الموضوع: جنوط 16 للبدل مع اخرى 15 يشترط الحاله الممتازه

لو بتبيع الجنوط بالكاوتش مش بدل
تبعهم بكام

المشاركة الأصلية كتبت بواسطة nabaster

بصراحه خساره تبيعهم او تبدلهم

لان شكلهم علي العربيه بسم الله ما شاء الله

وبين الـ 16 والـ 15 مش هتحس بأي فرق

وانتا بنفسك الي بتقول مش بتحرك بالعربيه كتير

غير انك صعب تلاقي حاجه بالنضافه دي

فنصيحه بلاش تبيعهم

a.yakout

ياقوت باشا منورلي الموضوع والله والف شكر عالنصيحه الغاليه دي
همه شكلهم جميل جدا انا عارف ده حتى مش طالعين في الصور زي ماهمه عالطبيعه
لكن المشكله مش فيهم المشكله ان العربيه عندي كانت ستوك 14 فالـ16 مأثر عندي عالعفشه جامد لان العربيه صغيره ومش عاوز ابهدلها عشان دي لسه زيرو فحرام عليا
انا ان شاء الله لو ملقتش حاجه نضيفه هشوف حد يشتريهم وابقى اجيب انا طقم 15 او 14 نضيف

المشاركة الأصلية كتبت بواسطة behman

+11111

شكرا يا جميل

المشاركة الأصلية كتبت بواسطة modyegypt

لو بتبيع الجنوط بالكاوتش مش بدل
تبعهم بكام

بص انا جايبهم من العباسيه من اول ابريل الجنوط والكاوتش يعني ملحقوش يمشوا
ه غير ان الشهر ده العربيه اغلب الوقت مركونه زي ما قلت
انا جايبهم والله بـ 3300 وبعد الفصال خدتهم بـ3200 فانا هسيبكم تحددوا تمن بيعهم بالمبلغ اللي يرضي ربنا
بناء على الحاله والاستعمال ولو السعر مناسب انا بايع باذن الله

على فكره انا بس مذكرتش ان الكاوتش والجنط بدون اي عيوب دنا حتى مفكتش بلف الكاوتش عشان ازوده هوا ملحقش يتزود هوا حتى ولسه بشوكه وبرضو اللي يحب يجي يعاين عالطبيعه انا في الخدمه .

اكتب سعر علشان اللى يعجبة يشترى وتكون انت مرضى بية علشان ما فيش حد يقول سعر تدايق منة
ولو فى مقدرة عند حد يشترى بناء على كدة

ياريت لو فى سعر نهائى بلغنى بيه ان شاء الله

والله مش عارف عموما انا عن نفسي مكنتش هبيعهم لو جابوا اقل من 2500 يعني هبقى خسران فيهم 700 جنيه في شهر واحد وهي مركونه
انا بتكلم عن الحد الادنى ولكن نفسي مخسرش فيهم كتير طبعا ولكيم حرية الرأي