الموضوع: نفس الهورس باور , نفس العزم , نفس الوزن .. لكن دي اسرع من دي ..ازاي ؟

المشاركة الأصلية كتبت بواسطة yasserelsayad

اكيد يا باشا طبعا عندك حق
بس تقريبا بس مش متأكد اوى من الموضوع دا ان aerodynamics ملوش عامل كبير اوى على السرعات القليلة زى ما هو على السرعات العالية .. غير كدا ان الموضوع دا بيساعد على تقليل استهلاك البنزين
على ما اتذكر ان ال coefficient of drag بتاع السيراتو 0.29 بس مش فاكر الصراحة شوفتها فين

كلامك سليم
السيراتو انا فاكرلها رقمين 0.31 و 0.29 تقريبا السيدان هي ال 0.31 والكوب هي ال 0.29 مش متأكد برضه
عامة هي أرقام ممتازة
الجين 0.30
الميجان 0.35
واضح الفرق
ولكن موضوعنا أساسا هيفرق عشان ال wheel HP وال wheel Torque ودول صعب نجيبهم
بس تفرق ممكن المقارنة في عربيتين متفتحين صح وتسارع من 0 ل 160
هو ده اللي هيقارن
وكل واحد فاه هينقل أمتي بقي
حسب عزمك بيخرج أمتي
وأنقل بعديه ب 1000 عشان بعدها العزم بيقل وبعدها ب 1000 عشان تكون في النقلة الجديدة داخل ب rpm عالي وتلحق المنطقة بتاعة أقصي عزم بسرعة

المشاركة الأصلية كتبت بواسطة kaza

و دي المعلومات في الويكيبيديا اللتي بتذكر أن ألفا روميو هي اول من استخدمه
سلام عليكم ..والله خليتوا الواحد رجع تاني للمذاكرة بسبب الكلام دة وموضوع مين اول من اخترع ولاصمم راس محرك متبدل توقيت الصمامات بة وقد قيل ان فيات والفا هم الاوائل وياريت حد مننا يعرف يطلع بحاجة زي كدة بدل الجدال بلاطائل دة
انا باعترف ان فعلا كانت هناك تصميمات للتوقيت المتبدل للصبابات بس فعلا الغرض منه كان اتقليل انبعاتات الوقود الغير محترق لدرجة تصميم بعض محركات الطائرات في فترة الحرب العالمية التانية بحارق لاحق للعادم في بعض التصميمات الاولي للمحرك النفاث الاول للطائرة الالمانية الميسشميدت 262 لاستغلال الحرق الكامل للوقود علي السرعات العالية واضافة طاقة اضافية لزيادة سرعة مراوح التوربين
كذلك فكرة فيات والفا باستخدام ضغط الزيت في تضييق مسافة فتح الصمام علي السرعات العالية لتقليل كمية البنزين الداخل لغرفة الحريق ليتناسب مع كمية الهواء الداخل لان كانت ظهرت المشكلة دي مع شيوع استخدام المكربنات او الكربراتيرات المتعددة للمحرك الواحد لدرجة ان في بعض التجهيزات كانت المحركات بتفيض بالوقود علي السرعات العلية وقتها 5500 لفة وتتوقف عن العمل لذلك بدء المصممون بالعمل علي علاج المشكلة دي بالتوقيت المتبدل لكن بالمقابل هوندا هي الاولي عالميا وراجع كويس النقطة دي بجميع مواقع هندسة السيارات وحتي موقع جامعة ميتشيجن لهندسة السيارات الشهير وحتي كتاب اوتوموتيف انسيكلوبيديا وذي كار وسلسلة هاينز وشيلتون ومواقع عديدة عي النت ..كل دول بيؤكدوا ان هوندا هي الاب الشرعي والمسجل باسمها براءة التوقيت المتغير بالتحكم الاليكتروني
وبالتالي يبقي ان الفا وانا متعصب جدا للطليان عموما كانت لديها الفكرة لكن لم تقيد ياسمها مثلها كمصمم الطائرات الالماني هينكل وعندنا مثال لاول مخترع للسيارة سنة 1769 الفرنسي كونيوت وسيارتة البخارية والتي كانت تعمل بالبخار ولا يتم تصنيفها علي انها سيارة لانه تعمل بالبخار بدلا من الاحتراق الداخلي كسيارة الالماني سيجفريد ماركوس والمصممة سنة 1875 والذي طورها فيما بعد الالماني كارل بنز وسجلها لاول مرة في تاريخ البشرية في مدينة منهايم في يناير 1886 كاول اختراع للسيارة

انا بصراحة سعيد بالمناقشات المفيدة دي :)