الموضوع: أين قطع غيار تويوتا ستارليت 94؟؟؟؟

معلش اعذرنى هو قطع غيار 93 هى هى 94؟؟؟
محتاج
1. وش قدام
2. كوع و مساحات خلفية
3. كشافات أمامية و خلفية (اشارة و نور)
4.مساعدين

أنا فى حاجات من ده لقتها فى التوفيقية فى وسط البلد بس كانت غالية (وش 130....كشاف 65.... مساحات أمامية 35) فا مش عارف ده الأسعار العادية ولا كدا غالية؟؟؟
شكراً للتوضيح

المشاركة الأصلية كتبت بواسطة pro_samir

التسعينات كلها نفس الموديل لحد 97

الفوانيس الخلفيه استيراد بحالة الجديد من العالميه في الحرفيين ب350 جنيه و الاشارات الأمامي الواحده ب65 نوعها ديبو ، و الفوانيس الأمامي مش متأكد من سعرهم بس أظن الأتنين في رينج 350:400 كلهم من عنده

المساحات بتاع أي عربيه مش فارقه في حاجه ، الريبر كنت جايبه الجوز بعشرين جنيه تقريبا مش فاكر

المساعدين من عند الصوابي في شبرا نوعهم kyb ياباني الأصلي الجوز الأمامي ب 650 جنيه و الخلفي 500 جنيه ، بلاش تجيبهم استيراد

تليفونات الناس دي في الموضوع اللي حطيت لحضرتك اللينك بتاعه ، وفي ناس في الوكاله برضو عندهم حاجتها ارخص من الحرفيين شويه

مش فاهم قصدك ايه بـ وش قدام ؟ والكوع ؟

وبالنسبه للأسعار اللي حضرتك كتبتها برضو مش فاهم قصدك ايه بالوش و انهو كشاف ب65 ؟

تقريباً نفس الأسعار فى التوفيقية قى وسط البلد
الوش أقصد به القطعة البلاستيك فى أمام العربية (عليها علامة toyota)
أما الكوع أقصد بى القطعة اللى بيركب عليها الدراع بتاع المساحة اللى فيها المسمار اللى بيلف منه دراع المساحة

متشكر جداً جداً بجد متتصورش حضرتك أفادتنى قد ايه...

المشاركة الأصلية كتبت بواسطة pro_samir

العفو علي ايه ، تحت أمرك في أي استفسار

اسمها الشبكه علي فكره مش الوش :) مش فاكر كانت بكام بس اظن في رينج 100 ج ، ودراع المساحه مش عارف سعره

و يا ريت تقولنا لاقيتلها قطع غيار ايه في التوفيقيه وأسعارها

معلش حضرتك أنا لسة جديد فى العرابيات و لسة بتعلم و لسة محفظتش المصطلاحات كويس

محل فى التوفيقية اسمه "سرور" عنده حاجات كتير و محل تانى اسمه "سيد حامد"

شبكة....130
فانوس او إشارة.....65
مساحات (مسمارين)....35
ثرموستات.....50
دول الحاجات اللى سألت عليها و عارف أسعارها بس

شوف اللينك دة
http://www.nilemotors.net/Nile/174564-a.html

انا امبارح كنت في التوفيقية
اشتريت من محل (( الشيخ طارق ))

اشارة فانوس تايواني بـ 175 جنيه (ديبو)
فلتر بنزين ياباني بتاعها بالظبط بـ 40 جنيه

سئلت علي المساعدين الخلفي بـ 1500 جنيه
الكشافات الامامي ( الواحد بـ 450 جنيه )
الشبكة ( للأسف بـ 450 جنيه )