحد عايز يبرر خطاه يقول عربيتهم بتعمل وبتخلي طيب ماتصلح نفسك الأول وملكش دعوه بغيرك
يعني هو لو معاه واحده في العربيه هتعمل زيه ؟؟
منطق غريب فعلا
هو احنا هنبقي كويسين ازاي طالما بنرمي اخطانا علي شماعات غيرنا
وبلاش الله يكرمكم انا هولع في الكمين وهعمل واخلي لانه اولا مش سلوك حضاري ولا حتي اسلوب نتكلم بيه وثانيا محدش بيعمل حاجه وكله بيقف واخره يزعق شويه
بالنسبه للفاميه :
ملوووووش حل ... ودي حاجه انا مجربها بنفسي بقي لاني مركبه في الازاز اللي قدام علشان الشمس
لو جربتوا التكيف في وجود فاميه وفي حاله عدم وجود الفاميه هتحسوا بالفرق جدااااااااا
وبرده شكل العربيه في حاله وجود فاميه وفي حاله عدم وجود الفاميه
وسيبكوا بقي من دول الاهم : الشمس اللي كانت بتاكل دراعي ووشي وكانت بجد بتكرهني في حياتي واللي مجرد ما ركبت الفاميه محستش باي حاجه من الكلام ده ورجعت تاني اسوق الظهر في الصيف عادي بعد ما كنت بحاول اتجنب سواقه الظهر في الصيف لاني كنت بتعذب لو جربتوا الفرق بجد مكنتوش هتقولوا كده
ده بالنسبه للايجابيات
*اما بالنسبه لانه بيحجب الرؤيه عن اللي بره وده ممكن يخلي مجرم يستخبي فده مش شرط لاننا مش لو شلنا الفاميه المجرم مش هيستخبي المجرم ممكن يلبس ست ويستخبي ... وبعدين معظم الناس بتركب ستاير كبس رغم انها اسوا من الفاميه في كل حاجه والستاير الكبس بتحجب الرؤيه علفكره عن الفاميه كمان
والستاير برده بتخلي الواحد مش يشوف ايه اللي قدام العربيه اللي مركبه ستاير
وبرغم كده الستاير مسموح بيها والناس كلها مركباها
* اما لو الفاميه بيحجب الرؤيه الداخليه فدي بتختلف من واحد لواحد ومن درجه لدرجه ... انا ممكن اشوف من الفاميه فهسيبوا وحضرتك ممكن تركبه ومتشفش منه حاجه فاكيد هتروح تشيله
وكان حتي في عضو محترم هنا قايل في توبيك تاني انه ركب الفاميه وكان شايف منه وبعدين والدته لما جت تسوق مشافتش منه حاجه فاضطر انه يروح يشيل الفاميه
مفيش حد هيلاقي الفاميه بيحجب الرؤويه الداخليه بالنسباله وهيسيبه ... استحاله
وفي ناس مش بتشوف منه فبيقطعوا حته في الفاميه من قدام علي قد شكل المرايه
* اما بقي لو بيمنع الرؤيه عن العربيات اللي وراك ... طيب ايه الحل في الاتوبيسات والمكروباصات والعربيات النص نقل والتريلات والكلام ده كله اللي مبنفشفش اللي قدامهم
* اما في ناس بتقولك لو سمحنا بالفاميه في ناس هتعمل حاجات منافيه للاداب فالعربيه والناس دول حسابهم بقي عند ربنا وبعدين دول اصلا احقر من اننا نفكر اصلا فيهم وهما كده كده مش هيغلبوا بالفاميه او من غيره
انا رأيي مادام ممنوع شيله
علشان لما حد يتلككلك
تمسح بكرامه اهله الارض
ده على اساس ان عند اهله كرامه يعني
انا الحمد لله بعد مادفعت مخالفات كتير على الفاميه وسحب رخص وصلت لحل فيمت زجاجين قدام درجه خفيفه بس مش اوى وفى الخلفستاير كبس وعملت شماسه كاربون عشان الشمس لما بتخبط فى العين بتعمى واخوكم لابس نظاره واول انبارح كنت فى المطار لقيت كمين جوه بيشوف الرخص وقفنى قالى الرخص وريتهاله وانا منزل الزاجاجين لقيته بيقولى ياريت تفك الستاير ديه نازل افكها قالى فكها وانت مكانك عشان الظابط ميخدش الرخص بجد عجبنى اوى بالرغم من انه نقيب بس بجد اول مره اقابل حد محترم كده من فتره كبيره انا طولت عليكم بس حبيت انقل تجربتى