يبقى الصح يتمنع بيع الخمور وتبقى مصر Alcohol free ذى الامستيل و البيريل !!!
الموضوع مش سياحة بس دة مبدأ عام على البلد كلها
عرض للطباعة
يبقى الصح يتمنع بيع الخمور وتبقى مصر Alcohol free ذى الامستيل و البيريل !!!
الموضوع مش سياحة بس دة مبدأ عام على البلد كلها
1- ايران رافضة شيعة وليست سنة واساسا نظام حكم وتقديس الملالي يعتبر كفر عند المسلمين فلا يجوز ابدا القول اننا نريد ايران اخري !! هل يريد المسلم يحكم بنظام كفر !! الجهل الجهل الجهل
2-التوبك مفتوح للسياحة فا طبيعي هنتكلم في السياحة مش هنتكلم في كل شئ منا ممكن اعمل حاجة في مجال موضوع طويل عريض بحث كامل عن الاقتصاد الاسلامي . . . التوبك عن السياحة والطبيعي يكون الكلام في التوبك
3-الي بيتهم ناس اننا محتكرين الدين و و و. . . دة هروووووووب واضح . . لسبب بسيط كل علماء المسلمين متفقين علي حرمية باتة لشرب الخمر وبيعة وتجارتة بنسبة للمسلم
والامر ليس في الخمور فقط . . .
سؤال لا اعلم اجابتة ؟ هل ممكن للأجنبي ان يأتي بزجاجة خمر اثناء رحلتة لنفسة في زيارتة لمصر ويأتي بها من بلدة ؟ ارجو طرح الرأي الشرعي وشكرا
أنا مع إلغاء الخمور والعري وأي فساد في السياحة. واللي عاجبو ييجي يسيح كدة أهلا وسهلا واللي مش عاجبو ألف سلامة يروح يسيح في أي حته ناشفة
انا عاوز افهم اصلا يعنى ايه الغى السياحة فى مصر
يعنى 2 مليون واحد شغلين فى السياحة قعدو من مرشدين وسواقين ومحاسبين واقسام تانيه كتير
يعنى حوال مليون واحد قاعدو شغلين فى بازارات
يعنى حوالى مليون واحد كمان قاعدو من صحاب المطاعم واللى شغلين فى المطاعم
يعنى الدخل اللى كان بيخش لمصر من الهرم بـ 60 جنيه للفرد والمتحف 50 والقلعه 50 وغيرها بهذه السعار هتبقى بـ 2 جنيه للمصرين واخوتنا العرب
يعنى مفيش عمله اجنبيه هتبقى فى البلد تانى لأن حسب التقرير اللى ورد ان تانى اكبر قطاع فى مصر بعد العقارات هو السياحة وهو اللى بيزود تداول العملة الأجنبيه داخل البلد
تقدرو تقوليلى لو السايحه وقفت كل الناس اللى فوق ديه هتشتغل فيييييييييييييييييييييين وازى وبكاااااااااااام
طبعا ده كلام فاضى فى وجهة نظرى ان قطاع زى ده يتلغى لآن احنا السياحييين لو طلعنا بئه احنا عملنا واقفه فى ميدان التحرير هنقفل القاهرة كلها متقليش بئه 2 مليون ولا 3 مليون فا ده كلاااااااااااااام مستحيل
بمناسبة أن الموضوع عن السياحة أنا هاتكلم بشكل محايد tفى نقطة مهمة أوى للناس اللى بتهاجم ألأجانب و السياحة و بيتكلموا عن السياحة الداخلية و تشجيعها...أحنا كمصريين للأسف شكلنا بيبقى وحش جدا قدام الجنسيات التانية فى الفنادق(الموضوع دة لمسته بشكل مكثف فى فترة أجازات شم النسيم)..والله لو السائح المصرى حسن سلوكياته هايبقى فيه فرق كبير جدا..... علشان ماحدش يتجنى على الناس اللى فى المنتجعات و انا مابشتغلش فى فنادق بس بتعامل مع الفنادق لأنى شركة سياحة...مبدئيا حتة انى مصرى و علشان كدة بتعامل فى الفنادق وحش الكلام دة غير صحيح تماما...و على العكس الناس اللى بتشتغل فى المنتجعات لما حد مصرى بييجى و الله بيتعاملوا معى المصريين بأفضل ما يمكن و بيفضلوهم فى الخدمة عن ألأجانب دة لو فى حالة اننا بنتعامل مع الناس اللى بتشتغل ديه بشكل كويس...لأن للأسف فى ناس بتيجى تتعالى على الناس اللى شغالة فى الفنادق و تتعامل معاهم فى منتهى السؤ و قلة الزوق و التكبر( وبشوف دة بنفسى كتير) و طبعا داخل فى دة السلوكيات السيئه لكتير من المصريين:
* ثقافة البوفيه المفتوح ...بمعنى ان المصرى مش بيقف فى الطابور على البوفيه و ده بيدى صورة سيئه جدا جدا عننا كمصريين..يعنى تلاقى ألأجانب واقفين طابور و تلاقى هوب ..أسرة مصرية داخلة على البوفيه من كل اتجاه و يخش من النص على الصنف اللى هوا عايزة بغض النظر عن أى واحد واقف.
*ثقافه الطبق ...للأسف في ناس كتير جدا جدا بيقعد يملى فى الطبق و يعملوا زى الهرم و يكوم فى حلو و فاكهه على الترابيزة...وفى ألأخر مابياكلش كل ألأكل دة و دة طبعا بيسبب انتقاد للسلوك ده من ألأجانب و المصريين الموجودين بالمكان
*ثقافةاستعمال الغرف...ألأجانب لمل بيسيبوا الغرف بيسيبوها فى حالة كويسه جدا و مفيش زبالة ولا خساير فى الغرف و يادوب نظافة خفيفه و تغيير ملايات بعد ما يمشوا....للأسف فى نسبة كبيرة جدا من المصريين بتسيب الغرف فى حاله يرثى لها من سوء ألأستعمال و ثقافة "ألأنتقام" ماهو أنا دافع فلوس و باخد حقى...لدرجة أن فى فنادق بتفضل تبيت الغرفة فاضيه على أنها تسكنها لحد ممكن يدمرها
*ثقافه ألأجازة...للأسف عندنا فى مصر الناس مابتحترمش الناس اللى حواليها فى أثناء ألأجازة..بمعنى..معاك أطفال يبقى لازم تسيطر عليهم علشان ما يبقوش مدمرين للمكان و مزعجين لكل الناس الموجودة فى الفندق...والله أنا عمرى ما شوفت أطفال أجانب عندهم الفكر التدميرى اللى اللى بيبقى موجود عند ألأطفال عندنا(لأن ببساطه عندنا ألأم و ألأب سايبيين ألأطفال يعملوا اللى هما عايزين فى حاجة الناس) و الله بدون مبالغة كنت قاعد مرة فى كوفى شوب و شايف طفلين و جنبيهم أمهم و الطفلين ماسكين شجرة صغيرة شكلها جميل و فيها ورد و بيخلعوها من جدورها و أمهم شايفاهم و قاعدة تتكلم مع اللى جنبها بدون أى كلمة للأطفال...والله أنا دمى فار و روحت جريت عليهم و وقفتهم بالراحة و قولت لهم حرام دى كائن حى بيحس زينا و بصيت ناحية أمه و لاحظت أن شكلها متعلمة ..بس للأسف يظهر أنها مش فى دماغها خالص أن الطفل بيدمر حاجة جميلة و أنها لازم تخلى بالها من الحاجات ديه.
و الله...لأازم الناس تفهم ثقافة ألأجازة ...و لو فى رحلة مصريين طالعة شرم أو الغردقة بيكون مع الرحلة مشرفين..المشرفين دول لازم يفهموا الناس بدون حساسيات السلوكيات الصح فى الفنادق...حتى علشان شكلنا و سمعتنا كمصريين...و الله أنا كنت مكسوف جدا و فى نص هدومى من شكاوى ألأجانب لما مصرى يخش قدامهم بدون طابور بمنتهى اللامبالاه فى المطاعم (و دة موقف متكرر بشكل بشع من المصريين) ألأجنبى لما تتخطاه فى الطابور دة بيكون كأنك شتمته و أهنته و سرقته.