شفاك الله و عفاك
عرض للطباعة
لم اعمل قبل التخرج بتاتا
بعد التخرج
medical rep. فى شركة فاركو
كيميائى مسئول عن الالوان و الجليز فى مصنع الدرادو(احد مصانع ابو العنين - كليوبترا)
فترة معتبرة درست فيه web dev. و عملنا مشروع موقع معرض انتربيلد
كيميائى باليوميه فى الجمعيه التعاونيه بمسطرد (قسم الصابون السائل)
كيميائى فى المصبغه الخاصه بشركة النصر للملبوسات و الاقمشه (الشوربجى سابقا)
الحمد لله على كل ما سبق
و الحمد لله الان اعمل كيميائى بشركة نقل بترول
محسوبكم خريج علوم
جيولوجيا - كيمياء 1999
وانا في اعدادي صبي بني
وبعدين صبي محاره
وبعدين في مصنع الاسمده بعبي شكاير سماد
بعد التخرج عامل بازار اروق وامسح
وبعدين بياع في محل عطور
حاليا مرشد سياحي (خريج اثار) وكان نفسي اعمل شركه وكنت علي وشك لكن جت الثوره
حاليا بعد الثوره ربة بيت بساعد المدام ومعرفش ايه مصيري
عامل تكسير خرسانة و انا في ثانوي . . و مهندس تركيبات بعد التخرج . .
شريك في شركة كمبوتر و شبكات
رجعت تاني تركيبات .
مهندس صيانة في مصنع كربونات كالسيوم المنيا.
مدير مصنع كربونات الكالسيوم بني سويف .
موضوع حلو اوووووووى
انا اشتغلت صبى فى ورشة ازاز من اولى اعدادى لحد الثانوى اتعلمة الصناعه ولما دخلت الجمعه فتحت محل انا وواحد صحبى
وبعد كده سبتو لصحبى
خالص واشتغلت فى شركة سياحة محاسب وبعد كده فى قسم الحجوزات والحمد لله حاليا مدير فرع
وانا فى ابتدائى كنت بشتغل فى الغيطان بالومية
وفى اعدادى صبى نجار مسلح وصبى بنى وفى المعمار
فى ثانوى عامل فى مطعم ثم كشير فى نفس المطعم ثم كشير فى محل احذية ثم عامل فى ورشة تفكيك ماكينات خردة
حاليا مهندس بشركة بتروجت
والله فكرتنى باللذى مضى يا اخى
من سن ال 8 سنوات كانت بنزل مع والدى فى بيزنس العطار وكنت بقعد على البنك وبعد كدة جالى حساسية ومبقتش اقدر اتعامل فى المجال دة مع ان اصل العيلة كلها فيه هو وتجارة الأسمنت والأراضى
اشتغلت وانا عندى 10 سنوات فى مصنع ملابس جاهزة
وسنى 14 سنة اشتغلت فى مصنع عربيات ووصلت فيه لحد ما بقيت مقصدار !!
16 سنة مسكت شغل لوالدى فى مجال الأسمنت وفى الاخر اقنعته ان فلوسها حرام وصفى اعماله فيها هههههههههههههه
18 سنة حصل مشاكل بينى وبين والدى وخرجت اتعارك مع الحياة واشتغلت فى سايبر وبعد كدة اشتريته
بعد كدة اشتغلت فى مجال المبيعات والتوزيع لقطع غيار الكمبيوتر وحاليا اعمل كمدير فرع السويس بشركة الأمير للتجارة والتوكيلات اهم موزعى بروكتر وجامبل مصر
كلمة اخيرة عمر الشغل ما كان عيب لأنه فى الاخر هو من يصنع الرجال حتى لو كنت ابن مليونير