لجميع ملاك اسكودا فيليشيا

**hesham70** · 07-08-2008 10:22 PM

ان شاءالله ناوي اعمل كده .....بس ذى ما كنت ذكرته من قبل لن يقل سعره عن 900 جنيه واحنا داخلين علي رمضان....... وربنا اعلم بالمصاريف ونفسي كنت احل المشكله دي باقل قدر من التكلفه.....والله المستعان

**dado_256** · 02-11-2008 12:50 PM

انا معاك يا د/ امير على فكره انا معايا فيليشيا 96 وبحبها جدا بس هيا مش بتحبنى مش عارف ليه وعلى طول فى مشاكل بينى وبينها

**DONYO** · 04-11-2008 10:00 AM

المشاركة الأصلية كتبت بواسطة XPLod

انا معاك وان شاء الله اكون من الاعضاء المتعاونين ودى اول معلومه عندى :

أنا مش برتاح لقطع الغيار اللى فى السوق ومش عارف هى ملتها ايه , انا بشترى الجديد فى حدود قليله جدا وبرتاح فى قطع الغيار الأستيراد مضمونه وأصلى وبختار الحاجه اللى حالتها حلوه وده رقم اللى بتعامل معاه فى الوكالة أسمه حماده بصراحه حاجته نظيفه جدا وأمين وبيبيع الحاجه الصح انا لسه شارى منه فتيس لعربيتى فيليشيا 97 ركبته والله كأنه زيرو ناعم زى الحرير الحمد لله وكمان اشتريت عفشه قنطره اماميه بالمقصات بالميزان بتعهم ( انا مكنش عندى الميزان ده ولا كنت اعرف حاجه عنه هو قالى انه بيعمل استابليتى اكتر للعربيه ) دول كلهم كانوا حته واحده راكبين مع بعض فى القنطرة ببرشام المصنع والله والله كانوا فابريقه بالتيكت ومدموغ عليهم المانيا .. ركبتهم زى ماهمه حته واحده بعد ما ركبتهم فى العربيه حسيت انى راكب زيرو والله.
الموضوع ده كلفنى 1200 جنيه ( الفتيس بالعفشه ) مش عارف غالى ولا رخيص مش مهم المهم انى شارى اصلى والعربيه بقت تحفه والحمد لله.

أنا مشكلتى نفسى الاقى ميكانيكى متخصص لانى مليش ميكانيكى معين .
ولو فى اى سؤال انا حاضر ..

وحمادة دة يا باشا في وكالة البلح ولا في الحرفيين ؟

**flymido** · 28-11-2008 03:50 AM

اتمنى نشاط الموضوع دة انا لسه جايب فليشيا 95
وخبرتى يا جماعه منعدمة للاسف وانتم المرجع الوحيد بتاعى

**MOHAMED ABD EL SHAFY** · 09-12-2008 01:52 AM

يا جماعة
اى حد عاوز يجيب اى مسمسار فى العربية عليه وعلى الوكالة
فيه ناس كتيييييييير اوى بتشتغل عليها وتشترى القطع الاصلية بضمان اسبوع على التجربة وباسعار ممتازة وتفاصل براحتك
اللى يقولكب 100 جنية على طول قولة هاخدها ب 25 جنية وتزود معاه لغاية 40 جنية وهكذا

**mindvision** · 17-12-2008 05:54 PM

المشاركة الأصلية كتبت بواسطة flymido

اتمنى نشاط الموضوع دة انا لسه جايب فليشيا 95
وخبرتى يا جماعه منعدمة للاسف وانتم المرجع الوحيد بتاعى

وانا كمان نفس الحكاية...
انا لسه جايب فيليشا 97 وعايز حد يصلح لي العداد لان مؤشر البنزين دايما مرفوع علي انه full tank حتي لو العربية مفيهاش بنزين !!!!
رحت الحرفيين قبل العيد لواحد بتاع عدادات هناك وكشف علي العوامه لقاها سليمه وقاللي المشكلة في العداد...
فهل حد يعرف واحد بتاع عدادات كويس اقدر اروح له يصلح لي العداد ده او اجيب منه عداد جديد او استيراد !؟!؟؟

**mazenossama** · 18-12-2008 04:49 PM

المشاركة الأصلية كتبت بواسطة mindvision

وانا كمان نفس الحكاية...
انا لسه جايب فيليشا 97 وعايز حد يصلح لي العداد لان مؤشر البنزين دايما مرفوع علي انه full tank حتي لو العربية مفيهاش بنزين !!!!
رحت الحرفيين قبل العيد لواحد بتاع عدادات هناك وكشف علي العوامه لقاها سليمه وقاللي المشكلة في العداد...
فهل حد يعرف واحد بتاع عدادات كويس اقدر اروح له يصلح لي العداد ده او اجيب منه عداد جديد او استيراد !؟!؟؟

اشك انك تلاقي جديد ولو لقيته تقريبا مستحيل كان عامل 900 في التوكيل ومش موجود من فطرة مكن تسال يمكن يكون جابو منه

استيراد بالبلدي مرطرط بالهبل في الوكالة عند بتوع الاسكودا يعمله 250-300 جنيه بالاربم rpm
وعادي بالساعه نفس التمن تقريبا

بس من لو عايز رأيي ممكن تكون العوامة بايزة وهو مش عارف او موصلها غلط صعب العداد يبوز

فرضا عايز تصلحه عندك واحد بيفهم اسمه الشاذلي قدام الوكالة بيصلح اجدعها عداد هيعرف ويقولك ايه الي بايز بس هو حراق ممكن تدفع 30-50 جنيه مثلا لو طلع في مقومة بايزه او حاجه

**zyadahmed** · 23-12-2008 09:38 PM

عندى فيليشيا 96 مش عارف اضبط الكهربا فيها بتبطل دايما و ( Rbm ) بتاعها بينزل للصفر مع نفسه وساعات يعلى للعشرين كل شوية اضبط أعليه واوطيه لحد ما ظبطت الكاربتير فى كوم الدكة فى اسكندرية وبرضو مش تمام قالى حط بنزين 80 لان كهربة الموتور واطية مع 92 وبنزين 80 هيضبطها مش عارف صدق الكلام ده ايه مع العلم حطيت مرة 80 لما اشترتها من 6 شهور كانت مأساة فى الصوت والحركة والسحب وكله أفيدونى افادكم الله ايه حل موضوع الكهربا والتبطيل ده

**mindvision** · 24-12-2008 10:34 AM

الحمد لله انا ركبت عداد جديد لان طلع العداد القديم اللي عندي فيه ايسيهات بايظة عشان كده ماكنش راضي يشتغل خالص...
بس دلوقتي فيه مشكلة تانية عايز اسالكم فيها...
انا دلوقتي كنت مفول من اسبوع تقريبا وامبارح عداد البنزين ماكنش ثابت كان كل شوية يطلع النص وينزل للعلامة الحمراء ومكنتش عارف انا معايا بنزين ولا لا وبالتالي رحت فولت تاني عشان ابقي في الضمان...
فالعيب ده تقريبا بتاع عوامة.. مين بقي الشخص اللي اروح له عشان يشوف لي العوامة دي !؟!؟
ميكانيكي ولا كهربائي!؟!؟

**amreldieb** · 24-12-2008 10:54 AM

المشاركة الأصلية كتبت بواسطة mindvision

الحمد لله انا ركبت عداد جديد لان طلع العداد القديم اللي عندي فيه ايسيهات بايظة عشان كده ماكنش راضي يشتغل خالص...
بس دلوقتي فيه مشكلة تانية عايز اسالكم فيها...
انا دلوقتي كنت مفول من اسبوع تقريبا وامبارح عداد البنزين ماكنش ثابت كان كل شوية يطلع النص وينزل للعلامة الحمراء ومكنتش عارف انا معايا بنزين ولا لا وبالتالي رحت فولت تاني عشان ابقي في الضمان...
فالعيب ده تقريبا بتاع عوامة.. مين بقي الشخص اللي اروح له عشان يشوف لي العوامة دي !؟!؟
ميكانيكي ولا كهربائي!؟!؟

المفروض تروح لكهربائي... على فكرة احتمال كبير انك تحتاج عوامة جديدة, و لو انت بتحب تلعب في العربية انت ممكن تركبها بنفسك بس مع بعض الاحتياطات علشان متلفش العوامة غلط...
انا جبت الصيني بحوالي 40 جنيه و عاشت حوالي سنة و بعدين قررت مستخصرش و جبت واحدة من التوكيل ب 143 جنيه و ركبتها بنفسي...
انا ممكن اساعدك برضة في تركيبها لو تحب...