استعين بالجيش يعني

**drzezo0o** · 05-05-2011 05:37 AM

السلام عليكم ورحمه الله وبركاته
ياجماعه انا النهارده جاي اطرح موضوع جديد لخبراء متسوبيشي
بدايه الموضوع هو زيت الفتيس ونوعيته وكميته وطريقه التغير وبكام وفين ؟
انا واحد من اصحاب لانسر شارك كويتي كامله هاي لين 2008
عربيتي لما كانت عامله 60الف حبيت اغير زيت الفتيس روحت 12 عبد الخالق ثروت - ت: 25758130
وده مركز معتمد للصيانه الراجل رفع العربيه وفك المصفحه ولقي طبه بمسمار 22 فكها الزيت كله نزل وبعد كده ربطها وحط 5 كيلو زيت باور من نوع موبيل AFT
,وقاس الزيت وكله تمام التمام النهارده وانا معدي على محطه موبيل المعادي وديه فيها مركز صيانه متسوبيشي معتمده بساله لان العربيه دلوقتي عامله 90 الف عايز اغير زيت الفتيس قالي العربيه بنحطلها 8 كيلو زيت طبعا استغربت جدا لكده ازاي مركز يحط 5 ومركز يحط 8 ؟؟؟
طبعا اتصلت بالتوكيل بقول للمهندس ازاي حطيت 5 وهيه 8 قالي دول محطه موبيل بيشتغلو الناس وهيبوظولك الفتيس لو روحت عندهم واقنعني بان الطبه ديه معموله لايه مفيش حاجه اسمها 8 مع ان الكتالوج الخاص بالسياره بيقول غير كده خالص بيقول 7.5 كيلو
السؤال هنا الزيت عندي مضبوط جدا جدا ومفهوش اي نقصان وقسته اكتر من مره ايه الحل في كده ارجو المساعده انا دلوقتي عايز اغير الزيت وبستشير اي حد هنا جزاكم الله كل خير
مع ان عندي لانسر شارك تانيه موديل 2008 بس مانيوال عامله على العداد 520 الف كيلو خمسمائه وعشرون الف كيلو وبغير زيت فتيس عادي كل 100 الف بس المانيوال معروف زيته ايه غير الاوتوماتيك
ساعدونننننننننننني يارجاله

**مصراوي جدا** · 05-05-2011 02:30 PM

يا باشا الموضوع مش محتاج الجيش ولا حاجه

الموضوع ببساطة كالتالي :

الشارك والبومة لما بتغير زيت الفتيس من الطبة بينزل 5 كيلو فعلا انما مش بينزل كل الزيت اللي في دورة زيت الفتيس

لكن من خلال ماكينة شفط الزيت من كل دورة زيت الفتيس بيتم شفط حوالي 8 لتر كاملين وبالتالي اللي بيتم في قليوب وجسر السويس ومحطة موبيل المعادي ومحطة موبيل الاوتوستراد (ودي المراكز الأربعة التابعة لشركة مصرية) هو تغيير ال 8 أو 8.5 لتر كاملين وده الأفضل لشفط كل الزيت اللي في الدورة برواسبه

اما فرع عبد الخالق ثروت فهو احد المراكز الأربعة التابعة لشركة الرواس وكلها معتمدة والمفروض انه عارف ان مركز الخدمة السريعة داخل محطة موبيل المعادي يتبع شركة مصرية والفنيين فيه موظفين في شركة مصرية ولا يتم هناك عمل اي صيانة خارج النظم الصحيحة الموصي بها من الشركة الأم

لو احتجت اي توضيح اضافي ممكن تتصل بمركز الخدمة الرئيسي في قليوب تليفون 42157629 وتطلب تكلم احد مهندسي الصيانة او المهندس احمد عناني مدير الورشة

**drzezo0o** · 06-05-2011 04:05 AM

مفيش اي مشكله واجهتني لغايه دلوقتي غير مشكله واحده بس

غياز الزيت كل 10 الف كم و

و
و
و
و
وو

وبحطلها بنزين 92 + اوكتين

هههههههههههههههههههههه

**mr_vampire** · 06-05-2011 07:18 PM

موديل 2008 وعاملة 520 الففففففففففففف كيلو. كانت شغالة علي خط ايه ده ياباشا لو سمحت؟؟؟؟؟؟؟؟؟؟؟؟

**drzezo0o** · 07-05-2011 03:21 AM

شغاله ايجار ياباشه بالسواق وبدون سواق بس الاغلب بدون سواق يعني فرم وطحن وكل الي عايزه بس بلامانه عربيه زي الزلطه قويه جدا من الاخر مش بتبوظ ابدا ابدا امسكو الخشب هههههههههههههههههه

**drzezo0o** · 07-05-2011 03:26 AM

مع العلم اني معايه سيراتو موديل 2011 عامله 66 الف كيلو بوظت عدد 2 كبلن غيرت البطاريه جميع اللمبات الصغيره تم تغيرها العفشه وقعت بدري بدري وكذلك الالنترا 2008 بعتها في 2008 فتشت بسرعه بعد 70 الف السوناتا 2009 ماشاء الله عليها عداد 180 الف محتاجشتش حاجه غير فتيس اوتو ماتيك وشويه صيانه عفشه اما القرش ده وحش باسنان حاده ومعايه ثلاثه منهم مانوال واوتو وكامله بتاعه البيت مش ايجار ولا حاجه
ودمتم طيبين

**basemsaeed** · 07-05-2011 11:39 AM

ربنا يباركلك فيهم كلهم و يديك خيرهم و يكفيك شرهم

**drzezo0o** · 07-05-2011 05:10 PM

امين يارب

**basemsaeed** · 11-05-2011 09:37 PM

السلام عليكم

بعد اذنك يا فندم
حضرتك كنت في موضوع قبل كده كاتب ان حضرتك شغال في توكيل لانسر و حضرتك كتبت اسعار لبعض كماليات السيارة
ياريت بعد اذنك تقولنا حضرتك في اني توكيل,,,لاني الصراحة شوفت اسعار حلوة جدا حضرتك كاتبها عن كماليات العربية
و ياريت بعد اذنك تكتبلنا اسعار قطع الغيار اللي حضرتك تعرف سعرها

و شكرا