:: يا شباب الزجاج الامامي اتشرخ والشرخ بيزيد " لانسر شارك " ::

**Daash** · 04-05-2011 11:00 PM

السلام عليكم ورحمة الله وبركاتة

وانا ماشي فى أمان الله لقيت ظلطه حلوة نقرت الزجاج الامامي قولت الحمد لله مفيش مشكلة نقره خفيفة
تاني يوم بركب العربية لقيت النقرة اتحولت لشرخ كبير قولت عادى النهارده الشرخ بقى شرخين

قولت كده الزجاج انتهى ولازم نجيب زجاج جديد

اكيد اتعرض للموقف ده ناس كتير

انا عاوز زجاج امامي لانسر شارك بس طبعاً مش من التوكيل لأن السعر عالي جداً يا تري اقدر اجيب الزجاج ده منين ؟؟

وهل جريش ده كويس وعنده استثمار ومستورد ولا كله استثماري ؟؟

شكراً

**A.Saad** · 05-05-2011 12:38 AM

جريش مصنع مش مستورد

ممكن تشوف محل اسمه الدكتور خالد بيصلح الشروخ
هات نمرته من 140 وليهم كذا فرع

**Ralliart** · 05-05-2011 02:06 AM

انا عندي نقرة وشرخين طولهم 30 سم وعملتهم عند دكتور خالد بقالهم 3 سنين زي الفل مزادوش ولا مللي
كلمهم وشوف اقرب فرع ليك ولو مش هتنفع تتصلح هيقولك لانه كده كده بيديك ضمان مدى الحياه ان الشرخ مش هيوسع

**Daash** · 05-05-2011 05:43 AM

تمام الف شكر يا شباب هشوف دكتور خالد وربنا يسهل ولو حد لقى قدامه الزجاج الامامي استيراد يبلغنى عشان لو منفعش اغيره واستريح

شكراً

**HeMa_LanCeR** · 05-05-2011 10:59 AM

شوف دكتور خالد هيقولك ايه
لو مكنش
يبقي اطلع علي العاشر (مصنع دكتور جريش)
هتجيبه بسعر كويس جداااا والتركيب فوق الممتاز بمراحل

**مهندس_حسام حسين** · 06-05-2011 09:09 PM

معلش يا باشا قدر الله وما شاء فعل
انا حصل معايا الموقف دة بس ازقتة من السنة اللي فاتت ومزدش ولا حاجة عملتة في بنزينة وطنية بجوار سيتي ستار وهمة بيملوة بمادة سائلة تتغلل داخل الزجاج وبيدي علي ضمان 3 سنوات وبتلاحظ بعد الملو ان القطعة المشروخة لاتعطي انعكاسات للشمس ز
انا كنت هغير الزجاج في التأمين بس هناك قال لي ان الزجاج اللي موجود في العربية مش هاتلاقية ولو وجدتة مش هيتلركب زي تركيب المصنع ولا هيتلزق زي لصق المصنع و خلية لما ماينفعش خالص يبقي امرك لله وغيرة.

الموضوع: :: يا شباب الزجاج الامامي اتشرخ والشرخ بيزيد " لانسر شارك " ::

LinkBack

أدوات الموضوع

عرض