الخوووووووووووووووووووووو ووووووف مش عاوز يروح من عندى وانا سايق مش عارف اعمل ايه وهو اللى بيخلينى اغلط وببقا متوتر جدا
ولا انا شكلى كده مليش فى السواقه ومحولش انى اسوق تانى
عرض للطباعة
الخوووووووووووووووووووووو ووووووف مش عاوز يروح من عندى وانا سايق مش عارف اعمل ايه وهو اللى بيخلينى اغلط وببقا متوتر جدا
ولا انا شكلى كده مليش فى السواقه ومحولش انى اسوق تانى
سوق عادى جدا و انسى الخزف دة خالص بس خد السواقة مرحلة مرحلة ماتحاولش تنط من مرحلة لمرحلة خلي كل حاجة ناخد وقتها و ربنا يوفقك
خوف من ايه طيب يا صديقي؟!
مين اللي علمك السواقة ؟
يباشا الكل كان كده ف الاول بما فيهم الناس اللي بتمشي تقفل العداد كلهم اول مابداو كانو كده... دي مش حاجة personal ... حاول بس تطلع بيها الصبح بدري اوي والاحسن يكون معاك واحد صاحبك حتي لو مبيعرفش يسوق لكن هيديلك احساس بالثقة شويه ان في حد جنبك ..
ومستنيك بعد 3 اسابيع من النهاردة تنزلنا فيديو بتشد فيه مع لمبروجيني وتعلم عليه كمان..:grin54:..
اللى علمنى السواقه واحد صحبى انا بمشى بالعربيه عادى بس الخوف اللى بيخبينى اغلط وعلى فكره العربيه جديده لسه نيو اكسنت سبورت وربنا يكرمك يا اخ taiwo يا رافع من معنوياتى انا مش عاوز اقفل العداد بس امشى من غير خوف
تمام
هو بالنسبة لصديقك الله اعلم كانت طريقة تعليمه ازاي
و لكن الخوف بيكون هدف اي حد بيعلمك السواقة انه يشيل اي خوف من ناحيتك تجاه العربية
و زي ما الاخ TaIwo قال هي مجرد فترة و هتاخد على السواقة
لأن في الاول بتبقى مركز هتنقل امتى و تبص في المراية و تكون خايف تعدي حد بس بمرور الوقت كل الكلام دة بيكون تلقائي
طب ده كويس انك خايف عشان تسوق بحرس
انت احسن من اللى بيتعلم وقلبه بيبقي جامد
واحده واحده وبعدين هتنسي الخوف خالص معظمنا كان كده فى الاول
تجنب السير في الامامن المكتظة والشوارع الضيقة (خاصة لو اتجاهين ) علشان متهزش ثقتك بنفسك...
خد وقتك كاملا والأفضل مش تركب حد من أفراد اسرتك ف الفترة دي لان ده هيشكل ضغط عليك لاحساسك انك المسؤل عن العربية والناس اللي فيها.. الأفضل أختار حد من أصحابك ف الفترة دي..
لاتعير انتباها في التقاطعات للعربيات اللي وراك لو بدي عليهم الاستياء أو ارتفعت اصوات الكلاكس لمطالبتك بلتحرك .. وخد التقاطع حسب الوقت اللي بتطلبه الامر (( اللي مش عاجبه يشوف طريق تاني)) ..
في المناطق الفاضية حاول تتعرف علي أبعاد وحجم عربيتك علشان لما تبقي وسط الزحام تعرف المساحة اللي تحتاجها عربيتك وتعرف المكان ده يكفيها ولا لا... يفضل أستخدام علامات ف الطريق (( ولو قطع من الحجارة)) والتنقل بينها..
تجنب التنقل بين الحارات .. أختار حارة وخدها للاخر .. اذا تطلب الامر تغيرها لاخذ منعطف بص كويس ف المرايات ولاتنسي ان السيارات بجانب باب سيارتك الخلفي لاتظهر ف المراية.((blind point ))..
لاتغلق زجاج سيارتك ولاتعزل نفسك عن الأصوات الخارجية (( ماتعليش الكاسيت)).. ممكن تشغله عشان يخليك فايق وهادي لكن تكون برده سامع الأصوات الخارجية..
وهستني برده مانشيتات الصحف بعد 3 أسابيع (( هجوم الأكسنت يجتاح العاصمة وضواحيها مع أختلاف فروق التوقيت .. هل من منافس ))..
كلام الاخ Taiwo مظبوط
بس حبيت اضيف انك حاول تمشى فى شوارع فاضية وعود نفسك على انك تبص فى المرايا نظرة خاطفة ومتمشيش بسرعات عالية
مفيش حاجه اسمها ملكش في السواقه
حاول في الاول تسوق في مكان فاضي يومين تلاته تاخد بس على غيارات العربيه وطريقه تحريكها وبعدين انزل سوق في شارع الزحمه فيه قليله وامشي خدو رايح جاي لغايه اما تحس انك تمام انزل بقا سوق في الزحمه و نصيحه متاخدش حد من اهلك زي ما قال استاذ taiwo الا لما تتمكن من السواقه وتكون تمام التمام لان دول فعلا هيخلوك مرتبك جدا وعشان برضو تحافظ على منظرك لو حد شتمك هههههههه متزعلش مني بهزر معاك
اولا شكرا لكل الناس اللى ردت عليه وشجعتنى
ثانيه النهارده كسرت حاجز كبير من الخوف ومشيت على البحر عندنا فى اسكندريه والحمد لله كنت حاسس ان انا كويس
ثالثا عندنا كوبرى محرم بك وانا طالع عليه السكه وقفت وانا جاى اطلع العربيه فضلت تبطل ووقف السكه وكان شكلى وحششششششششششششششش جدا واتفرجو بقا على التعليقات
ما بتعرفوش تسوقو بتركبو عربيات ليه غير بقا النظارات انا كنت حاسس ان الناس عاوزه تنزل تموتن
وممكن يا جماعه استفسار لو انا ماشى وفجأه وقفت عربيه قدامى بدوس فرامل مع دبرياج انا بحس بقا لما بدوس دبرياج ان العربيه بتسحب اكتر مش بتلم معايى مش عارف ليه واخيرا شكراااااااااااااااااااا لكل من
taiwo
mzeid
elpasha
super star
smaalos
بسم الله ما شاء الله
مشيت على البحر و قلقان يا عم تعالى علمنى سواقه
جمد قلبك دنتا مشيت على البحر انا من اسكندريه و عارف المشى ع البحر و مطلع رخصه من شهر 12 اللى فات و ممشتش ع البحر و لا مره
نصيحه اللى علمنى سواقه و ولد ممتاز جدا جدا جدا جدا انى اقفل الازاز و اكنى مش سامع حد خالص مهما اتكلم او ادى كلاكس
انا عايز اسئلك انا كمان لسه جديد بس خايف اجيب عربيه جديده بدور على المستعمل بس حاجه تقرف بصراحه
ايه رايك
اجيبلك من الاخر انا كان عندى نفس المشكلة بس حلها كان بسيط جدا التواضع ايوه التواضع يعنى ايه تعامل ان انت مبتعرفش تسوق يعنى متحتش نفسك فى موقف يربكك او يخوفك يعنى مثلا انا طالع على الشارع العمومى وعايز اخد اول يو ترن اقبله وروح الناحية التانية بس المشكلة اية ان الشارع الى حطلع منه على الشارع الرئيسى قريب جدا من اليوترن وده حيخلينى اقص الشارع بالعرض وطبعا حتبقى كارثة كنت بعمل ايه بمشى فى الشوارع الداخلية مسافة كويسة وبعدين اطلع على الطريق الرئيسى واجى شمال برحتى خالص وموجعش دماغى حتى لو اخد وقت اطول:embarrassed: انا لسة بتعلم وبعدين جيت فى يوم بدرى وطلعت على الشارع وكان فاضى مش زحمة اوى وقررت انى اخد اليوترن قص وفعلا عملتها ومش عايز اقولك كنت سعيد اد اية وفرحان اد ايه وعرقان اد ايه:grin54: من التوتر ياراجل ده انا كنت خايف على العربية من البارومة من كتر مكنت ببقى متوتر وعمال اعرق:grin54: متقلقش وجمد قلبك وعلى مهلك واشوفك بعد شهر فى الاتوكروس:16:
والله يا معلم ده شيء عادي الخوف ده عند كل بني ادم دي حاجه ربنا خلقها فينا
بس هي المشكله انك لما تبقى خايف وتتوتر مش هتعرف تتصرف كويس يعني التوتر هيخليك متردد في اختيارك للي هتعملو وممكن يكون تصرفك غلط وفيه تسرع بسبب الارتباك
عالعموم انا كنت زيك ويمكن اكتر كنت بروح مشاويري من غير العربيه عشان خايف اخبطها وانا مش قد السواقه والكلام ده
لكن حليت المشكله اني لما احس اني هتوتر وهخاف باخد نفس عميق كده واريح اعصابي كأن مفيش حاجه وأنتخ كأني على الانتريه ( بلاقيني خدت القرار الصح ) بص حاول لما توتر تهدي تفسك وتبقى ريلاكس خالص ( وطنش الناس ) لحد ما تطلع من الي انته فيه يعني على اقل من مهلك وخد القرار المناسب وحس انك انته الي سايق العربيه يعني القرار الصح هيجي منك انته
( ونصيحه اخيره لو فضلت خايف لا هتروح ولا هتيجي ولا هتستفيد من العربيه لازم تتحدى نفسك وتكسر الخوف )
لأن مفيش في الحياه ضمان مقدرش اضمن اني هخرج وهرجع او مش هخبط العربيه لكن الانسان بيهدي اعصابو عشان ياخد احسن قرار ممكن
لكن خد الامور ببساطه نفرض في حارة ضيقه او حته صعب المشي فيها يبقى ممكن ادور على اقرب ركنه وامشي فالحته دي اسهلي من ان العربيه تتخدش او كده ( لكن مش دايما طبعا )
بالنسبه للمينوال فدور على ساحه فاضيه او باركينج اي حته كبيره وواسعه وجرب النقلات واقف فجأه وحط حواجز عشان تدرب نفسك ( كله بيعمل كده ) حتى مايكل شوماخر نفسو
ولو حاسس انك مش بتعرف تسوق مثلا ممكن تجرب تدرب نفسك على لعب الفلاش دي فيها محاكيات في اماكن ضيقه وصعبه
Car Parking Games
شكرا للاخ link والاخ zeg zaag
طبعا الاخ taiwo مخلاش حاجه نقولها
حاجه جميله جدا انك بتسوق مانويل لان فى ناس كتير اعرفها بتسوق اوتو من زمان بس لما اخليهم يركبو عربيتى بتبطل منهم فى الطلعه فحط فى دماغك انك احسن من ناس كتير بس انت محتاج شويه خبره علشان تتعود و تنسى الخوف و برده انا شايف انك محتاج شويه اساسيات فى السواقه ناقصاك فحاول تعرف ايه نقاط ضعفك و تحسنها او تخلى حد يحسنهالك
اخيرا لو ميزانيتك تسمح اشترى عربيه رخيصه سوقها لانك دلوقتى اكيد بتبقى خايف على عربيتك الجديده واكيد ده بيمثل معظم اسباب توترك
بالتوفيق