جزاك الله خيرا ياحاج احمد والله العظيم كان نفسى حضرتك بالذات تقرأ مشاركتى دى ، فالحمد لله قراتها ورديت عليها كمان . فعلا امى داعيالى
عرض للطباعة
على فكرة معظمنا اشتغل كده فى الدراسة
انا اشتغلت فى فندق اثنءا الدراسة ميريديان ومينا هاوس
ثم سافرت السعودية واشتغلت فى هوليداى ان ثم شركة فى 6 اكتوبر
ثم اشتغلت فى التدريب والموارد البشرية والان مدير موارد بشرية فى شركة كبيرة
بس الغريب انت دلوقتى ممكن تشغل ابنك اظن معظمنا بيرفض ليه مش عارف حتى الابن نفسه هيستغرب لو قلتله تشتغل
اكيد والدتك داعيالك ..... والا ماكنتش قدرت تستحمل الظروف دي لغاية ما وقفت على رجليك
ناس كتير مر عليها ظروف اسهل من كدة ولم تصمد ولم تتحمل وكانت النتائج كارثية
دعاء الوالدين وخصوصا الام بيبقى له تأثير كبير جدا
ربنا يبارك فيك ويزيدك منفضله ويباركلك في سلمى وانس واخواتهم
ايام الدراسة وما قبلها للاسف ما اشتغلتش
بعد التخرج استلمت المجال البحري_اشتغلت مساعد مهندس بدون مرتب على احدى عبارات السويس جدة لمدة 8 شهور
تدرجت فى الوظيفة على ظهر السفن التجارية وسفن الخدمات البحرية لمدة 7 سنين
حاليا تركت البحر اعملت باحدى هيئات الاشراف على السفن
معرفتكم فخر
والوقوف بجانبكم امنيه
والوصول الى ما وصلتم اليه شرف
ربنا يعزكم
وادعولنا نعمل زي ما انتم عملتوا
ما شاء الله
قصص مشرفة للغايه
ربنا يبارك فيكم وفي الجميع
انا الحقيقه ما اشتغلتش قبل التخرج
حاليا انا مدرس مساعد بكليه الطب
والله انا فخور جدا ومبسوط بالرجالة هنا قمة التواضع والاجتهاد وفعلا لكل مجتتهد نصيب
اما بالنسبة لي اول شغل كان جزار مع خالي في سن8 سنين حتى 13 سنة كان بيديني ربع جنية في اليوم واكتشفت انو كان بيدي واد شغال معانا جنية في اليوم سبته طبعا ههههههههه
فترة الاعدادي بدون شغل لرفض اهلي لمبدا شغلي وكانو موافقين بالعافية اني اشتغل مع خالي بحجة انت مش محتاج حاجة واللي عايزة هنجبهولك
دخلت صنايع قسم خراطة
واشتغلت خراط في الصيف في اول اجازة
تاني اجازة خراط في نفس الورشة المرتب 10 جنية في الاسبوع
تالت اجازة كنت خدت خبرة واشتغلت خراط في مصنع كاوتشوك ب 30 جنية في الاسبوع
جبت مجموع ودخلت كلية التربية
وخلال الفترة دي اشتغلت ايام بسيطة في مصنع طوب اسمنتى
اشتغلت مع مبيض محارة
اشتغلت في ايطاليا في الديكور وفي توزيع الاعلانات
حاليا مدرس ثانوي صناعي قسم ميكانيكا
بجد والله ناس زى الفل مع انى لسا صغير فى السن ووالدى اشتغل الكثير من الشغلانات حتى وصل لاعلى المقامات بس انا فى البيت يعتبر مدلل فعلن يعنى لو جبت سيرة الشغل دى مش عارف ايه الى ممكن يحصل كل الى هما عايزينه منى انى اذاكر بس وللاسف انا مبحبش المذاكرة بس بذاكر برضه ربنا يوفقنا كده ويوفق المصريين جميعا ان شاء الله