ارجوكم انصحونى اعمل ايه

**casper_romio** · 05-05-2011 01:10 AM

الخوووووووووووووووووووووو ووووووف مش عاوز يروح من عندى وانا سايق مش عارف اعمل ايه وهو اللى بيخلينى اغلط وببقا متوتر جدا
ولا انا شكلى كده مليش فى السواقه ومحولش انى اسوق تانى

**matrix_it** · 05-05-2011 01:18 AM

سوق عادى جدا و انسى الخزف دة خالص بس خد السواقة مرحلة مرحلة ماتحاولش تنط من مرحلة لمرحلة خلي كل حاجة ناخد وقتها و ربنا يوفقك

**Ashraf_Ibrahim** · 05-05-2011 01:30 AM

خوف من ايه طيب يا صديقي؟!

**graffittiii** · 05-05-2011 06:20 AM

يباشا الكل كان كده ف الاول بما فيهم الناس اللي بتمشي تقفل العداد كلهم اول مابداو كانو كده... دي مش حاجة personal ... حاول بس تطلع بيها الصبح بدري اوي والاحسن يكون معاك واحد صاحبك حتي لو مبيعرفش يسوق لكن هيديلك احساس بالثقة شويه ان في حد جنبك ..
ومستنيك بعد 3 اسابيع من النهاردة تنزلنا فيديو بتشد فيه مع لمبروجيني وتعلم عليه كمان....

**casper_romio** · 05-05-2011 02:32 PM

اللى علمنى السواقه واحد صحبى انا بمشى بالعربيه عادى بس الخوف اللى بيخبينى اغلط وعلى فكره العربيه جديده لسه نيو اكسنت سبورت وربنا يكرمك يا اخ taiwo يا رافع من معنوياتى انا مش عاوز اقفل العداد بس امشى من غير خوف

**Mzeid** · 05-05-2011 04:44 PM

تمام
هو بالنسبة لصديقك الله اعلم كانت طريقة تعليمه ازاي
و لكن الخوف بيكون هدف اي حد بيعلمك السواقة انه يشيل اي خوف من ناحيتك تجاه العربية
و زي ما الاخ TaIwo قال هي مجرد فترة و هتاخد على السواقة
لأن في الاول بتبقى مركز هتنقل امتى و تبص في المراية و تكون خايف تعدي حد بس بمرور الوقت كل الكلام دة بيكون تلقائي

**Super_Star_h** · 06-05-2011 01:11 AM

طب ده كويس انك خايف عشان تسوق بحرس
انت احسن من اللى بيتعلم وقلبه بيبقي جامد
واحده واحده وبعدين هتنسي الخوف خالص معظمنا كان كده فى الاول

**graffittiii** · 06-05-2011 06:13 AM

تجنب السير في الامامن المكتظة والشوارع الضيقة (خاصة لو اتجاهين ) علشان متهزش ثقتك بنفسك...
خد وقتك كاملا والأفضل مش تركب حد من أفراد اسرتك ف الفترة دي لان ده هيشكل ضغط عليك لاحساسك انك المسؤل عن العربية والناس اللي فيها.. الأفضل أختار حد من أصحابك ف الفترة دي..
لاتعير انتباها في التقاطعات للعربيات اللي وراك لو بدي عليهم الاستياء أو ارتفعت اصوات الكلاكس لمطالبتك بلتحرك .. وخد التقاطع حسب الوقت اللي بتطلبه الامر (( اللي مش عاجبه يشوف طريق تاني)) ..
في المناطق الفاضية حاول تتعرف علي أبعاد وحجم عربيتك علشان لما تبقي وسط الزحام تعرف المساحة اللي تحتاجها عربيتك وتعرف المكان ده يكفيها ولا لا... يفضل أستخدام علامات ف الطريق (( ولو قطع من الحجارة)) والتنقل بينها..
تجنب التنقل بين الحارات .. أختار حارة وخدها للاخر .. اذا تطلب الامر تغيرها لاخذ منعطف بص كويس ف المرايات ولاتنسي ان السيارات بجانب باب سيارتك الخلفي لاتظهر ف المراية.((blind point ))..
لاتغلق زجاج سيارتك ولاتعزل نفسك عن الأصوات الخارجية (( ماتعليش الكاسيت)).. ممكن تشغله عشان يخليك فايق وهادي لكن تكون برده سامع الأصوات الخارجية..

وهستني برده مانشيتات الصحف بعد 3 أسابيع (( هجوم الأكسنت يجتاح العاصمة وضواحيها مع أختلاف فروق التوقيت .. هل من منافس ))..